Muidawhnak-hi-innchungkhar-hrangah-aṭhahnem-maw?

• Tlangval nih nupi aneih tikah amuifang hmurih lotu achungkhat le hawikom ṭha, amah atheihngaltu hawi le kom pawl nih anupi cu aiza maw, ai dawh maw? tihi an biahalnak hmaisabikcem asi ṭheu tawn. Apahnihnak ahcun khuika leimi, khuikakhua mi dah asi tihi an halchap tawn hna. A nupi rianṭuanmi le adinhmun halhmaisat an si bal lo. Nungak vethung cu pasal aneih tikah atheihhngalh ahawikom le pawl le chungkhat sahlawh rualchan cheukhat nih anpa teh ai dawh maw, tihi halhmasat asi ve bal fawn lo. Zei rianṭuan dah asi? Lengleh(Pathlawi) maw asi, tlangval dah, kum zeizat dah asi? tiah an i hal cio ve fawn hna.

• Nungak pawl lebang hi cu thawngpang thanh leiah hin ṭhawng hna kaw, minu pawl ahleiin muidawh an herh cuang hna khi alo nain (Phungthlukbia 31:30) ah kan hmuh mi cu, “Iang hi hlen a hmang, dawh hi a ziam kho” tiah aa ṭial.  Hmanthlak lawng van zoh khin cun abiataktak mi khi alo. Hmanthlak zuar hna angah, muidawhnak hi aṭhathneman tampi a um ve. Ezek. 28:17 ah kan hmuh mi cu, “Naa dawhnak nih khan na lung an puamter i upatnak na hmhmi karhter chinnak caah na fimnak kha a pingin nah man.” Muidawhnak hi rumnak le sifahnak cu asi theng na lo khin, muidawh ngai ṭungi sifahtak hna khi ai kaihlo takta ve mi cu asi ve hoi fawn. Muidawhnak hi thil ṭhahnemtaktak cu arak si ve ko. Muidawhnak aṭhathnemnak tampi lakah pakhat cu zohhah an damtuk, pasal ca lebang ahcun thaditbaat vialte hmanh khi an damter khawh caan a um. 

• Asinain, muidawh hi Pathian thlawchuah pakhat asi ve asinain, cu muidawhnak cu an i hngalpi sual asi ahcun mah cu sual asi. Atlangpin i neih hlan ahcun aṭhahnem ngai ko, nabeltein van i neih hnu ahcun muidawhnak nihcn nupa karlak i ṭhennak akham kho lo. Muidawh, mifel nakin muidawh lemtuk lo mifel an tam deuh. (2 Samuel 14:25) kan hmuh mi cu, “Israel mivialte lakah dawh leiah Absalom tlukin thangṭhat awk ahohmanh an um lo; akechik in a luthlung tiang soisel awk pakhat hmanh a um lo.” Absalom nihcun amuidawhnak cun ramuk aitimhtikah amah chantawitertu lehlam ah ai cang. 

• Muidawhnak timi hi angaingaite ti ahcun zohsawhsawh awkbak lo ahhin cun thildangah ṭhathnemank ngaingai arak nei theng lem lo. Asinabeltein innchungkhar hrangah cun ṭangkainak, ṭhathnemnak arak neituk lem loh. Muidawhnakin fimnak aṭha deuh. Fimnak nakin Pathian ṭih aṭhadeuh rih fawn hoi. Aṭhabik cu Muidawh fawn, fim fawn, Pathian ṭihzah in va umkhawh viar khi va si sehlaw,aṭhatuk hnga ding nain, muidawhtuk hi mifel an tlawmte hoi fawn, acaan ahcun vawicung phung ngai hi ti ko ne sih zeitiṭha!!

