A hmaisabik ah ka semka
in tuni, tucaan tiang ka nunnak thlahthlam siang lo tein ka lamtlun a ka hruaitu lei le van sersiamtu Bawipa ka thangtthat, apa
hnihnak ahcun hringtu ka lei pathian ka
nu le pa cungah kai lawm, achan cu Bawipa Amah thangtthat in a rian ka ttuan
khawhnak hnga ca i, ka van i sem chuahnak ka lei pathian an si ruangah asi. An
mah tel lo cun hi vawlei cungah hin
sersiamtu kutchuak dawh le sunglawi hi ka rak hmu hnga lo. Hi vawlei cungah hin
Cung Pathian nih ka lei pathian nu le pa hmangin Vangzang khuaah 7 March 1985, Sunday
zingah hi vawlei ceu hi hmuh hram ka rak i thok ve. Bawipa sinah hringtu nu le pa duhumtuk mi a ka pek
caah kai lawm.
Cuticun, sianginn kai
ka cut cun sianginn cu ka van i thok ve, retheih hrat ti cu, duhning zongin
sianginn zong kan rak kai thitha kho fawn lo, tanghnih ka kai lio ah
laitlang um ti cu lothlawh tibak lo tibak
lo cu i cawmnak le a um fawn lo tikah ni chiar tein nu le pa lo thlo dingin kal
a hauh ruangah inn leiah ka nau le umh a hauh ruangah ka sianginn kai zong cu
tthatthi peh kho ti loin tanghnih cu kum 2 ka rak i din. Kum nih le aliam chin
lengmang. A hopoh hi kan mah le tawk cio in kan nun zalam ah harsatnak hi kan
rak tong cio ttheu lai dah tiah ka ruah, kei zong cubantuk tthiamtthiam in
chimtlak lo te va sihmanhsehlaw van chin ahcun chim hnuihni ding khi a um len
ko, asinain ka van chin asi ahcun asau deuh lai caah van chim ti loin thildang
lei tuah van kal colh ko usih. Cu asi
ruangah harsatnak lei cu acipciar in ka van chim ti lai lo, cutin ka singainn
kai cu ka van peh ceumo ve tthan i, kan khua tangnga tiang ka kai, cukhawh vun
kawlrawn ah kan van pem, kawlrawn ahcun tangruk 6 in ka van i thok tthan.
Cuticun, Bawipa dawtnak
le nu le pa kilkhawi, zohkhenhnak thawngin thanghra 10 pha kho ding dirhmun ah
ka van um ve. Tanghra hi a kumkhat nak in 2003-2004 cacawn kum cu Letpanchuang Popular Boarding School ah ka rak um, cu lio
ahcun Saya J.KHUM hi kan Principle arak si. A thiam zong athiam, ka lung zong
atling, a zoh chimh zong attha, tuni tiangin ka nunnak i best guider pakaht asi
zungzal rih. Vanchiat ah hi kum ah hin tanghra cu ka rak chuak kho ve lo, ka
rak sung. Cu khawh cun nawlh nolh in 2004-2005 cacawn kum cu Letpanchuang tthiamtthiam
ah Solomon Boarding School ah a kum hnihnak cu a hram ka van i thok tthan,
cuticun harsat he ti fam cu lungfim tein ka phak khawh chungin teirial tlak te
cun ka van i ttansek ve tthan, final cu kan van pe tthan asinain van chiat le
malmak ka van ti hoi tthan lai maw, ka sung tthan, ka lung hi arawk ngai, achan
cu kan neih ruangah kai mi ka si lo ti le a ho chimh hau loin fiangtuk in ka
theih fawn, ka chung le hmai hrim ka hmu
ngam lo, an hmai hrim ka khap bak hna lo.
