HLan lio ahhin mi pakhat Pathian zumbur, hngetbur tu hi khual atlawng ti si, a khualtlawnnak ahcun Bible, phazawngdan le arkhawng pakhat ai ken ti asi. Zaanah cun phazawngdan cu avan i, a Bible ken mi cu arel tawn ti asi, cun zinglei a hung si cun a arpa aiken mi cu ahung i cuticun atho tawn ti asi.
Voikhat cu zaanlei khuamuih nawn, unau melhpalh tluk hrawng ahkhin khua pakhat ah ava lut, tlunnak ding hawl in innkip ahcun ai chawk ti si. Asinain a hohmnahnih tluninn an rak onhduh lo ti asi, atthenkhat le bang nihcun holhkamchia pipi in an rak hrochap cuticun an rak dawi tthan tawn ti asi, Aasinain cu Pathian minih ngaihchia siang lo tein lunglawm cung tein, “Pathian zaangfahnak le diknak cun atthazawngin zeipoh aruahthiam lawng si loin ai nunpi, cutitecun khualeng hauka lei lamte cu, riak ding cun a va panh ti asi. Cu hmun ahcun thingbuk bak i ngohchan ding a um lo caah a pawngkam teih ummi thingbuk te cu i hngoh i riak ding cun ai timtuah ti asi. Ai ken mi a arpa cu apawngkam i thingtte ah cun afutter ti asi, aphazawngdan ken mi te cu vangin Pathian sinah lunglawmhnakbia chim in thlate cu avan cam hnuah a Bible te cu rel hram a van it hawk tthan ti asi.
Thli a vanhrang i, a phazawngdan vanmi te cu avan hmihpiak diam ai, thli cu a hranfah deuh ruangah vanvaan tthannak ding ci khi asi loh, cuticun muilak ahcun ihram avan i thok, sihal avan chuak i, a kenmi a arpa cu an sehpiak diam ai. Cu Pathian mi nihcun, “Pathian zaangfahnak le diknak nihcun zeipoh hi akal pi peng ko” tiin phunciar lo tein thawite cun ai hngilh tthan ti asi. Zing khua ahungvar cun avan tho, A Bible pom butein acung i zaangfahnak nun neiduhlotu khua ahcun ava kir tthan. Zaanlei ahcun cu khua cu misual rualpawl nih arak taih hna i mi an hmuh mi pohpoh cu an rak thah dih hna lawng si loin an khuacop in an rak khangh piak viar hna ti asi.
Pathian mi nihcun, "Khua mipawl nih khan aw, ka cungah ngilneihnak rak langhter in thleninn rak ka onh hna sehlaw cu, anmah rualin ka rak thive ne hnga hi teh aw, tiah avan ruat tthan. Ka phazawngdan ken mi rak mit loin rak ceu peng sehlaw, ka arpa zongkha rak khuang sehlaw cu, misualpawl nih olsamtein ka umnak kha an theih lai i, an rak ka thah diam ko hnga dah mu” tiin a lung a hung pem duk ai!!!! "Pathian zaangfahnak le diknak nihcun a tthazawngin zeipoh hi akalter zungzal tawn” tiin Pathian mipa nihcun Pathian sinah lunglawmnak he Bawipa sinah mithli lungthluahmah cun thlacam pah cun a khualtlawnnak zalam cu apeh zulh tthan ti asi.
Rom 8:28 “Pathian nih hin, amah a dawmi hna caah le amah nih aa tinhmi ningin a khawhmi hna caah cun, zeizong vialte hi a ttha lei ah a serpiak ko hna ti kha kan hngalh...” Amen.
