Ahmaisabikah
Bible rel usih: Harnak kan innak kipah akan hnemh caah
kan nih zong nih harnak aphunphun in a ingmi kha kan hnemh khawh ve hna i kan
hnemh hnannak ahcun Pathian sinin hnemhnak kan hmuhmi kha kan hman.(2 Cor 4-5)
- Kan Bawipa Jesuh Khrih nunzia dawh tampi lakah ka duh khun cungcuangmi cu (Hnemtu) asinak te hi asi. Harsatnak, lungretheihnak le thihnak um loin zungzal lengding, nung ding kan si lioah Pathian nih nawlpekmi buarter tahratin sualman cawhkuanter kan si, cu kan sualman cu thildang si hlengloin thihnak kherkher hi arak si, hi thihnak nihcun mivialte cungah zangfahnak samfang tiatte hmanh nei hleng loin kan nun cu dawpdolh bangin kan nunnak cu lodiamin akan lak tawn. Hi thihnak tlukin afakmi daantatnak dang hlei a um ti loh.
- Pathian thilsersiam ning ruah ahhin khuaruahhar hi atling hringhran ko, ahleicein minung akan sersiam ning hi! Hitluk vawleicung mi lengluang lakahhin hmui le sam ai lomi zong um hlah, thinlungput aikhatmi zong um cuang hlah, acheu le bang cu kan minung hawipi, kan kiang kan kapah thihnak, ṭangṭhennak an tontikah siseh, sungzathlaknak an ton caanah siseh..tampi an um, cutikah ngaihchiatpi, tuarpi ti um hlengloin adiriamh zawngin rak khuasatawk zong cu an rak um kho ṭhiamṭhiam rih.
- Cubantukin minung kan ziaza le ruahnak thinlung hi i khat loin achia le aṭha he i cawhhrupin anungmi kan si. Asinain khuaruahhar asimi cu kan Pathian hi ka minung mizia he airalkhah(opposite) in mizia dangdaite aneimi asi. Kan nih leitisa ruahnak pawl cu duhhakkuahnak, ṭanghmasialnak, mahzawn lawng ruat, azeipoh ah keimah, ti lawnglawngin akhatmi thinlungchia, achia vialte khawmtu, aneitu kan si. Kan minung mizia nih har atimi le ai hnekkhawh hlenglomi cu kan minung hawipi nih thihnak, ngaihchiatnak, khuaruahhar vangsangin an um lio caanah va (Hnemh) le thazaang(encourage)va pek khi asi.Va diriamtu si loin an thanaunak zawntete ah siseh, bawmh aherhnak zawntete ah an hrangi thilṭhatuahnak ah kan kut hi atawiawk asi hrimhrim lo.
Cucu, kan Bawipa Jesuh
nih kan tuahawk ve hnga dingah akan rohtami nunziamawi tukmi asi. Kan nih Khrih
hnungzultu aitimi nihcun kan kiang kan kapah thazaang adermi, lungre atheimi,
ngaihchimipawl, aphunphun ruangah vangsangin nun ahmangmi hna sinah, Bawipa nih
kan harsatnak kipah akan hnemh bangin kan nih zongnih akeneh zulin akan rohtami
nunziadawh tehi tuah ve usih, hnem in thazaang pe kho dingin thazaang chuah khawh cio
i zuam usih. Miharsatnak kan bawmh tikah asi loah zaangdermi hna thazaang kan
pektik hnaah hodah ainuam deuh, kan mah thotho ailawm deuhmi kan si zungzal ṭhiamṭhiam
tawn. Adongnakah ka chimduhmi pakhat te cu, thilṭha tuah ruangah ka chirtuk
atimi an um bal lo. Mi hrangah dahmu kan tuaht'heu tiin kan ruahmi pawl khi, thlawchuahnak kan rak i khawntu khi arak si deuh, achan cu kan cung Pathian nih kan tuahsermi
achia he aṭha he, ahme he angan he akan hmuh dih, ai chinchiah dih. Thlaicii ṭha na tuh ahcun
theitlai ṭha na zuun ko lai, asinain na tuh lo ahcun zei cu dah na zuun hnga?
