A bik takin hmeichhia te khan in chhiar chhuak hram dawn nia. In tan bik liau liau a post a ni e.
Nula tih takah duh dertu che leh hmangaihtu ang che a in sawi tlangval engemaw zat i tawng thin ngei ang. Thenkhat chu hmeltha takte pawh an ni ngei ang. Thenkhat erawh lehkha thiam tak leh pangai tak an ni bawk ang. Thenkhat ve thung chu nu leh pate thawh chhuahsa chen a chapo tak, bike, car leh duh duh nei thei hial khawp a hausa pawh an ni ngei ang. Rethei ve tak leh engmah chhuan tur nei lem lo te pawh an rawn lang ngei ang. Thenkhat leh chu khawtlang leh kohhran a in hmang takte pawh an ni ngei ang. Thil ti thei ve tak pawh an rawn lang bawk ang. Fel leh tha in ngaitlawm tak leh chapo lote pawh an rawn interview ve ngei ang. Chutih laiin mahni a in chawm thei leh nang leh i fate chawm thei hliah hliah turte pawh an ni ngei ang.Famkimlohna khawvelah hian kan va kim leh si em!! Thenkhat te erawh zu leh sa duh mi, in ti pa leh khawlai mi ve tak te pawn an duh thu che an sawi ngei ang. Nang aia siii deuh leh nang aia naupang deuh te pawn i nunah no.1 nih tum in an rawn bei nasa ve ngei ang. Vengkhat tlangval lar leh zaithiam tak te pawh an bang bikin ka ring lo.Mi in pe zo tak leh i chhungte tan pawh a tangkai leh i chhungte be thiam tak pawh an rawn lang ngei ang le....
Mahse maw, a chunga kan sawi tlangvalte zingah khian thinlung taka hmangaihtu che leh i nihna ang ang a pawmtu che thlang thiam la. I harsatna hrethiamtu leh englai pawh a i tan a awm reng, ding reng thei tur an awm chuan YES hmakz mai la.I rilru siam fel tawp mai rawh. I harsat manganna, lungngaihna leh i hlimna te i share theih tur tlangval thlang thiam ang che.. I mit chauh ni lo, i beng nen ngun takin lo thlifim thiam ang che aw.Thui tak leh thuk tak in thlen hma ngeiin...A landan a hmeltha, fel leh pangai tak anih vang ringawtin kumkhua a i kawppui atan thlang mai lo la. Care viau che angin lang mahse, thuthlukna siam mai suh ang che.Easy come esay go an tih kha aw..I bialpa/ bem mektu che kha a rilru tak tak leh a mizia hre tur chuan hun i mamawh a ni tih hre reng ang che. Nghak fan fan rawh. Chumi chhung chuan a kalbo mai hlau thawng suh. A kalbo anih chuan a duh tak tak lo che tih hre reng ang che. A duh tak tak che a, thu tak hla tak khukpui atan a thlang che a nih chuan engtiang a rei pawh lo delay mahla a nghak tang tang ang che.Mahse, beidawngin erawh awm tir hauh suh ang che. Nangmah ah beiseina a awm a ni tih kawng khat talin lantir tum thung la. Hmanhmawh taka thu thlukna siam hi nakin hnua in chhirna a ni duh chawk tih hre reng ang che..
Mipa te hian hmeichhia an duh dan leh an hmangaih dan hi a dang ve a nia. Kawng 2 chauh sawi tum ang aw....
HMANGAIHNA DIK :
************************
Thenkhat chuan hmangaihna dik takin an hmangaih bur ang che. Tiam tlat e tih pui a tan an iai hauh lo ang che. Sunday tuka fate thawhlawm semtu a tan an awt hle ang che.A khat mawi tawk a Mate pa tia ko thintu tur a tan an dream nasa hle thin che in ka ring hial a ni. In in ngaihzawn lai pawh in thianghlim takin hun in hmang anga. Thil tha lo reng reng a ngaihtuah in, tih a tum ngai lovang. I that lohna leh i tlin lohna te a hrethiam hle a nga. Hmangaihna thinglung nen a zilh hau thin bawk ang che. Huat tur a ni lo a nia. Tin, a hmangaih tak tak che anih chuan a zilh hau ngei ngei dawn che tih hre lawk ang che. I harsat, manganna, lungngaihna leh hlimnate hriat ve vek a duh ngei ang.Chung zawng zawng chu a hnen a i thlen a phut ve ngei ang. Sawi chhuak kher lo mahse, a rilu chuan a phut tlat a ni tih hre reng bawk ang che.
