"Cu bia cu a achim dih in a thaw a chuahhnawhhna i, “ Thian Thlarau kha hmu ko u. Mi kha an sual nan ngaihthiam hna ahcun ngaihthiam an si ko, nan ngaihthiam hna lo ahcun ngaihthiam lo an si ko,” tiah ati.(Johan 20:22).
.jpg)
Exodus bung khat in relhram kan i thok asi ahcun Israel thlahpawl nihcun Egypt ramah cii tampi an thlah, nasa ngai khin an karh, an van t’hawng chin lengmang, Egypt ramah cun khatmup in an van karh ai. Cubantuk in Israel thlah pawl an karh caktuk ruangah Egypt mipawl zong cu lungrethei in an um phah. Asinain cutluk mipum tam komi le cak ko mi cu dahawh, hrem le tlaih le khih in an an um ko.
Hika zawn bia te hi, kai ruahsek ve tawn, cubantuk i, Israel thlah pawl van kharh i, cak chin lengmang in, Egypt mipawl lung rethiehnak khop tiangin mitam kha, harsatnak tuarin le hmuhsit elrelnak tuarin, an um ka van hmuh tikah ka khuruah hi arak har tuktawn. Van t’angrual deuh sehlaw cu, Egypt mipawl cu olsam tein an teikhawh hrimhrim hna lai tiin a kei ruahnak mawlmang te cun ka ruah tawn. Asinain arak si ziar lo ai, nasa le cimniknek tein hrem in arak um. Israel fale pawl nihhin herh mi, chambau mi an nei ziar ko. An herh mi Pathian Thlarau tello cun zeitetak hmanh khi an si lo, bawmtu Thlarau tello cun leilak i avakmi cangcel hmanh an tluk loh. Zeitluk hmanh in mipum cu tam ko hnahmanh sehlaw zeihmanh an si lo, t’hawnnak an nei lo. Asinain, a hnu ahcun Pathian nih Moses hmangin kutcak in, khawruahhar thilmak
Ezekiel bung 37 ahcun hawrkuam pakhat cu ruh hlirin a khat, ruhro hlirin a khat. Asinain cu ruhro sin ahcun Bawipa Thlarau nih Ezekiel hamngin bia avan chimtik ahcun cu ruhro vialte cu ralkapbu ropi tukmi an hung si. A va sunglawi hringhran dah. Tuni ahhin kan nih zong hi Pathian Thlarau Thianghlim tello cun zeite hmanh hi kan va si lo hringhran dah!! Nung ve ringawt hmanh u sih law, Pathianmi siin a rian hi t’uan vetawn ko hmanh u sih, kan nunah sualsal betmi a um chung ahcun kal ngaihnak thei loin kan vaicuan tawn. Hma sawn khawh asi hrimhrim lo.Thlarau Thianghlim kan va mamawh hringhran dah!! Thlarau Thianghlim bomhnak tello cun sual ral doh khawh asi lo, t’hawnnak, cahnak hrimhrim a um kho lo. Ruhro bantuk menmen kan si ko. Buu zong tamin Baikin zong ngan pipi nei ko hmanh hna usih law, Thlarau Thianghlim nih a tihnun mi le a bomhmi kan si lo ahcun t’hawnnei lomi ruhro hmunkhat i pumh mi bantuk men kan si ko lai.
Johan bung 20:22 ah chung ah Jesuh nih cun, "Thlarau Thianghlim nei uh," a ti. Kan sinah Thlarau Thianghlim pek kan rak si cang. Hi Thlarau Thianghlim hi kan hrangah aherhtuk mi, kan mamawh tukmi thil asi, a tu kan chan, chan hnuhnungah hin Bawipa nih nang le kei nawrnak hmanrua ah aherh mi an si. Paul nihcun, "Thlarau Thianghlim ngaihchiat ter hlah uh,” (Ephesi 4:30) akan ti. Thlarau Thianghlim hi a ngaih chiat ter khawhmi asi hleiah, nuarter khawh zong arak si ve tihi kan theih a herh, ai thlahrung i, ai ngai tlawm fawn, kan ngaihsak vak lemlo phei ah hin cun, akan hnek ngam lem lo, a cubet ah an caak vak lemlo phei ah hincun cu ti menmen in a pe bal hna lo ti hi kan theih fiang aherh. Asinain Thlarau Thianghlim nih bawmh akan caktuk ko, sual donak ding i, kan sawm phawt asi ah hincun ralakap t’hawngngai mi bantukin thiam hi akan cak tuk ve ko ti hi thei t’han hna usih. Tuni ahhin kan bawm dingin Thlarau Thianghlim sawm hna usih.
Thlarau Thianghlim-
T’huro iangnei le zaidam nunnem,
Kan thinlung kan luah khat law, nun zemawi, Jesuh Khrih nunmawi tukmi cu,
Ni tinin kan cawnpiak zungzal ko sawh tiin thinlung tak tein sawm t’han hna u sih. Bawipa nih thlawchuah nak kan pekpiak ko seh.
