HNGAKCHIA LE MAGIC POWER

INDIA ram ah kum zei maw zat cu ka rak um ve cu i ka hmuhton mi le ka vah ka tawinak ah hngakchia nun he pehtlai in zeidah ka hmuh ve tiah cun an sianginn lawi bak khin zeidang ruat lo in cartoon zohbak khi heh tiah an hauh tawn, kani fapa te zong hi kum zet mawzet india i ka um lio ah asinginn van tlung ding hi ka va don tawn ve, in kan van phak bak hin cun zeidang hi ahau loh cartoon chanel(Line) bak hi a hmeh colh cutin mittthep nak cang hmanh thiam lo in thawngai khin azoh. Cutluk hin zoh an duhmi arak si, amah lawng silo in hngakchia poh nih hin cun an zohduh viar mi asi tawn. 

Asinain  zumtu mi hna kan hrangah cun  kan fale kan zohkhenhnak hrangah  thiltha lo ngaingai mi arak si, ziah tiah ah cun zumtu mihna kan zumhnak le (Doihka) (Magician) timi hi kan Bible he zong akalh ngai mi thil zong asi fawn, ziah tiah cun hngakchia nih an van zoh tikah, ahmaisa i kan van chim bang khan,  an zohmi nih an thinlungah avan luahkhah hna hnuah cun asikho lo ding tiangin tuah i timhnak, ruahnak ttha lo, ruahnak sual an van nei, thlachiat ruah lo nak aphunphun lei in an thisen nih an van i tthanpi cutik ah cun adonghnak ah cun fanu sual, fapa sual, nu le pa mithlitlak tetu ah an van chuak tawn. INDIA ka um lioah  cauk ka relmi pakhat ka thinlung i ka philh khawh lo mi cu CALIFONIA i a um mi nuhngaknu te nih i larnak arak hmuh mi cate si cu ca ah cun MAGICIAN hmangin  Sehtan nih heh tiah mi thinlung tei khawh dingin aizuam i, MAGICIAN telmi zatka hrimhrim cu zoh khawh lo attha tiah arak chim mi ca ka rel bal ve. 

Sehtan nih hmanruaah ahman khawh mi thil asi tiih kan theih khawh nak tette cu zeidah asi tiah cun khiban tuk ai telmi zatka zohtamtuk mipawl hrimhrim khi, thlachiat ruat mi an um bal loh, cucun ZATKA ciocio zongah zatka dangnak in  thinlung ala deuh hoi fawn, thil pakhat khat cu asi kho mi asi ve ngai ko. Magician telmi  Zatka hrimhrim pawl hi atheitlai cu lunglomhnak achuahpi bal loh, zawnruah nak anei lo, thlachiat aruat bal loh, curungah kan theih ding mi cu kan Bawipa ZISUH nih a kan cawnpiak mi he avan vawlei tuk tihi chimh hau loin kan theih khawh. 

Fale zohkhennak ah asikhawh lebang ah hin cun Nu le Pa nih fale hrangah Routin ttha tein tuah kho sehlaw attha tuk hnga dah tiah ka ruah. An canawl te zong hi man nei tein an hman khawh nak hnga Nu le Pa nih fale hrang  ah tiin kan duhtuk mi le tuah kan van duhtuk mi dinhmun lak zongin siseh, hnunglei van chit tak ttualmal ngamtu Nu le Pa si khawh hi kan ttuanvo ngantuk mi asi tiah ka ruah. Na fale hrangah na can na pek ah cun na fale zong nih na hrang i  can pek zong hi an i ngaihtuk velai ti hi  ka van chim bet duh. Fale hrangah hruaitu ttha bik Nu LE PA si hram dingah le hruai khotu sidingah  Bawipa nih thlawchuah in pe ko seh. Hmanthlak google ta.

HNGAKCHIA NUN DANLAM TERTU CORTOON MOVIE

A hmaisa in ka van chim duhmi cu cartoon movie ka van titik ah khin ziah cartoon movie cu hngakchiah hrangah atthat tuk ttung thil dangdang cawnnak zongah attha tuk mi pei asi ko cu tiin biahal nak (Question) zong a um kho mi men, ka van chim duh mi deuh mi khi cu cartoon zatka titikah khin MAGICIAN tamnak pawl, doihthiamnak zatka cartoon i an tuahmi pawl siseh, action zatcian tuk mi i vuak le i velh, i thah umnak cartoon zatka i an tuah mi pawl khi ka van chimh duhnak khi an si. Ziah tiah cun atu kan chan cu vawlei leiin siseh, thiamnak in siseh, rumnak in siseh, achia he attha he chimcawk loin mithmuh le tongh khawh in atthang cuahmi chanah a um mi kan si. Hngakchia thinlung cu an chimtawn bangin ttial rih lo mi (balasauk) he an i lo tizong in an rak tahchunh tawn kan theih, asi, ahman bakmi asi ziah tiah cun hngakchia cu thil van cawnpiak khi an nuam kho ngaingai, achan cu an thinlung athianhlim  hlei ah  an thinlungah thildang an khumhrih lo caah asi, hi ruangah tak ah hin NU LE PA hrangah ralrin aherh mi le theih ahau mi tete kan theih khawh tawkte in van chim khawh ka van i zuam velai.

