MIFIM,CATTIALTU,DOHTU CU KHUIKA DAH??

1Kor.1:20

Cucaah cu nihcun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak asi ti kha Pathian nih a langhter.

Pathian hi fimnak le theihnakin hmuhchuah khawh mi asi lo. Tu chan lawngah si loin kum zabi liam cang mi ah khan mifimthiam thiam an rak umcang ko, "Greek mipawl lebang nihcun fimnak hi ahawl in an hawl tawn," tiin Bible zong nih akan chimh. Hnungzultu Paul zong nih khan Greek mifim an timi(Philosophers) pawl zong kha arak hmaichawnh bal hna (LAMKALTU:17), biahalnak atthlak si lem lo i kan ruah mi, asinain Pathian nih atthlak a ti mipawl zong hi kan tuah tawn, Pathian awm hi ka zum lo heitibantuk, zumduh lo vaitiko nain zeiruangah dah ka halnak hi aka leh hnga lo tiin kan mah le kan mah cu kan vai i hallehlam hoi cu, mah le mah biahalnak cu kan mah tenih kan vaifianter cop hoi tawn cu..!!, "Hi vawlei a eltu cu khuika dah?" tiah arak ti bal fawn.

Pathian nihhin Amah kan theihkhawh nak dingah hin lampakhat a kan pek.Cucu,"Biachim atthlak," hi a si. A atthlak na ti ve lo maw, Greek pawl nih pathian torlecheng an nei, ropi le maksak pipi an nei lioah Jesuh kan hrangah athi, ti van aupi le van chin lengmang cu Greek mipawl kha American mi sihna sehlaw cu"Tlau, loh" lohtlau ti zong maw an rak ti ziar khawh men hna.

Kan harsatnak nak hmunin kan bawm dingah kah auh, asinain daiziar tein akan umtak caan a um tawn, khawika dah Pathian cu an ti cuahmah lioah Khamhnak thawngttha van chim deih hna cu leit dirhmun in van zoh ahcun thil atthlaktak hi cu arak si ve dah kaw!!! Asinain mah hi Thawngttha hi A mah a um ti kan theih khawhnak dingah kan zumhnak kha fiangtein Amah ah kan i fian hmasatcem aherh. Kalvary Thawngttha nihcun kan hmuhkhawh lomi nun kan  neih khawhnak ding caah Amah Bawipa Pathian nih kan thinlungah hleihlak a rak kan  donh piak lai.

KA HELHKAM VETUK TAWN

Voikhat cu keimah bulpak khuaruahnak ah ka thinlung chungtein ka rakhlehkam ve ngaimi thil pakhat arak um, cucu aho khi hla varuah ning law va chimpi, va ceihpi ve ning law tiin ka ruat tawn ve, asinain kum zeimawzat avan liamhnu ahcun ahlan i ka rak helhkam vetuk tawnmi he ai khatbakmi (issue) te cu vanchiat vantthat kan hei ti hnga maw, atu i ka umcuahmahnak Philippine ah a um vemi kan laimi saya Vum Cung Nung, Ph.D tuahcuahmah lio mi cu afarnu nih athihtak caah, cu boruak he pehtlaiin vatopi dingin ka hawile tthenkhat pawl he zaankhat riakin an inn ahcun kan va kal hna, azaanah cun biasongtlorh pahkhin thih le hloh cungcang khi kan vai i ruah hna, cuzaan ahcun Savenday Adventist Bible Seminary ah Ph.D a kai cuahmah lio asi ve mi saya Mang Hup Luai,Falam Baptist pastor nihcun akan telpi ve fawn, kan bialaklai te ahcun biahram pakhat te avan rolhta ve duak, cu biafangte cu caan zeimawzat ka ruah ve tawn mi, thilpipa  ava si lo hmanhah kan theih ve hrimhrim dingah thilttha asi ttheu lai tiin ka rak ruah ve tawnmi biafangte cu saya Mang Hup Luai nihcun avan chim ai!!. Cucu zedah asi tiah cun kan nih laimi nih kan vai i cawn piaktuk lem lo thil hna khi asi rua hlah maw tihna khin ka ruat, atu kan chan cu (IT) chan asibantukin akhuikahmun kan um ko zong hmanh ah thawngpang, poiherh tete i chimh chawnh kan duh zongah innchak,thlangpa vai auh duakmen bantuk khin thawngpang zong olsam tein kan i thanh kho cang hna.

Ka van chimduhbik mite cu zeidah asi tiahcun thih le hloh kan ton caanah khuachingchan, tluangdang i um kan si cio bantukin thih le hloh kongah thawngpang kan van i theihter titawn ahkhin ahleice in Online chungah zualkhawh nak ca heitibantuk si maw, kan van ttial caanah khin kan zualkhawhnak caa tangah  athitu hmanthlak he komhin kan van tarchih tawn, mah khikhi ka rak helhkamtuk ve tawn mi cu asi, ziah tiah cun mithi cu mithi kan si ko e, asinain athimi hmanthlak kan tarchih duh asi ahcun athihnu hmanthlak cu tar loin, an dam lio hmanthlak hmanhah an i dawhnak cem hmanthlak te he khin tarpiak chih khawh i zuam hna usih law zeitluk khin dek, azohtu siseh, athimi innchungkhar hrang zongah  zohremdeuh hna khi asi hnga maw tiah, ka hei helhkamtuk caah khin ka van ttial ve le si, ka chimsual si maw, ruahnaksual asi sual asi ahcun nan theithiamnak kan nawl hna.

Online ah mizapi hmuhawk ah zualkhawhnak caa he hmanthlak he avan tar caan poh ahhin ka hngak aka dohngai ve tawn, ziah tiah cun mizapi hmuh ah thiciami hmanthlak he van tar ngai khi lung atthat lo lawng si loin, zaang aram deuhtuk lo maw aw tiah ka hei ruah ve ruangah khin ahei si ve. Hmanthlak he kan tar koseh kan tiah cun adam lio hmanthlak hmanah an i dawhcemnak, an chuahtthatcemnak hmanthlak he tarkhawh hna khi va sisehlaw thilttha, tar ciocio zongah khin thil dawhdeuh hna khi asi hnga maw tiin ka ruat. A hmanthlak hrimhrim seh kan duh ko kan ti asi ahcun inbox tu hna ahhin i kuat sehlaw te attha deuh hnga maw ti hna khin ka hei ruat thulh ve!! Azeidangah,nan ka ruahpiak sual nak hnga lo kan mah laimi ka duhsaktuk bia ruang tuah khin asi.

Kai lawm...!!!!