Serhsat in ka rak um hlanah khan cun kan kaltak tawn i, ka hrangi na ka ruahpiak mi ka theihthiam khawhnak hnga serhset i ka rak um hi ka hrangah arak ttha cem ko. Cu nun cu, siangpahrang David nun in kan hmuh khawh. Nunchimhnak/vuakvelhnak thuhla hi Hebru cakuat ah kan hmuh khawh. Asi, ahman nunchimhnak kan titik ahhin atthalo lei hi akhihhmuh tlangpi tawn, Asinain tthate in hnasik in kan ruah asi ahcun nunchimhnak hi fatak kan sizia fiang tein alanghtertu hmanrua pakhat asi ve. Na dawtmi na fa cu ahrangah thittha asi ti na theih ruangah na sik, na velh tawn asi ko lo maw?? Na innchak thlangpa fa le cu zeitluk hmanh in sual ko hna hmanhsehlaw na vua in na bengh hna ka zum lo, zeiruangah, sual kha ahrangah thiltthabik asi maw? si hlah!! Asianin an mahbantuk tho misual asi mi na fa le cu ziah na vuak ngam bik!!, mahhi zawnte hi a poimawhnak hmun a(point) te cu asi, fa sinak tak atarlangtu cu nun chimhhrinnak kan tuar, kan ton kha arak si tawn.
Pathian nih kaltak cangmi bantuk in nai thei tawn asi ko lo maw?? Na pasal, na nupi na lungduhning zong theng tein an um lo caan a um tawn asi ko lo maw?? Na fale biattha ttha na cawnpiak cuahmah lio hna ah an sual tthiamtthiam tawn asi lo maw?? Ngandamnak na haltawn asinain bawrsawmnak nih an tlak tawn asi lo maw?? Zumlo mipawl na mithmuh le na hnatheih ah atthangcho utmat lio caan ah kan nih Amah zumtu, anung Pathian zumtu kan si va si kaw, zeiruangah kan re atheih khun tiin na lungthli tein nai ceih tawn asi ko lo maw?? A sihrim ko, asinain mahhi te hi na van theih dingah ka duh mi cu, kan Pathian, kan hrangah tthabik in khau akankhanpiak tawntu nihcun, vawlei nuamhnak nak in zungzal nunnak, vannun neitu si dingah a kan duhsak deuh tihi na nunnak cu attangnuam ah van i hngat tthan dingah kan sawm tthan.
Pathian nih kaltak cangmi bantukin nai theih cang a um tawn asi maw?? zeiruangah dah? Na nun kha tthatein van zohnolh tthan tuah vanlam na kaltak cang, Amah nih akan tak si loin amah Pathian lam asi lomi lam na zulh, na kal ti kha i thei!!. Keimah ahhin um zungzal uh, cuticun kei zong nan sinah ka um ve zungzal lai ati. Nanmah sinah ka um zungzal lai ati lo, Amah ah um zungzal dingin akan ti. Na pasal, nupi, fale si hnaseh na duhningin an um lo tiin thla na cam tawn, an ka let lo tiin na vuitawn asi lo maw?? Na nun kha van i zoh tthan hmanh na pasal, nupi, fale kha Bawipa duhzawng cawnpiak ttha na fahbal hna maw?? Na thinlung thurhnawmpi he na thlacam tawnnak kha an leh nai zum maw?? Midang si loin nangmah thengte kha an zawn naruahtuk mi hna hrang i Pathian rianttuannak khamtu/ daltu na si ti kha i thei!! Nangmah le nangmah kha i fiang law, Bawipa hmaiah sual chirin ngaihthiam halin na herh hmai si kha ka van chim duh.
Ngandamnak hal in bawrsawmnak nih an tlakbuak asi lo maw?? Curuangah cun na vui tawn i, na phunzai tawn asi lo maw?? Ngandamnak an pek lio i na nun kha van i zoh tthan hmanh, mi bawrhsawm pawl, damlo pawl nehsawh in, an hrangah bawmtu na si bal maw?? Bawipa hrangah na ngandamnak nun sunglawi kha na pe siang bal maw van i ruat cikcek ve tuah??
Vawlei rumnak le nuamhcennak duh ruangah rumnak na hal tawn, asinain na hmuh lo, an pek lo ruangah na vun tawn asi lo maw?? Na van i nuamh deuh hlek men ah Amah na philh colh, ahnung n achit colh, Amah nakin duhdeuh mi neih ruangah ningzah mualpho zong ruat ti loin na nun na hman tawnnak kha van i ruat ve tuah. Hi thil vialte kan duhning si loin kan duh lo zawng i a van phan zungzal tawn mi hi zeidang ruangah si loin, hi vawleicung caan tawite kan um chungi vawlei thilpawl ruangi Amah kan hoitak hi a kan siang lo, tuarin rum tawn hmanh usih law, cu harsatnak ralahcun thlawchuahnak, van thlawchuah sunglawituk mi akan hmuhsak ruangah kan tuar hi Bawipa nih akan sian. Cunihcun vannun akan khawhhmuh zungzal tawn, Bawipa cu thangtthat in um ko seh.
No comments:
Post a Comment