“MASTER, THE TEMPEST IS RAGING” TIMI HLA ROPI TUKMI LE MARY A. BAKER TUANBIA TAWI

(JESUH NIH THLICHIA LE TILET NAWL A PEKNAK HNA KONG)

Hi hla phuahtu hi Mary A. Baker a si, a thluk siamtu belte cu H.R.Palmer a si, a hla le a thuk hi ai remtuk hringhran, a thluk he i rem in, a chord chiah ning pawl zong hi ai dawh in sak hi a nuam kho tuk hringhran. A music a van i vorh sannak hmun, chord 7 a van hman mipawl hna khi ai dawhtuk hringhran. A hlathluk siamtu nih hin a hla kalphung arak tlaihfuh tuk tihi theih khawh asi, cuhrang zong ahcun  achord zong a van hman thiam hoituk fawn, culawng si loin  ahla musical sign a van chiah mi zong nihhin a hleiin avan dawh zualter chinchin. Hi hla a cangkhat nak hi JESUH vawlei a len lio i, thlichia le tilet nawl a pek hnanak cungcang avantarlangh kha asi. Jesuh le a hnungzultu pawl 'lawng'  an cuan cuahmah lio i, thlichia le tilet nih umawk thei loin a nuai len lio hna caan i a zultu pawl khawruahhar, vansang, lungrethei in an um lai ning kha hihla athu le hla biafang umzia khin theih khawh an si. 

1).Master, the tempest is raging!

The billows are tossing high!

The sky is o’ershadowed with blackness,

No shelter or help is nigh;

Carest Thou not that we perish?

How canst Thou lie asleep,

When each moment so madly is threat’ning

A grave in the angry deep?

 A hnungzultu pawl nih lungrethei vansang ngaiin an um lio caan ah thawngaiin aa hngilh cuahmah mi JESUH cu an va thawh, Jesuh nihcun lei le van Bawibik asi zia le uktu asi zia alanghter i, thlichia hrang le tilet pawl cu nawl a pek hna lio caan i, A hnungzultu pawl nih an khawruahhar ding ning le an muihmel ah lawmhnak in an khah lai ning ding zong khi a hlathu pawl khin mithlam khin van suaikhawh an si fawn.  An cuannak lawngah khan lei le van Siangpahrang a cuang ve tikha thei hnasehlaw cu lungrethei le vansang khan an um hnga lo. Jesuh ahkhan an zumhnak kha hngat hirhiar hna selaw cu lawng cungah khan thinthi tein lawng cu i ciit in thlichia le tilet ruang menmen i, buai le lungretheih ding an si lo zia cangkhat nak nih khin fiangtuk in a van tar lan ti kan hmuh khawh.

2).Master, with anguish of spirit

I bow in my grief today;

The depths of my sad heart are troubled—

Oh, waken and save, I pray!

Torrents of sin and of anguish

Sweep o’er my sinking soul;

And I perish! I perish! dear Master—

Oh, hasten, and take control.

. 

A canghnihnak hi cu a phuahtu Mary A. Baker nihhin  amah  nun behchan in a a phuah mi asi, a nun cu lawng i a cuangmi bantukin a van taht’im . Thlichia nih nasatuk in a vannuai bantuk khin a van chim, Mary A.Baker i anu t’apa  hi hrisel lemlo deuh hi asi i, a hrisel t’hatlonak ruangah khawtlang leiah boruak thlifim t’ha dong dingin khual atlawng i, peng thong tampi akal, asinain cutibu zong cun  t’hat lam a panh kho hlei cuang loh, cutilio ahcun  Baker zong dam loin arak um ve, anu t’apa vaveh ding zong cun, kal kho lo ding tiangin  dam lonak nih atlunh ve, karhnih khat chung teah anu t’apa cu vanduaithlak ngain a thi ai. Pathian sin zongah a vui ve, culawng si loin Pathian lak in zei maw cen cu a hel ve manh. Asinain Pathian nih a vansannak le a awlokchon nak vialte cu a van ti t'hanghharh t’han. Zumhnak thar le thlamuannak thuk chin cu a van neih t’han khawh. 

Culio hrawng ahcun Baker cu Sunday School hla phuah dingin an sawm i,  an cawnmi lak i pakhat cu Jesuh nih thlichia le tilet daitein um dingin nawl a pek hnanak kong kha asi, Baker nih cun an Sunday School cawn lio mi cu avan kau i, a nun he, pehtlaituk in a hmuh caah hi hla hi  avan phuah chuah nak chan cu asi. Kan nitin nun hmannak ahhin thlemnak, turhforhnak a phunphun hin kan ton tawn, cu tukforhnaknak pawl cu thlichia le tilet bantukin a van taht’himh, harsatnak le beidonnak kan ton caan i, kan nun a nguit’hup i, a um lio caan ahcun Pathian lei naih hi a rak hartuk hringhran tawn.  Curuang ahcun Vanram phak khawh lo ding tiangin ka zumhnak a derthawng tawn. Keimah le keimah kai zumh lo caan voitampi a um tawn. Asinain kan harsatnak vialte cu kan mah te nih tuar i tim loin Pathian rinchan bu tein kan tuar ding hi arak si, Anih nihcun kan nunnak thlichia le tifawn, tilet pawl vialte cu nawl a pekkhawh hna, adaihter hna lai. 

Harsatnak kan ton caan i, Pathian auhnak caang kan theih lo ruangah hin kan leihringnun zong cu, hi sual le khawchia pawl thlemnak, tukforhnak thlichia le tilet chungah voi tampi cu pil dingah kan i ruah tawn. Curuangah kan buainak le kan harsat hi kan mah tein  cinfel hi i zuam hlah usih, kan mah caahnak kan i bochan chung poh cu zeitik hmanah kan hlawhtling bal lai lo, kan hlawhcham zungzal ko lai, na nunnak thlichia le tilet nawlpe khotu Nazareth Jesuh auh hi philh hrimhrim hlah, nan hragah siseh, ka hrangah siseh, Anih cu Alfa le Omega, ahramthawk le ahnuhnung cu amah hi asi. Bawipa nih kan zate hrangah athar in thlawchuahnak kan pekpiak ko seh.