Kan relzo bangin ‘Pokemon’ cu thlarausual thiltitheinak duhporhnak hmanrua pawl an si. Pokemon lektamtuk le atcilhtu pawl hi khuasia pawlin annunah ngamzetin hna anṭuan duh cuang tihi kan theih aṭha.
1) Pokemon thil hrimhrim Card, cabu, milem, khualtelemnak aphunphun, games le azukcuannak dangdang pawl ngainatuk nauhak thinlungah thlarausia an ngam olzet ti asi. Nauhak ruahnak thinlung an duhduhnak hmunah an hruai ṭheu ruangah nauhak cun: Lungruhnak, thuawihlonak, thilsual tuah an cak ṭheu. Anunah Pathian Thlarau azalen thei lo. Pianthar harsat phahnak ah an hmang thei. Dawithiam pawl thiltitheinak le thlarau sual biaknak lampawl theihduhnak thinlung aneih phah.
2) Thil ṭihnung rapthlak asimi, Thlahrang le thahawknak lam zuknung (zatka) zoh dingin an thinlung acoktho ṭheu.
3) Pokemon games si maw, zuknung si maw, a atcilh ngaingai zotupawl atamsawn pawl khi thisen rapthak zetzet ih suahnak zuknung (zatka) zoh an can duh cuang fawn.
4) Lungsung murilthawn thuruat (meditation) an uar, Pathian in zumtupawl hrangih meditation atimi sawn cu Bible siar le thlacam, Pathianthu ruat hi asi.
5) Midang tlunih kutthlak khal an poi lo, abikin thilṭha tuahtu tlunih ṭuan an duh cuang.
![](https://blogger.googleusercontent.com/img/b/R29vZ2xl/AVvXsEgDEe-2Vu2cXPF7Pr_TLXo6RQNosQsRKkr2Ybo10YqXqpcDm46f4kbCmnTnBSuxK5okB2N_MhurG7mBPlbyj0hPJ3leUVE1ThPQjmTF500JN_8PJQiZZRn0EyH23Y0xjZFQzl5kQJwmJyd3/s400/season19_ep17_ss01.jpg)
Miṭhenkhat pawl cun sanmannak maw an tiih thilsuakthar pohpoh an fale an leihsak mei ṭheu, hivekhi sanman ciocio khalah ṭihnungumtak asi. San kan man awktertuknak ah kan fale sual khur thimsungah kan nortla rero asi hi. Zumtupawl in sual do ding kan ngah zia hi, Bible rori khalin asimmi cu, “sual dodingah thisen suak hmanin na ṭang/do hrih lo” atimi thok ihsin sual doding kan ngahzia fiangtuk lawlaw si. Cartoon menmen, Games menmen si tiin kan ngai thupilotuk khal asi men thei, asinan kan theih dingi ka duhmi cu sancemlam caan kan hmang rero, sual hi nasazetin acangvai tihi kan theihthiam aṭha.
Bible cun nauhak cu afehnak ding ziin asimi ah fehdaan zirh awla, a upattikah ahngilh dah lo ding ati. Himi thu umzia cu: nauhak laiih thil kan theihmi le kan cinkengmi pawl hi ahngetzet ṭheu. Kan upat hnu khalah kan hngilhmaimai lo tihi Pathian cu atheifiang tuk. Himi rori hi kan ralpa Setan khal cun atheifiangtuk ruangah nauhakpawl thinlungah Dawithiamnak thinlung neither le a uar ih uarter rori khal cu atummi asi. Khuasia biak le power neihduhnak thinlung an neihtheinak dingah Cartoon le Games aphunphun hmangin hma nasazetin an la ti cu afiang lawlaw si.
Nauhak lawng si loin, mino suakthuan pawl khal sise kan zaten kan hmailamah ziin zawh ding thupizet pahnih kan nei, cui ziin cu: Nunnak ziin le Thihnak ziin asi. Kan duhsawnsawn kan hril thei, nunnak zinn na zawh duh asilen Jesuh Khrih na hril aṭul. Jesuh Khrih kan fele in an hril ngah theinak dingah nu le pa kan kutah ṭuanvo tumpi kan nei. Thihnak ziin na zawh duh asilen, Setan na hril aṭul ve thung. Nang ziangvek ziin so na hril ve ding???