Ka thinlungah thil
tampi ka ruat ve, tanghra 10 hi Bawipa nih awng lo dingin a ti ruangah asi sual
hnga maw titiangin khua ka ruat. Asinain ka thinlung chung te cun tanghra 10
awn lo hi tiin kai ceihcum peng ve, van awn lo hi cu ka ruat ngam lo hi a si
bik ko. A minung lei ruahnak zong cun ningzak ngai zong khi a va si ve cang,
asinain Bawipa nih hin ka hrangah tanghra awn hi rem a ka ti piak ve lo le maw
si hnga aw, ka van ti rualrual ahkhin ka awng kho ve hrimhrim ko lai tihi, ruahchan
nak ka nei ve rih. Ka chung le hmai cu a hngal ruam lo. Ningzah zawn zong ruat
siang lo tein tanghra kai ding cun ka van i tim tthan, azei poh siseh sianginn
ttha deuh zong asi khawpi lei hna ah seh
an van ti tthan le a man zong cu a tam deuh Tahan ahcun 2005-2006 cacawn kum cu
Galalee Bording School ah nawlnolh cun ka van kai tthan, aw a zeipoh siah mah
hi pei ka last chance asi ko ne i ka ti i, ka theih khawh cungin ka van i zuam
ve, monthly exam, caminpuai tuahnak zongah cutin cun laksawng tiang ngah kho
dingin ka vun ve, Bawipa nih a ka bawmh lai ih ka awng kho ve hrimhrim ko lai
tiah ka lungthli tein ka ruah chan ve. Cuticun final caminpuai cu kan van tuah
tthan i, subject khat bioah ka rak sung tthan hoi ai. Ka bei a dongh ning bak
hi minung hmur le ka zong khin chim zia zong ka thiam ti lo. Mit aunak hrim ka
thei ti lo. Ka chung le zong nih zei ti tiawk an thei ve ti lo, peh tthan peh
hlah ti zong an ka ti ve hlei ti lo, Ka ngaih cu chiabak, van peh tthan ko law
ti ruahnak te hmanh khi ka nei kho ti lo, rauhnak thazaang hrim ka nei kho ti
lo, cuticun zeihmanh cu e, kha e, tizong a um ti lo, beidong ngai khin ni le
thla cu ka van hmang ni khat hnu ni khat cun, sianginn i thok lai teah khin ka
u nih a huam ti hnga maw, a huam ko i a bei han a dongh lem rih lo ahcun
Boarding i um loin inn hna in day special hna in rak kai sehlaw tiah avan ti
hna ka nu le pa sinah, cuticun phur lem lo khin, kan pa nih cun na u nih
cuticun a ti le, zeitin na huam ti lai maw tiah avan ka chimh vet than.
Kumdang bantuk cun
sungh ciocio hmanh ah ka van kai tthan lai le ka awng cang ko lai ti i, tuahchan nak ka rak neih bantuk zong kha
ka nei kho bak ve ti lo, ka minung ruahchannak cu ka dih bak ko, zeihmanh i ruahchan ding huamnak
pelpawi te zong khi ka van nei kho ti lo, cu lio caan i ka nunnak i ka ruahmi
umchun pakhat cu zeidah asi tiah cun Bawipa pakhat lawng rinchan in seh ka ti
lai, cutin kai zuam lai i, a cu i ka hlawhtlin khawh cuang lo asi ahcun ka dam
chungin ka dinhmunah kai ngaihchiat ti lo tiin biakamnak keimah le keimah tein
kai tuah. A cu ka biakam nak lak i ka thlacam tutiang i ka nun lam a hruaitu
asi mi pakhat cu, “Bawipa na ka bawmh bak i, na ka awn ter bak asi ahcun na
rianttuan, na bia le na hla hi ka cawng hrimhrim lai” tiin thla cu ka cam.