• Nungak lawng sihlah, tlangval pawl zong khumkhan ṭhangang, muidawh ve nawn, hruttengtung torlecheng an um ve, an luat hlei loh. Asinain, mikhumkhan ṭha le ngan nana cu zoh cu atlau deuh ti khi ahei si, an tlaitluang deuh hngehnge ti asi fawn. Paliantuk nakin pate deuh pawl hi mi an kengkawi kho deuh, an leklak zong aṭha deuh fawn. Muidawh pawl khi atlangpiin mihngal an tamdeuh zungzal. Muidawhtuk lem lo asiloah midum deuh pawl hi miteima le ṭhahnemngai an tam. (1 Samuel 9:2) ah kan hmuhmi cu, Saul siangpahrangpa cu michuakthiam, muidawh asi, ahohmanh nih an tluk lo. Atlinruangah mipi zongnih an thim, asinain, Pathian nihcun athim ve loh.

This article  belong to Josheph C. Luai Mang

Nupi-Pasal-Hawl-Ningcang-IDEAS

• Nupi pasal timi hi hawlthiam ruangah neihfuh le hawlthiam lo ruangah neihfuh lo tihi asi hlei lo. Nungak pawl nih an duhzawng pa ṭhenkhat pawl  hna cu: miporhthiam deuh le amah zuutmuai le buaipi huam deuhtupawl khi an si tawn. Tleirawl chuahka hrawng teah khin cun an mahnakin ṭhadeuh le dinhmunṭha deuhmi olthadaktein an i thimsual ṭheu tawn. Pa pawl belte nihcun an fel le fellonakin muidawh le mingo tiin an i thim ve fawn. Pa nih siseh, nu nih siseh, muidawh, miṭha, mirum, mingan(khanh), midum, mingo leinakin kakoppi ding asimi nih aka duhtaktak maw, duh taktak lo dah ti hi fiangtein kan theih hmaisa awkah ah aṭha.

• Kan nupi pasal hrangah neih kan duhtaktak asi ahcun kan pahnih lawngin biakhiahnak, lungtlingnak kan tuahawk asi lo. Nupi dawhlo le pasal dawhlo veve cu i neih loah aṭhacem. Na kopi(nupi) caah na duhtaktakmi cu lakphak dawrah atlawmbikah voithum talin kalpi law amizia na theih khawh ko lai. Amah duhmi aicah zuahmah ahcun uk an timh tinak asi. Asinain, na cahciamite hngakin din aitim asi ko ahcun aruahnak ahmang kho lo tinak asi.

• Chung le khat naihtuk i ṭhitumh cu fale an dum’n dawh ahar deuh. Mi nihcun mingan(milian) neih ding, milian(ngan) nihcun mihme neih cu apawi loh. Midumtuk veve zong hi i neih lo ah aṭha. Ziah ti ahcun mahduh bangin sapiat in khawlhvar khawh an si lo. Phun le hnam dang i hlattuk neih hi apawi caan a um tawn. Rumnak le muidawhnak hin  nupa nun ahngerter kho lo ti hi nungak thlangval lio tein ralring cikcek aṭha. Voikhat te nai thimsual asi ahcun nadam chung nai chir zungzal.

• Thlem oltuk pawl cu midang thlemnak zong an tuar lo, fawibaitein an tlu lengmang kho. Kan duhbikmi nakin akan duhbiktu, muidawhnakin mifel nih kumrei caansau anguh. Ngiar harhar poh hi an rak feldeuh tlangpi ko rua. Ngiar oltuk cu chungkharnu caah an ṭhataktak lo. Midum nihcun mingo i thim, ṭhitkhawh aṭha.

• I thimsual phantuk ruangi neihngam loin kum upatpi tiang um zong aṭha fawn lo. Alakah remcaannak hna aum lemlo asi ahcun kum upatuk tiang nungak, thlangval hi aṭha lo. Pakhatnakah piangthar ta, apahnihnakah mah duhtu ngaingai, mizeipoh kan va neih asi zongah kan chung le khar nih an duhmibik neih khawh aṭha. Nupi pasal hawlthiamtuk nai timh asi ahcun na tong lai lo. Nathiamlotuk hoi fawn asi ahcun naichir ṭhiamṭhiam hoi fawn lai. Pathian hal aw, na duhmi cu an pek ko lai, Mathai 7:7,Luke 11:9.

Chirhchan: Nupa nunnuam si dingah timi cauk chungta