Lalthutthlenga thu chuan, “Ngai teh, thil engkim ka siamthar e,” ati a. (Thuphuan 21:5)
• Tuktin nithar leh engmai taktak te hian Lalpa faknan chiarsenloh huntha, hun remchang arawn chuahpui fo thin a, he nithar lawmawmtak chhungah hian a duhzawnga nungtur leh azirtirna daante zawmturin kan Pathian chuan duhsakna sangber min hlan fo thin ani. Chutiang ang bawkin tuktin nithar kan hmuh te hian, Lalpa daan leh zirtirna te zawm duh lova, amah aṭanga hlataka tlanbo theihna hunremcang (chance) tepawh arawn chuahpui vetho mai tihi kan hriat leh atan atha awm mang e.
• Voitamtak hi te hi chu mu leh mal pawh awm hlek lo hian kan hun remchang, kan hun hlutaktak te hi Pathian faknan chuan dahthat keimah ni tana thiltha, remchanna zawnna chang pawh hre hlei lovin kan khawhral maimai thin chu anih hi. Achutianga mawl leh hawihhawm lotak kan nihchung pawh hian kan Pathian chuan min hmangaiha athathei ang berin ruahmanna a la nei thei te hi avan lawmawm thintak em!! Chutiang anga kan sual chungchung pawh chuan kan dilna mawltete tepawh mingaihsak in min chhang thin bawk.
• Ngai teh..! voiin hi ni lawmawm chu ania, in siamtharna hun remchhang ber ni chu ani. Engti khawpin lo sual tawh mah la thinlung leh tihtakzet tharthawh duhna le in chirna thinlung nen ipan anih ngai chuan, pantu te apiang hnawl ngai lova duattaka lo kuangkuah thintu Lalpa anih zia hi i tem ve ngei ka beisei. Chutichuan, kan ngaihtuahna (senses) te thleng pawh hian amah duhzawnga hmangthiam turin kan in hlanfo te pawh alo ngai leh zel bawk ani.
• Voiin kan tih, kan chenmek ni le hun te hi Siamtu faknan hun remchangber chu an lo ni, Pathian faknan hun ka nei lo kan tih hi chuan dawthlum kan sawi chiang tihna ani ngei ang, kan hun pekphal zatah a in nghat mai zawk ani. I huntha hi hlauh suh la, naktukah ti hek suh, naktuk hi i tan alo in herchuak lo te pawh ani thei. Remchanna leithiam i la, atamthei ang berin amah faknan hman theuh i tum ang u... Lalpan malsawm cheu rawh se..!!