![](https://blogger.googleusercontent.com/img/b/R29vZ2xl/AVvXsEgTh0d4Zh3PbWmvUsiR0X0S0kKQyT4m5xqKXE1V9vl_Pz9qoJR9yDWsuAQbUEpDw2vjZhu4F22fIlYoqGfWtApL1CkXcBxZFVxSIG0LKT64mOSKBV2SMO0vMMKFBoVzPpmYgJvMinQQaHbO/s1600/296222_614943081857483_868866124_n.jpg)
Resualt zong cu kumdang
bantuk in a chuah ni kha ai lo hio fawn lo, kum dangah cun Sunday ah a chuak tawn mi khi asi, asinain a cu kum
celngel cu Saturday ah, nirukni ah a
chuak, hi hrawnghrang te i, ka umtuning tepawl kha ka mitthlam ah acuang
zungzal ka philh kho hrim lo. A zaten in , acipciar in kan van chim asi ahcun a
sautuk lai caah kha lei kha cu kan van chim duh ti lai lo, cutin ka awng ti ka
van theih cun ka nu le pa zong an i lawmhtuk ah an biangah lunglawmhnak mitthli
aluang thluahmah mi ka hmuh tikah Bawipa sinah ka phak tawk tein lawmhnak bia
ka chim colh ve. Mah hi ka nunnak i fiangtein thlalang hmai i i hmuh bantuk i fiangin ka hmuh mi cu zeidah
si tiah cun minih an chi mi ka hna ka rak theih men si ti loin, Asunparnak,
asunlawinak kan hmuhkhawh nak ding asi phot ah hin cun kan tuar hi akan sian
lawng si loin, minung cahnak pin lei, beidongh pinlei i ai phuang tawntu asi
zia hi fiang tein athar in a ka theihter caah ka khawmhtu bawi le hlawhtlinnak
aka petu ka Bawipa rianttuan in ka dam chung ni le ka caan , ka nunnak hi
Asunparnak ah hmankhawh kai zuam zungzal ti hi ka biakam a sibantuk in Shillong
ah Bible sianginn kai cu basic Diploma in kai thok i B.Th dihtiangin kum 5
chung tluang tein hlawhtlin nak a ka pek. Cu chung i a ka zohkhenhtu ka NI DAR LE KA TANG cungah lawmhnak bia chim
cawk lo ka nei. An mah nih ka herh mivialte an ka zohkhenh lawng hmanh si loin
thlarau lei nun dan ding tiangin nun lam an ka sialpek an ka hmuhsak, ka hrangah
cun ka thlarau nu le pa taktak asi ko. Zeizong vialte hi Bawipa zaangfahnak
lawng te asi ko. A ka dawtu ka Ni le ka Tang cungah kai lawmh nak hi zeitik
hmanh ah a ziam kho ti lai lo, hi vawlei
ka dam chungah.
Bawipa nih a dawtnak cu
ziamni nei loin ka cungah chunni bangin atlan ter i, tuni tiang zohkhenhtu ttha
U le nau a kapek caah kai lawm, July 3, 2013 ah
khan Philippine ah Bible sianginn peh tthan dingin kai thawh i, A lamhruainak le Adawtnak thawngin dam tein ka phan kho, a ka zokhenhtu ka u zong taksa thlarau lei ah siseh damnak a pek ve i a
tu ka cawn cuahmah mi Master of Ministry(M. Min) course cu Bawipa dawtnak tein damte i ka um asi ahcun ara lai dingmi March
thla ni 20 ah khin ka Graduate ve cang lai. Hlawhtlinnak lam tluang phan kho
dingin a ka zokhenh tu, aka cawmtu ka U PENG cungah kai lawmtuk hringhran ti hi
ka chim duh, chungkhat sahlawh rualchan hmunkip, ka kip um mi zong nih dong loin nan thlacam
bawmhnak vialte ruang zongah kai lawmtuk hringhran fawn ti zong ka van chim duh fawn, culawng
si loin sum le pai in siseh aka bawmtu
zumhnak in ka unau ka hawi le vialte nan cung zongah kai lawm ti ka van chapcih duh fawn.
( PATHIAN ATHEI TAKTAK
TU NIH CUN A DAM CHUNG CAANTAWI TE HI, A THABIK IN A BAWIPA CAAH A HMAN TAWN).