Kan hngakchiat lio van tive ko ning law, achan cu kan mah theih hnu hmanh ah hi vawlei thil umtuning athlen tuk cang caah ahlan lioah cun titi lo in kan hngakchiat lio ah ka van tinak khi asi, cuticun kan hngakchiat lio ah cun laitlang khawte hna ah cun video chim loh radio hmnah hi hmuh ding le ngaih ding hmanh a um tuk loh tiko sihlaw kan chimsual lailo dah tiah ka ruah, asinain, kan chim bang khan tuah cun tuchan fimthiam nak asantuk cang caah azumh i kan rak zumh phak bal lo mi laitlang khawte zongah TV he kan um tthup ve kho cang. Cuti i  TV kan van neih cangah cun Tv alawmtu le azohduh cemmi hi hngakchia hi an si tawn, curuangah ka chim duh mi cu hi vawlei cung fimthiamnak nikhat hnu nikhat acah nak le atthatnak cop in ai rawk cuahmi ah hin, an fimnak le an thiamnak cu vandeng tiangin an thang, cutik ah  zeibantuk zatca poh hi hngakchia hngakchia zohkhawh dingin an tuah cuahmah cang tisi.

Kum 2000 le 2014 karlak hmanh ah hin relcawk lo hngakchia zoh duh dingin cartoon zatka an tuah tisi, cu an tuah mi lak ah cun ahleice in hngakchia zohduh dingin le an thinlung alak khawh nak pen khawh nak hnga tiah Magician(Doih telmi zatka) heh tiah an tuah tisi.

1.NU LE PA TTUANVO

Nu le Pa nih fale zohkhenh nak ah kan i ralrin khawh nak hnga, atu i research an tuahnak ah atak i an hmuh chuah mi, ahman mi tuanbia tawite van chim hmaisa ka van duh. Atu i kan theihmi ahleice in muslim pawl ram ka van tila cu khi pawl nih khin ahlei cein an fale khi khi bantuk (Doih telmi ) (Magician) cartoon zatka  tuah mi pawl khi an fale an zohter tawn hna tisi, khap leh lam lo in zoh tu an fial hna ti si fawn. Ziah tiah cun khi bantuk zatka an zoh khin an thinlungah ruahnak ttha lo, sualduhnak thinlung, (Magician) aitel mi zatka an van zoh tikah minung nih sikhawh lo mi tiangin si duhnak thinlung an van nei, an van sikhawh lo tikah sualnak aphunphun nih an nun a van ttemtawn tik hna ah cun anunah diriamnak a vam um kho ti loh, an leinun hi tihal nak in khat, cucu an sakhua, an zumhnak zongnih ai tinh mi zong asi i, sual i mithah tam khawh poh hi an i timh mi zong asi. Ka van chimduh mi cu a zumtu e, zum lo tu e tilo in atu ahcun khawika hmun poh ah  zohkhawh dingin a um viar cang, website aphunphun zongah zoh khawh in a um.

Curuangah kan nih zumtu Nu le Pa hna fale zohkhenhnak ah hin zeitin dah na can na hman ve tawn, na fale hrangah zeitin dah na can na pek ve tawn, kan fale an can hman ning siseh, an nunning ah na lung atling maw??? A can awlte i TV an zoh canah siseh, zeibantuk an zoh ah dah attha hnga timi khi na ruat piak bal hna maw, a hi kherkher cu abiapi lo tuk tiin zei rel loin hnangam in na um tak sual  hna maw??? An rawlei, an tidin, an nunlam hruaitu dingah Nutling, Palting na si maw ti hi na nunnak nai check bal maw??

 Ziah tiah cun hngakchia nih an zoh duhmi cu khiban tuk (Doihka) Magic telnak pawl khi zoh an duh khun mi hna an si cu, hngakchia thinlung lacem tu zong asi fawn, khibantuk an zohtam poh ah cun(Supernatural power) minung tuahkhawh nak leng i tuah khawh duhnak, ruahnak nih an thinlung thianghlim tukmi chungah aittial sual ah cun, nai zumh lo ningpiin na fanu, na fapa nih na mitthli ttlak tertu an si kho men ti hi kan theih ding zongah attha.

 Khi bantuk (Doih Zatka) an tuah mi cartoon zatka tete kan fale kan zoh ter hna khi angaingai tein van ruah ah cun zumtu Nu le Pa nih kan fale kan zohsianter hna ding hrimhrim hi asiloh tiah ka ruah. Zumtu kan sinak he ai rem lo ngaimi zong asi  tiah ka ruah. Nu le Pa nih fale zohkhen nak cung i kan responsibility (kan mawhphurh nak) hi ttha tein kan tlamtlin maw tihi kan theih ding mi thilttha ngai asi tiah ka ruah.