![](https://blogger.googleusercontent.com/img/b/R29vZ2xl/AVvXsEgozkI3DuSt1-Hf84UvmhvLWY-fIkwylVPljq31XFLEvc-0pCXcNwX4jiazY9Zj9cyQkDGYE2ZllJKa7hFHlS_vtwZgSHL92STWxaCdubgEIqZ6ECPSNmv4u5MxtPnvbMX9-StlkaPUOhNd/s1600/th+(2).jpg)
Tahtthimhnak ah “Maw zaangthupa hngerhte sinah khin vakal tuah; an umtuzia khi va ruat hna law fimank i lak tuah,”(Phung 6:6) hei tibantuk, “Nu phunciar sik duh he umnak cun, thetse ram i va umziar khi attha deuh,” (Phung21:19) tipawl le, “Na ral kha a rawl attam ahcun eiawk rawl v ape, ati a hal ahcun dinawk ti va pe; cuti na tuah ahcun alung cungah meittil kha na pumh hna asi lai i, Bawipa nih nangmah cu an rulh lai,”(Phung 25:21, 22) tibantuk pawl hi zeitikpoh zong i thinlung i i cinken dingah an tthatuk hringhran hna. Phungthlukbia cauk pawl hi, kumzabi zeimawzet liam cangmi lakin biahman,biadik,biafim,lawrkhawm mi ttialnak cauk asi. Minung holh in chiatupawl hna cu Solomon Siangpahrang tepawl(Phung. 1:1-9:18; 10:1-22:16:25-29), Kumzabi Bible ram hrawng i, (Near East) um tawn mipawl, asinain ahodah asi ti theihkhawh ttung fawn lomi, midangdang pawl biafim(phung 22:17-24:22; 24:23-34), le Isarael mi zong si hlei lo, Agur(Phung 30:1-33)tibantuk hi an si tiah chim an si hna.
![](https://blogger.googleusercontent.com/img/b/R29vZ2xl/AVvXsEjSSvpob5Hb9xTf-YEcqXGepD4iJVkvUqC7XqR6-hdsZygdTRXx9c4TNWj62aa1raGsbnOk9feU_-HkAuJyPc_-hPmtehXB4CYU_IeF3x1lB1_0i0YqMfig2DT8-jz5bidYfOakGUL4TxGU/s1600/th+(1).jpg)
Phungthlukbia cauk nihhin “Pathian ttih” ti umzia cu zeidah asi ti a kan chimh(Phung 1:7, 31:30). Biakinn chung lawngah Pathian ttihtu si loin, nitin kan nun hmannak ahhin A duhning cu kan bawibikter zungzal ding cu asi i, achan cu kan nunning nihhin kan biachim nak hmanh in siseh, kan thlacamnak hmanh in aletin bia a chim tawn ruangah asi.(Phung 28:9, 15:9). Kan zalamkip ah Bawipa kan theih zungzal asi ahcun “Phungthlukbia” cu theihterin kan um tawn tiin Phungthlukbia nihcun a kan chimh(Phung 3:6), mah cu umzia cu, zumhnak nun le nawlngaihnak hi fimnak cu arak sitawn tinak asi. Cubantuk nun hman cu zeizong vialte siamtu Pathian hmaiah minungpawl um tuning zungzal ding cu arak si.
![](https://blogger.googleusercontent.com/img/b/R29vZ2xl/AVvXsEjPCW7rl3YlePVqHPEsKMxoHtKjbHG2vIAflQoohVz6PCJS8UKM400ILzzIDBy_UATkm6FEyI0Y2PpUDL9gVlDZRhtguE02P0vbK5MOcZI9g0aYOEUdR2BaWIOZb9jVbxtMi709IWv6U2hM/s1600/th.jpg)
Adonghnakbik ahcun, fimnak cu thinlung lei i cahnak asi theng hlei lo tihi kan theih dingah ka duh. Cutisiloin, athluak tthatzia theifiangtuktu mualphonak thil chuahtu asi ziar kho. Achan cu mifim kan timi le ka thei aititawk ko mi zong nihhin thil kan theih lo zia hi kan hmuhthiam lo ruangah arak si. Mi pakhatkhat nihcun tawk le za ngai, fimnngai ah ai ruat, fimnak hawlchap zong ahau ti lem hme maw tiin capo ngaiin a vaipawrhlaw kho men, asinain fimnak dik le hman taktak nei kho ding ahcun tangdor phawt a hau, zeidah kan herh mi asi tihi fiangte in theih i zuam i, cuhnu ah fimnak cu halding hi arak sei deuh. Phungthlukbia chungi kan hmuhmipawl hi athukin, biafim lawngte an si hna, minung nunnak vialte hi a virhkhawih khawhdihtu biafang an si hna.
Curuangah Phungthlukbia cauk hi atam khawh chungin relkhawh hi i zuam cio hna usih,,nitin thilthar cawn ding a um zungzal,,,na nunah Bawipa nih atakin riantuan hram ko seh tiah thinlung thlacam nak te he kan bawmh ve.
Curuangah Phungthlukbia cauk hi atam khawh chungin relkhawh hi i zuam cio hna usih,,nitin thilthar cawn ding a um zungzal,,,na nunah Bawipa nih atakin riantuan hram ko seh tiah thinlung thlacam nak te he kan bawmh ve.