(BAWIPA JESUH NIH NA SINAH HI PAWL HI CHIMH AN DUH)

Hi vawleiah na sem hlanpi khan Pathian thinlung chungah siamin na rak um cang, tihsual ruangah hi vawlei cungi a hung semmi na si fawn lo, nanu pumchung i na umhlan pi khan kan theih cang, ka zohkhenhnak tangah na um cang i, na samzaikhat zong hrelh loin theitu ka si tiah Bawipa nih akan ti.

Ka dawttuk hringhran, asinain Sual nihcun na thinlung an cawhleh i an dehnak tawn, sual nihcun in dehnak in, aharsat khawhnak bik dingin na thilung tuarter aitim, an timh, nangmah le nangamh hrimhrim i huatnak, i fihnak, ka lamlei zohngam lo khawpin, amah lakin avan chuakmi sual cu na thinlungah thunin, an dehnnak lai ti kha ka theih, curuangah cu sualnak ding vialte cu a hrmnak, na tuarh ding aiah ka rak in tuarpiak viar cang caah, nanunnak cu thuhpiak in, na hrangah hmunnuam tukmi na hrangah kan tuahpiak cuahmah lio asi. 

Ka fa hi vawlei hnangamnak, tlaihchannak ruangah hin na lungre i theihter loin, i donhkham ter hlah law ka va duh hringhran dah,  na mamawh, na herh tawk ka hal law kan pek zungzal ko lai. Na titheih tawk na ti hnu i, nai nuamh khawh lonak nihhin ka lung na ka fahter tawn, Na tikhawh lo bak kha cu kan tipiak khawh, ka zum law hnangam tein um khawh i zuam tuah, Van i a zungmi vate pawl hmanh an eiding ka pek ahcun  alet tampiin na hlu deuh dakaw tihi na thei lo maw? Duhamnak sual ahhin sual ahhin tlu siang hramhlah.

Na hrangi ka tuarnak zozai vialte kha nitin in lunglawm tein na um khawhnak dingah le zalen tein na um khawhnak dingah dakaw khabantuk dinhmun tiang ka phaknak kha asi cu. Nitin in sual nihcun lunglomh lonak hlir na cungah a van phakter tawn, a van chim tawn, kha kha rakngaih piak hrim hlah, na hna rak khonpiak hrim hlah. Ka hngawngkawl hi i batlaw ka sinah cawngtuah, ka phur hi a zaang i,  zalenna tlamtling an pek lai.Huatnak nihhin nanun in hnihsawi hlahseh, na unau pawl cu dawhna law,na hrang i VAN JERUSALEM ah na hrang i hmun kan remhpiak mi cu hi vawlei cung na nun lio hrim zongah hin dawtnak le zalennak nun in na hman khawh dakaw.

Ka sinin lamdang na pial i, na nuar hin ka ngaih achia tawn, na t'ahnak nihhin ka thinlung a ka hliam tawn, sual cawhdehnak ruangah zalennak kan pek mipawl cen kholo ding i an siamtu, an tuahtu sual hi ka huattuk hringhran hna.Tu ahcun hihi thei zungzal cang, zeibantuk thil zong na cungah van phan hmanhsehlaw, na theihthiam maw, theihthiam loah maw, na cung i ro a reltu ding cu BAWIPA hi a si. Na t'hatnak ding lawng khua a khangtu/ atuahsertu asi zungzal tawn. Nangmah te lawng na sibal lo i,  nangmahah hin ka um zungzal, ka aw ngaituah i zuam, ka hnem zungzal lai, ka bia hi zul dingin na theihtawp na chuah hin ka lawmtuk hrinhran, na tluk caanah kan theihthiam,  asinain  tluk lengmang i tim hlah, thawhvat i zuam law hmuitinh neiin hmailei ah na hmuitinh mi na phak hlan lo cu, fekte in zumhnak in, thlacamnak in phanh khawh i zuam, na hrangah thil sunglawi, thilt'hatuk mi kan chiah piak, tihi thei t'han tuah. Asinain na hmuitinh mi hmun goal na phak hlanah a khawimaw zawn i, alaihawl laklawh i, ka huam tilo na tisual asi ahcun na cungah zeitik hmanah ka lung  ai lawm kho hrimhrim lai lo. 

A ZEIPOH CU SISEHLAW, KAN DAWTTUK HRINGHRAN, ZUNGZAL HRANGAH KAN DAWTTUK ZUNGZAL LAI KA FA, tihi "A kan khamhtu Bawipa nih chimh akan duhtukmi thil an si. BAWIPA  nih athar kan dihlak caah thlawhchuah nak kan pekpiak ko seh."