VIRGINITY SUNLAWINAK (Nungak, tlangval/hawl lio mi hna hrangah)

Add caption

Tutum cu hibantuk lei hi van ti ve duak ve u sih.A hlan tein ka thinlung chungah seherhnak he arak khat pengmi, arak taap pengmi biatlang pakhat tulio vawlei (New generation)timi kan hman liam cuahmah lio ahhin nang zumtu aiti mi Pathian biakinnthiang ngaina aitu hi nanun hi na him tawk maw??? A Thawngtthabia auchuahpi dingin khawmhmi kan nih mino vailte hna, na him tawk in nai hngal maw?? Nai thei maw??

Nupasualnak (sex) hi Pathian nih  nupa nunak lawng i, rem aruahmi, khua a khanmi, asi lio ah mitampi nihcun tulio channih nih akalpi mi asi ti ziarin, an hriktida hmanh athak lo, zeite ahkhin khin an relduh ti lo khi asi cang, cubangtuk thinlungpu in, achan nih aneih cu tiin chantiluan kan tilai cu, nunpalok, nun duhdah ngaiin amin in zumtu, cinghngia phaw ai chinhmi zumtu kan tamtuk hringhran cang. A bikin zumtupawl nunnak ah buainak le harsatnak a kan phak tertu tambik tiin relngam ding dinhmun ah a van um cang, a va poi hringhran dah aw!! a cu kan chanchiat ruangmang tak hi cu aw!!.A tu kan chanchiat ngai hi cu, t'henkhat papawl le bang cu nuhngak tampi ai ihpi asi ahcun ningzak lehlam loin hmaihngal nak ah an hei chim lehlam cu, ruah ahcun chan linglet bak kan si taktak ko cang. Hi vawleicung huap in kan vun zoh asi ahcun vawlei pumpuluk deuh thaw ti awkin marrage policy lebang kan zoh asi ahcun (pre- merrage) timi living togather timi hi, Bawipa duhset zawng cu asi hnga maw?? si naisai hlah, nemmam cu, Pathian nih nupa sinak (sex) timi hi, nupa i tuah hnu lawng i, asian mi, akhuakhan mi asi.

T'henkhat le bang nihcun zeitin dah an chim ti ahcun kan i dawtnakbik tahfung, langhternak cem asi tiah an chim, khatlei i vunruah ahcun ahman nak lai zong cu a um ve ngai ko, asinain zeiruangah dah lolam, silo tukin kan tlangval, nuhngak thianhlimnak hi belchia zuar men in kan zuar tawn, ti ka ruah ahhin, minung ruahnak men cu chim lo, Bawi Khrih hnungzultu kan hei tile, i sumkhawhnak siseh, tuarfai khawhnak siseh, Bawi Khrih hrangah hin tuar ngam nun hi zeiruangah hme kan neih khawh hnga lo, Pathian fadawt, fanu, fapa na sinak, na thianhlim nak kha olthadak tein zuarthlaitu na sisual maw, nanun van check ve tuah, vanram VAN SIANGPAHRANG hmai i kan dir tikah, mah le tuanbia, kan sining cio rel asi te lai, kan tuahmi vialte haichuah viar asi te lai, cutik ah chimngam lomi, phuan ngam lomi, haichuah dingin na duh lomi thil zeidah na neih, zeidah na chim ve lai, atu na vawlei nun ahhin na thianghlim tawk maw?? 

Ka nu le pa, ka u le nau, chung le khat pawl, hawikom ttha lak tete in ka experience mithil tete, ka theihmi an si ve hna. Pathian pompi lomi nupa nun hei tibantuk, nupasual hman hi, Pathian nih athinhannak an chungah a toihsual hna ahcun, atu an nunchungah an tuar lo hmanhah tefachin tiangin chiarserh tawnnak asi, curuangah kan nonal lio, kan tthat lai caan, kan muidawh caan tawite chungah hin Christian innchungkhar thianghlim dirh kho dingin, Pathian sinah tthawnnak, cahnak teirialthlak tein i sumkhawhnak, i control khawh nak hi hal peng usih. Chimh ka van duhmi pakhat cu, atu kan chanah kan nunah thianghlim te le tluangte i nun ahmang kho tu hi tlawmte lawng asin tihi kan theih tthan dingah ka van chim duh fawn. Cu si loin kan i daithlanh sual ahcun zeidah aphi ti ahcun: Retheihnak, ningzahnak, ralchiatnak, i rem lonak, nun beidonghnak, buainak, adonghnak ahcun zeidah anun bei adong i, mah le mah i thahduhnak hei tibanguk, achia hlirhlir nih anun ah hrikbomh in a bomh hna cucun Bawipa apek mi hna zungzal nunnak asunglawi tuk mi cu an hloh tawn. Bawipa duh lo zawng i, chungkhar dirh hrimhrim cu an dam chungah diriamnak ngaingai an nei kho bal lo zeitik hmanhah tihi van thei tthan hna usih.

Awle, a donghnak bik ding hrangah le kan Role Model hrangah Bible chung i, kan theih lar tuk mi,Joseph nun hin zeidah cawnding mi kan nei ve aw?? Pathian hrangah aiserh thianhlim zia, mi zumhtlak, tlangval muidawh le  nungcang t'ha tiin an chim mi Jospha kha, a pu Potipher nupi nih khan a itttuk ruangah ihpi dingin a sawm ti kan hmuh. Tulio chan ahhin Virginity sunlawinak lawng hi kan i cawnpiak tawn. Zeiruangah dah a sunlawi?? Zeidah a chan pawl, Nun tluangtlam Bawipa duhzawng nunzia dawh neinak asi, innchungkhar zahumnak, minung nunnak ding hrangah siseh mi pangai duhnak ding hrang lawngah maw  virginity sinak hi kan sunlawih??? Joseph kha mipangngai, mi hrisel t'ha, mi ngandam leh tisa duhnak siseh, hiarnak neimi asi ve lai ti cu minung pangai dinhmun ahcun theihcia asi ko, asinain a thlite zongin  athei zungzaltu le hmu zungtzaltu duh lo zawng asi ti atheihnak nih khan  athianghlimnak cu a himter ti kan hmuh. 

Kanih zongnih zeibantuk  hmun le hma kan um zong i a kan hmutu duh lo zawng cu hrial khawh, tuah lo khawh hi i zuam ve cio hna usih. Tuarkhawh lomi, hrial khawh lomi sualnak, turforhnak zeihmanh a um lo, turhforhnak kan ton rualrual in kan chuahkhawh nak, kan luatkhawhnak kutka akan hawn paik zuangzal tihi a tharin thei tthan hna usih. Curuangah nang le kei zong Joseph bantuk minung tisa neimi ve kan si, kan thianhlimnak, kan nungak, tlangval nak hi Bawipa duhmi innchungkhar dirh kho dingin, kan thianhlim nak, kan virginity sinak hi humhim khawh i zuam hna usih.