Nun umzia theihlo (um ngaihnak) cengmangah hi cun milainun in ramsa khal atluklo caan aum ttheu. Mifa le pawl zaan an menrei ttheunaksan cu hnattultuk an ttuan ruangah tla asi ttheu. Mifa le pawl tlaipipiih an thawhnaksan khal cu cutivekin zaankhalah an ttuan ruangah arak si ttheu. Asinan, tulaisan tthangthar, mino tampi cun hnattuan kupkap khal nei cuanglawn, zaanmenrei hi sanman le titheihawknak vekih rakruataw khal cu kan rak um.
#Zing nazi pakua,pahra hrawngah tho, kamsur nawnih thawhhlam ei tivek khalhi sanmann le titheihawknakah ahmangtu khal cu tor le seng, acuvek khal cun ziangruahmi neihrawthrai cuang lawn, eihmuaihmo thei thotho, acubetah kan phun ngambet lai. Rawlei tthehah bawifanu bualawkcen kan bual theibet hrih, thuamhnaw tthattha hrukawin khuilambik pan ding khal thei hran cuang lo cun khualakah vavakkual in luklak men ah caan acem lala.
#Cutivekih Vokpi nunih nunnanna cun anetnakah nupi/pasal ding cu vokpi ek-tthing tawng an ti bangin an tawngih nu le pa innsang sungkhat u le nau hrangah harsatnak namenlo an thlen ttheu, ahramthoknak diklo hrat cu ziang le khawle kum le caan ahung liam cun zawngte tidaithlum hmu an rel bangin cuinun cun kan mainun rori in vawcau leh ttheu.
#Note: (Na caan na hmanmi ah na lungawi maw? Na mantuk pang maw, mantuknak cun sual in tuahter ttheu. Na caan alakmen in na liamter pang maw? Thilttha pakhat tal na tuah thei lo hmanah sual cu tuah lo dingin zuam aw.!!!)
Note: Base on BCM Thalai Entu (journal)