A hmangaih tak tak che a nih chuan engpawh ti dawn se a hrilh/rawn ve zel che in ka ring. I thurawn te pawh a ngai pawimawh thiam hle ang.Harsatna leh lawmnate pawh tawng se i hriat loh a duh hauh lovang. I hmaah engtiklai pawh in a ding ngam a nga. Tanpui i ngaih hunah leh dinhmun chhe ber i tawn lai pawh in a phatsan ngailovang che. Tanpui tur che in a in peih reng zawk ang. Facebook, whatapps, sms leh Mobile etc. hmangin biak deuh reng che a duh ngei bawk ang. I pawisawi a hlau hle bawk anga, hlim taka siam reng che a tum tlat bawk ang. Mipa te chuan nula kan duh zawng tak leh hmeltha kan tih zawng takte lakah chuan in ngaihzawn hma pawh in kan thikthu kan pe chhe ve ringawt zel a nia.(Mipa zawng zawng an ni kher lo) In ngaihzawn hnuah phei chuan kan duh tak leh kan hmangaih te chungah chuan thikthu hi a chhe em em ringawt zel.I thian (Mipa) te pawh a thik thin ngei ang. Mahse, lo hrethiam la, ning mai lovin a hmangaih vang zawk che a ni tih hre ru kar ang che...
I hun kal tawh ah lo chesualin emaw lo awm khawlo deuh pawh ni la, a hrethiam anga, a theihnghilh thiam hle ang. Hrelo ang maiin a awm thei bawk ang. I hun kal tawh leh liam tawh ah a buai lo anga, a ngai pawimawh lo hle bawk ang. Tun hun leh i nakin hun tur erawh a ngaihtuahpui che a nga, a ngai pawimawh hle bawk ang.In hmuh thiam loh leh thu in man lo chang awm thin mahse, a tlawm zawk a awm a hreh lo ang a, in phah hniam zawk a tan a hreh ngai lovang.Khawiilo vah chhuahnaah a care bur ang che nga, a thiante lakah zahpui a hnekin a chhuang ru em em ang che. A hmangaih tak tak che a, a duh tak tak che anih chuan in nakin hun tur a sawipui fovang che a nga,i bula awm nuam a ti thin hle ang. Hei erawh a beisei ve tlat thung ang. I chung a a awmdan leh a tih thin ang zawng zawng kha a chungah thleng ve se tih hi a phut ru ve reng ang tih erawh theihnghilh hauh suh ang che.
HMANGAIHNA DIK LO
*****************
Mipa thenkhate chuan hmangaih leh duh ni awm takin an awm ang. An zei hle bawkin ka ring. An care viau ang che. Mahse, i fimkhur thiam ve erawh a ngai ang. I taksa mawina leh thianghlimna tlan an duh vang leh nawmchen nan an duh vang che in a derin an hmangaih che a ni tih i hriatthiam ve a ngai. Chu chu a awmdan leh a che zia ah i man thiam turah ngai ang. A tirah hmangaih hle che in lang mahse, in phal mai suh ang che. I zuan hma in i tlakna tur i en lawk thiam tur a ni. Hmangaihtu der zuna uai zawng natna leh hreawmna mai a ni. Mahni chauh a natna khirh tak vei a ni ringawt..Hmangaihtu der chuan tum pakhat chauh a nei tih hria la. In inkar hmangaihna sawhngheh deuh deuh lam a ni lo, nakin hnua tiam tlat e tih lam pawh a ni hek lo. Mipat hmeichhiatna hmanpui a tan chauh a duh che a ni tih hre tawp mai rawh. Chu a thil tum chu a hlawhtlin chuan i rilru natna tur leh i hreawmna tur lam a ngaihtuah tawh lovang. A rilru in hmu hniamna che a nei ngei ang a. Engvakahmah a ngai tawh kher lovang che. Vawi khat in chetsual tawh chuan a lehpek a hring a, a beisei tlat bawk ang. Hun remchang in neih tawh phawt chuan a tum reng bawk ang.
