Zungzal
nunnak akan petu Pathian, thihnakkhur chungin a kan chuah i zalennak akan petu
Pathian, Cu Pathian zaangfahnak ruangi
anung fangfang kho men mi kan si, zeihmanh kan tthatnak, kan felnak i chim ve ding, i uantlar ve ding pelpawi te,
samfang tiatte hmanh kan nei lo, kan nunnak cungah second khat te hmanh nawlneihnak
i chim ding kan nei loh. Cubantuk i pakpalawng men khi kan si. Bawipa, Pathian nih asersiammi minung sinah
thlawchuahnak relcawk lo a phunphun in akan pek ciao mikip cungah, tthenkhat cu ram
hruaitu mi ropipi ah siseh, tthenkhat cu (Artist)hlasak thiamnak in siseh, chim ding tampi an um kan chimcawk lai lo caah, culak in hi
vawlei cung mithmuh ah mi cungcuang miropi pawl
nih SERSIAMTU zeirel loin anun ruangah an nun adihdongh nak pawl van zoh
hna usih...~~!!!!!
1).BON
SCOTT: hi hlasak thiam (Singer) lein mi minthang, milar ngaingai mi pakhat
asi. An mah chan liaoah an band AC/DC (mian) singer puipa cem arak si. An Album
pakhat chungi an hlasak mi pakhat chungah cun hitin Pathian zeirellonak bia le
hla a um, “ka kham hlah uh, ka chuk chinchin lai, Hell lamtluanpi chungah cun” tiin deusawhnak in hla asa.
Cuticun arauh hlanah Bon Scott cu athil ei aluak mi ai hak caah ruah lo piin a
tlu it hi colh. Diriam neknek in arak aupi tawn mi hla asak mi bantukin (Hell
lam tluanpi chungah akal lai ti cu afiang tuk).
2).MARILYN
MONROE: hi mintami(Actress) lemcang
thiam ngai mi, minih an thihhnawh deng mi muidawh samthlairem pakhat asi ve mi
asi. Voikhat cu mipi hmai i SHOW aneih hlan teah Thawntthabia chimtu Billy
Graham cu asinah ava kal i, Thlarau Thianghlim nih na sinah biachim dingin aka fial ruangah na sinah ka
ra tiah a va tik ah, Marilyn nihcun, “Jesuh nan timi hi ka herh lo” tiah arak
leh. Anih zong cu mah cu tiin a holh niin caan arauh hlanah a umnak inn (apartment)
a inn hlannak aroom chungah thicia in an
va hmuh ti asi.
3.CHRISTINE
HEWITT: Anih hi Jamaican thawngpang latu le mipi awitu “Journalist
le entertainer pakhat asi. Voikhat cu, “Bible cu cauk dangnak in lak tlak lo,
mumal lo, zeihmanh asi loh tiin deusawh ngaiin zeirel loin achim” ti asi.
Cuticun voikhat cu lampi i motor amawngh cuahmah liao ah a motor to mi chungah
a ho hla si ti theih lo tiang khawp in akang i athi. Bible kha mumal lo ngaiin
a hmuh ruangah anunnak zong mumal lo ngaiin thihnak a tong.
4).CAMPINAS:
Voikhat cu Brazil ram i Campinas ah nungak pakhat cu hawi le he lengah leng
chuak dingin an i tim. A nu nihcun motor chungi atthu mi afanu sin ahcun, “Pathian
he kalti uh mu, Pathian nih nan lam in
hruai hnaseh tiah anu nihcun holhkam thlum te cun a hei ti hna”, afanu te
nihcun anu sin ah hitin a hei leh, “Pathian cu motorka hnunlei ah ato lo ahcun
a chung cu kan khat viar cang tiah deuhsawh ngai khin a nu cu ahei leh”. Mah
cuti achimh nazi 2 hnu ahcun araapthlak ngai mi motor accidentnak an tawng
ruangah an dihlakin athi viar ti asi. An tomi motor zong cu ahmailei cu
asawprop viar ti asi. Asinain motor dunglam cu himhirhiar tein a um ti asi.
