Hun rei tak hmangaih tak leh duat tak a i enkawl nen khan inthen a tul chang a awm leh thin. Pathian in kan tana a ruat loh an nih miau chuan mihringin eng ang pawh in sawi rem tum thin mah ila, Pathian remruat kan dang zo silo.. Ui chung leh hmangaih ngawih ngawih a then an tul leh thin. In thenna ram khawvel a ni miau si a.Ka thian, a tirah hreawm tiin tuar thiam lo viau mah la, i tana thatna tur Pathian in, a hmangaih vang zawk che in i chungah a thlen tir zawk mai a ni. I phurh zawh loh tur hreawmna, lungngaihna, rilru natna te a phurh tir ngai lovang che tih hre reng ang che. Rilru paukhauh takin tuar hram hram mai la, tuar chhuah hun ila nei dawn a ni. Chumi hunah chuan tuna i awmdan kha, tuemaw vanga i rilru natna khan i nuih ala ti za zawk anga. Ho tih hun ila nei zawk dawn a ni..
Ka thian, i chhass chauh kha he khawvel ram zauah hian an awm lo a ni tih vawng reng la. I chhass aia tha kha ila tawng / hmu dawn a nih tih hi i mit leh beng i hriat chian tluk khan hre chiang ang che. Midang hmangaih thei tawh lo tur leh Ani aia tha hmu thei tawh lo turah in ngai reng reng suh ang che.. Mahse, awlsam tak chuan i nei thei hauh lovang tih erawh hre reng la. Hmanhmawh lovin uluk takin i mit ni lovin i beng leh i lu chhunga thil hlom tha lutuk nen ngei khan zawng tawh zawk ang che. I ti sual leh hloh palh a nge..
Hun rei tak ilo kawp tawh avang khan midangte tan i thinlung a in hawng mai thei lovang tih chu hriat sa a ni. Mahse, kha thil avang khan hnual mai lo la, thil tha lo tih nan hmang mai lo la, kha i chhass i duh em em leh i hmangaih em em nen a in inthen avanga i tih ngai lo sualna lam tih phah nan leh i tih ngai loh thil tih phah nan hmang lul suh ang che. Then khat tih anga zu leh sa, thil tha lo leh nakin hnua in chhirna tur thil engemaw i tih ve chuan i chhass i chan bawk i nun i hloh bawk dawn tihna a nia. I pamhmailua e. Tuna i hun tawn avang zawk khan tun hma aia tan i lak erawh a ngai dawn thung a ni. A tha lamah i tih ngai loh i tih a tul tawh zawk anga. Kha i chhass then tak nena in hun hmandan leh in awmdan, in thil tih thin kha darthlalang atan hmang hlauh thung ang che..
Ka thian, khawvelah hian mal ngawih ngawih a inhriat changte , hmangaihtu nei lo hial a inhriat changte i nei ngei ang. Ka dem lo che a sin.Tuna i awmdan kha nang chauh in i tawng lo a nia. I thiante pawh hian kan tawng vek tawh a sin. I thiante, mi hnung i zui ve tan chiah a ni tih hre reng la. Khawvel pianken thil pakhat i hma chhawn tan ve chauh a ni tih hai suh ang che. Lungngaihna leh beidawnna ten i chungah thla an zar anga. Hreawm ti takin hun leh ni i chhiar thin ang tih pawh ka ringhlel love. Kalna tur leh belh tur hre lo hial khawp in i awm ngei ang. Mahse maw,ka thian kalna tur leh belh tur i hriat loh lai khan leh rilru na leh rilru hreawm taka i awm lai khan kan Pathian engkim ti thei khian a lam hnaih turin a nghak reng che a sin. Thil dang reng a phut lo, i tih sual leh i awmdan a hre vek. Khati mai khan ala hmangaih reng che a sin. Khati mai khan a tawk pan mai ta che. Ani'n i mangannate, rilru hahnate, rilru natnate, lungngaihnate, beidawnnate leh mal ngawih ngawih a i inhriatna te kha a lo solve sak dawn zawk che a lawm.... Ava ropui dawn em!!!!
Ka thian, in nunhluite i chhui kir anga, lunglenna leh khawharna ten chhumpui angin an chim ang che nga, Kha chhumpui zing chuk kha a kumhlun dawn lo ani tih hre reng la. Tal chhuah hun ila nei dawn a ni tih hre reng ang che.Chhumzinna piah ah eng a awm a ni tih hre nawn fo ang che. Khatiang hun a hlimna thuruk leh talchhuahna awlsam ber chu Pathian hnen a tawngtaina chauh hi a ni. Han tawngtai mial mial thin phawt mai la. Kha chhumdum khan a hual rei hauh lovang che tih hi ka tiam duh che a ni. Khatiang hun tak kha lawm sual Setana leh Pathian in i nunah hmun chan tum a an in rawlh nasat lai ber chu. Thenkhat nunah chuan setana hian lalna a chang zawk thin a. An nun zawng zawng a chhiat phah a. Lak tlak loh leh khawlo takah an chhuah thin ni... Ka thian nang chuan i thlen tir ve dawn lo ani tih ka hria a nia. Kan Lal Isua Krista tan i nun kha hlan hlauh thung ang che aw.......
Ka thian, i awmdan leh i hun tawn kha hring kan chan chhunga hun hreawm ber pawl ani ti ila kan sawi sual awm love. Chan tawkah lungawi a har thin. Mulehmal neih pawh a har ngei mai. Rilru hreawm leh nat luat avangin engpawh thleng se, engpawh ti ila, enge pawi ? tih duhna hial rilru put a awl thin. Kan tih duh ngai loh thil sual lian tak tih awlsam hun lai tak a ni. Mahse, ka thian i hmaah eng mawi tak a awm a ni tih hre nawn leh ta che. I nunhlui khan i hmalam hun a pawt hniam in a pawt tawi tur a ni lo. Mipuitling awmdan a ni ngai lo a nia. Fim takin ngaihtuah la i tan a thil tha tur zawk a ni tih hria la. Theihnghilh hram hram tum ang che. I lamah Pathian atang tlat a nia. Tawngtaina ava pawimawh em!!. Ani'n i dinhmun kha a hre vek si a. Tanpui tur che in a nghak reng che a ni tih i hriat loh ka hlau mang e......
Ka thian, i chhass then tak kha theihnghilh tak tak i duh a, let leh i duh tawh lo tak tak a nih chuan AMAH nen a in hun hman thin leh in hun hmandan te kha ngaihtuah duh ngai tawh suh. Theihnghilh vek tum hram hram la. Amah i hriat chhuah theihna tur thil reng reng paih bo zel tum la,I hriat chhuah chang paw'n thildang ngaihtuah la, i nun atangin paih bo hmak tum ang che. Nunhlui leh sulhnute zawng chhingmittui ti tla tu mai an ni tih hre reng la. Tul lova intih buaina mai a ni tih vawng reng ang che. Rilru fim tak pu in i chhass i then tak kha hlim tak leh lawm taka a hun leh nite a hman theih nan duhsakna hlan hlauh thung zawk la. Pathian malsawmna leh awmpuina a chan zel theih nan te, kawppui fel tak a hmuh ngei theih nan leh fanau maltluang chawia hlim taka Kristian chhungkua an din theih nan Pathian hnenah dilsak thin la ti raw.......
"When love is lost, do not bow your head in sadness; instead keep your head up high and gaze into heaven for that is where your broken heart has been sent to heal."
By thianpa Abraham Lalrinngheta
