Zumtu tampi kan nih pawl cu mah le mah thiam ai coter cop mi kan tam/ai holhkanh kan tam cucu zeidah asi tiah cun, "Vawlei i a ummi, khuasa mi kan si bantuk in, felthlu khawh asi lo, asi kho hrim lo"tiin kan i holhkanh tawn. Asinain Daniel nunzia le cungcang kha kan van zoh tthan tikah cun thil asi kho mi an si zia fiang tein kan hmuh khawh.
Siangpahrang Daria chan lioah Daniel cu siangpahrang nihcun aram chungi hruaitu bawi pathum hna lak i pakhat ah a chiah ve. Mahbantuk dinhmun lio caan i Daniel dinhmun kha a tu i kan ramhruaitu cheukhat lebang he cun a tah i tahchunh dingtlak hmanh khi an rak si lo, cutluk khin dinhmun ttha le sang i rak um kho ve mi arak si. Cubantuk tiang dinhmun ttha le sang mizapi nih an ttihzah mi dinhmun i a um ko hmanh lio ah cun afellonak le apalhnak hi apelpawite hmanh an hmuh mi a um lo, hi nun hin thinlung a va khawih hringhran dah..!!!. Bible nih acungcang a chimnak zongah"Thilti khawhnak bik, tthatnak bik" deuh aneih zia kan hmuh khaw ( Danl. 6:3).Bawi dang pawl le nawlngaihnak neitu tthenkhat pawl nihcun heh tiah cun a sualnak hawlin an ziao lengmang, asinain asualnak cu an hmuh kho hlei lo. A pindan chung laili i, athlacam tawnnak hmun lo zongah, arianttuannak le a khuasaknak hmunkip ah a fel, zumhawk tlak tein aum, a tlamtling ti kha kan theih khawh/ kan hmuh khawh. Siangpahrang Daria zong nih Daniel mizia lakin a Pathian cu " PATHIAN NUNG " a si ti arak theih khawh cawlh ve (6:21).
Kan pawngkam zumtu siseh, zumlotu sihnaseh, hipawl hna nihhin kan PATHIAN hi zeitindah an rak hmuh ve hnga tiah na ruah???
Asinain kan nih belte hi cu kan nungning hi na ruatbal maw..!! kan sualnak kan palhnak, kan tlinlo nak pawl hna hi cu ralkhat men hin hmuhkhawh an si tawn. Kan tlu i kan tho, kan tlu tthan i kan van tho tthan tawn, cuticun midang hrangah nung ve manh ti loin, kanmah le kan nunah kan rak buaitawk emem tawn. Ba-al hmai i akun lomi Pathian nih torlecheng aneih hna tihi kan theih aherh. Kan nih teloin A umkho tuk ko nain, zaangfahnak in khamh si dingah akan sawm, akan duh!! Tluk le thawh ai karlakthlak zungzal mi kan si peng ahhin cun, Pathian ramhna hi phan kho loin kan umsual lai tihi ava phan um hringhran dah!!!! Pa le fa, chung le khar hmanh i remkhawh ti lonak hivawlei anchedong ahhin kan theihkhawh chungin kan mah le khamhnak hrang cio khawrkhawh kan i zuam nasat a herh. Thawngtthabia chimtu rinum le ttha zong si ko hmah usih law, kan pawngkam ummi nih kan sualnak, sawisel ding a kan hmuhchung ahhin cun, kan nunah fimhring tein kan nun kan i checkfel/ zoh tthan kan hau thei tthan hna usih.
Cung Pathian nih in thlawchuah ko hna seh nan dihlak in.
No comments:
Post a Comment