Palik pawl nih an zohfiahnak ah motor hnulei cu zeihmanh ai ruak loh ti asi.
Culawng si loin khuaruahhar ngai asi mi pakhat cu zeidah asi ti ahcun an motor
hnunglei i an phurh mi arti hmanh kuai lo ti asi.
5).
TATANIC LAWNGSATU: Tatanic lawngpi cu an sak hnuah cun thawngzamhtu pawl nih
interview nak aneih nak ah lawngsatu, neitu pa sin ahcun zeitluk in dah Tatanic
lawngpi zumhawk atlak hnga tiah an hal. Cutik ahcun lawngsatupa, neitu pa
nihcun hitin aleh hna, “Pathian rori hmanh nih apilter kho lai lo” tiah arak
leh hna. Cu lawngpi cu kan theih ciao bantukin arauh hlanah mipi tampi he rili
chungah pil diam.
6).JOHN
LENNON: hi music khawvel ahcun amin hi
acuai kho ti lai lo titiangin an rak ruah mi milar minthang hlasak thiam milang
pakhat asi. Voikhat cu American thawngzamhtu pawl nih interview nak an neih nak
ah hitin Pathian le zumtupawl nehsawh le zohdeu ngaiin arak holh, “Khristian
zumhnak hi atlau dimdiam te lai” tiin zeirel lo ngaiin arak leh hna. Mah hihi
chim le rel tam hau loin faingfai tukin ka theih mi asi tiah achim bet. Jesuh
timi pa hi attha ko, asinain a cawnpiaknak pawl hi lolam men an si tiah ati
cucun amah nak in kan mah hi kan min athang deuh, kan ropi deuh tiih i
uangthlar ngaiin kum 1966 ah cun arak chim. Amah hi “The Beatle band” i an
singer arak si. Pathian zeirel lo ngaiin
a chim arauh hlanah minih meithal ril ko in an kah diam ko.
7).CAZUZA : Brazil rami (Bi-intimate) tiin an theih mi hlaphuah thiampawl le
biazai ttilathiam pawl i komhkhawm mi an asi. Voiklhat cu Canecio( RIO DE
JANEIRO) i mipi sinah hlasaknak in show an neih liao ah kuakkhu thluahmah in a
zuk liao ahcun hitihin a van holh, “Pathian, hihi nangmah hrangah asi”, tiin
deuhsawh nawn khin a holh ti asi. Kum 32 asiah cuap CANCER zawtnak in rapthlak
ngaiin athi daim.
8).TANCREDO NEVES (Brazil President) : Anih zong hi President atlin khawhnak
ding caah heh tiah canghvaihnak
(Campaign) aneih cuahmah liao ah hitin capo ngain arak holh ve, “Vote 500,000
ka Party in angah asi ahcun, President ka sinak in Pathian hmanh nih aka thla
kho lai lo” tiah olthadak tein a holh ve ai..!! achimning bantuk te cun a
duhzat vote cu angah, asinain President tthutdan cung i a tthut hlanah khawsik
zawtnak in ruah lopi cun athi diam ko.
A cung i
kan van chim mipawl le vawilei tahnak in miropi taktak pawl, mi hlawhtling, mi
vanttha cungcuang i kan rak ruah mipawl nih seisiamtu Pathian zeirel loin an
pamhhmaih ning le an deuhsawhnak ruangah zeidah an ton, zeitin dah an nun an
dihdongh ti kan zoh tikah kan damchung
caan tawite ah Pathian nih akan pek mi talent ttha taktak pawl hi, akan petu
Pathian zohdeuhnak i kan hmannak hnga lo le kan hman thiam i, Amah sunlawinak tu i hmangtu
si pakhat ciao i zuam hna usih, Jesuh cahnak rinchan in.