Hmangaihtu der chuan i hmalam hun a i thatna lam ngaihtuah aimah in engtinge mipat hmeichhiatna ka hmanpui theih ang tih a ngaihtuah nasa zawk in ka ring. Tin, midang kawp / neihsan che a hreh ngai lovang. In 2 chauh a in awm hunah thildang a ngaihtuah lovang mipat hmeichhiatna hman theih dan tur ringawt a ngaihtuah ngei ang. Chumi hunah chuan mipa ang takin khauh tak a awm ve tlat tur. Mipat hmeichhiatna a hmanpui theih loh vang che khan inthen ah pawh a vau mai thei che. Chutiang anih chuan hmangaih in duh ve hle mahla, lawm takin then hmak rawh. I tan khua a var zawk ngei ang. I na rei hauh lovang.Midang an tam a ni tih hre reng bawk ang che. Mi tam tak chuan an bialpate then an hlauh luat avangin mipat hmeichhiatna an hmanpui leh thin. Hei hi thil tha lo tak leh pawi tak a ni. Mipat hmeichhiatna in hman tawh chuan then che a harsat hauh lovang.Ka theih tawh hnu, duh hun hun ah ka chesualpui thei tho ang tiin rilru thawveng takin a awm phah thei a ni. A thiante hnenah in sawi theih nan tak a hmang hial thei bawk. Mipate hian mipat hmeichhiatna an hmanpui hmeichhiate hi an thiante hnenah in sawi theih nan leh fiamthu thawh nan an hmang duh chawk. (Mipa zawng zawng an ni kher lo). Engvakah mah an ngai lo a nia. Lo in then pawh ni ula, hreawm ti zawk tur leh awm thei lo zawk tur chu hmeichhia an ni duh chawk a nia. Mipate hi chuan ngaihzawng dang neih leh mai hi kan harsat lo tlangpui. Chuvang chuan kan bialnute nen a kan inthen pawh in kan tuar rei lo tlangpui. Hmeichhiate erawh chuan mipat hmeichhiatna in hmanpui tawh chuan in hmangaih/duh hle tawh tihna a ni a. Inthenna a lo awm thutin ngaihzawng dang neih leh mai in harsat a. Mipa dang rin loh phah nan hial in hmang thei tlat a ni. Nun pawlawh nan leh engmah pawisak neih tawh loh nan pawh in hmang thei bawk. Fimkhur ava tha em!!
Sawi tur tam tak a awm mahse, kan sawi vek seng lovang. A chunga kan sawi HMANGAIHNA DIK LEH DIK LO hrethiam turin i puitling tawk a ni tih in hre nawn la. Mipa thenkhat nawmchen nan leh tih kual vel mai mai atan a, in phal rual i ni tawh lo tih hre bawk ang che. Duhthlang thei tur khawp in i fing tawk a ni tih haider suh ang che. Thu thlukna dik leh fel fai tak siam turin i huaisen tawk a ni tih hrilh nawn ngai lo la. Nakin hnua rilru natna leh harsatna i chung a thleng tur lakah in veng thiam hram ta che. I taksa mawina leh thianghlimna kha nangmah duh tu nazawng hnenah hlan mai lo la. Thianghlim takin i sas nen in hun hman tum tlat la. Tui baw hnu a ruh leh theih tawh lo a ni tih i hriat reng ka duh mang e. Krista tellova hmangaihna partlan hlimtluan an awm lova, awhawm an awm lo bawk. A tawpah lungngaih leh beidawngin, nun tuihal gawih ngawih in an awm leh thin a ni tih vawng reng la. That lai hun leh vanglai hun hmang thiam lote nun hi a rukin a tuihal tlawk tlawk a ni tih hre reng ang che. Tuna i kawppui tur i thlandan khan i nakin hun tur a hril a, duhthlanna leh thu thlukna i kutah a awm a ni tih hria la. I mit chauh ni lo, i beng nen fim tak a ngaihtuah chungin i kawppui tur i thlang thin dawn nia.......... Ka lawm e..
By Thianpa,Abraham Lalrinngheta
