“TUKFORHNAK”

Zisuh zumtupawl nunnak ah thil phan hrimhrim ding i kanruah ttheu tawn mi cu  "Tukforhnak" asi i, tukforhnak tongbal lo, tuarnak zong tongbal lo zumtu an um bal lo bantuk in, Zisuh tello cun tukforhnak pawl hi kan minung cahnak cun teikhawh an rak silo.

James 1:12 ah cun zeitindah aittial tiah cun, "Hnihsaknak a in tikah fek tein a ummi cu a lung aa lawm, zeicatiah cubantuk hniksak nak kha atei khawh caah Pathian nih amah adawtu hna akhamhmi nunnak kha laksawng ah a hmuh lai".

Tukfornak kan cung avanphak tikah ngaihchia le lungfak in um ding kan siloh, thlarau nunram lei tuah nunthar kan neih khawhnak hnga le atharin thazangthar kan laknak asi ti i Bawipa sinah zumhnak he, thinlung he amah ah kan i ttumh thiam asiah cun, nakcang kan thiam asiah cun, kan i tuahbanh lo mi le kan i zumhbanh lo in athiltihkhawh tthawnnak cu kan cungah, athlawchuahnak he vanruah bangin kan cungah surter in arak um lai. Zeibantuk harsatnak zong hi dawtnak in akhatmi kan Pathian ruahnak thinlung he kan rak conh, kan rak cohlan khawh  asiah cun teikhawh lo timi hi arak um hrimhrim loh tihi kan theih tthan ding zongah ka van chim duh fawn. Kebei pawl kaltertu, mitcaw pawl khuahmuhtertu le hnachet pawl theihkhawhnak petu nih amin sunlawinak le thangttahtnak asi khawh phawtah cun kan cungi lungretheih, sivang i kan um zong hi an rak kan sianpiak hleiah hniksaknak kan tonzong akan sian tihi kan theih tthan dingah van duh fawn, kan nunnih hniksak nak kan ton tikah ASIN ah lunglomh nak le thangtthat nak  tuin amin sunloih khawh i zuam usih. Cunun kan neih khawh cu kan BAWIPA nih akan duhpiak tukmi zong asi fawn.

Kan Bawipa nih cun nifa tein kan zumhnak kan puan inn kauhter chin lengmang hi akan duh, akan fial mi zong asi, zumtu mi kan nundan ding cu nitin te i kan sikhawh tawkte in thilthar a cawng ding mi kan si hleiah nikhat hnu nikhat attang cho ding mi kan si. Ai dawh maw dawh lo, zohsia arem maw rem lo ti siti lo in, ningzahthlak si maw silo ti siti lo in, a zeibantuk thilfate zong siseh asunlawinak ding hrangah cun ralttha tak in Au chauhpi ngamtu le nunnak ah atak i anunpi ngamtu pawl hi mihual vanttha cemmi le nunman anei cemmi cu an si ko. Nuhmeinu te a sunlawi bik cemnak zong cu vawlei cung fimthiamnak aneih ruang zongah asi hlei loh, michuakthiam asi ruang zongah asi fawn loh, asinain zeithil atuah poh ah fel le hmante in thil atuah, athinlungput ning hi thlawchuah tlak hrimhrim dingin a um, cucun ka neihmi atlawmtuk ka tho ngam loh tiin ai hnukdawk loh ralttha tein aneihchun mi tangka te cu a va thawh ko, hika hin zeidah kan hmuh khawh hi pitarte nunnak ah kha mivialte lak thawhlawm thawhtu lak ah a hleiluat in thlawchuahnak dongtu asi ti kan hmuh khawh.

Curuangah kan nih zong kan nitin nunnak ah Bawipa tthatnak kan (experience) mi or  theih mipawl tete hna hi ralttha ngaiin, zumhtlak tein, felte in kan chungmuril asilo ah  kan thinlung taktak in thlacam nak he phuang cio usih. 1Korinth 10:13,"Turforhnak nan cung i atlung midang zongah nih an in cio tawn mi an si ko.Pathian nih an biakam nak cu a zulh ko lai i nan in khawh lengtiang in tukforhnak cu nan cungah atlunter lai lo. Tukforhnak nan in tikah in khawh nak thazang an pek hna lai i chuahkhawh nak lam zong an serpiak hna lai". Acanah cun kan nih zumtu pawl hi harsatnak si maw, tukforhnak si maw kan cung i avan tlun tikah kan mah lawng harsatnak le tukforhnak tuarmi ko khi kan lo tawn, van i zuam ceumo nak thinlung hrimhrim khi kan van nei kho ti tawn loh, asinain hikazawnah fiangtuk in a kan chimh kan tuarkhawh lo tiangin tukforhnak si seh, harsatnak siseh kan cungah a phakter bal loh, a cu hlei hmanhah  cun luatnak lam a kan tuahpiak fawn hoi ai, kan nunnak ah hi thilpawl an van phak tikah lunglawm ding kan si zia van zoh usih, James 1:2,3 "Ka u le ka nau hna, nan cungah hneksaknak a phunphun atlun tikah vantta ah  i rel u, zeicatiah cu bantuk hneksaknak cu nan zumhnak in nan tei tikah in khawhnak nan ngei" tiah akan ti cuteh. 

curuangah cun kan cung i harsatnak aphunphun aruah i kan rak ruah bal lo mi zong ara kho men ko, sihmanhseh law kan chim cang bantuk khan kan thlarau nun aihngilh cangmi van thawh tthannak le kan cawnbal lo mi nunthar, asi lo ah nuntam cawnter akan duh ruang zongah a rak si tawn tihi athar in thei tthan hna usih tiah Bawipa min kan van i sawm duh fawn.Cucun thil pakhat a um kho ve tthan mi cu tukforhnak i kan tluk oltuk tawnnak chan hi ka hin van zoh tthan hnik usih, (James 1:14-15) "Sihmanhsehlaw minih tukforhnak kan in cu, kan duhnak at'ha lomi nih khan akan pialpi i rap ah akan foih caah asi tawn. Cutikah thil tthalo duhnak nih cun sualnak kha apawi i ahrin: cun sualnak cu at'hang i patling asi tikah thihnak kha ahrin" tiah ati. Hika zawnteah hin kan hmuh khawh t'han mi cu kan mah nunnak i a um ciami ruahnak tthalo sual nih cun akan molhter i hramhram in sual khurchung luhduh nak siseh, sual tuahduh nak thinlung akan neihter khawh ve tthiamtthiam tihi kan theih ding zongah at'ha. Curuangah kan thinlung putning siseh, kan ruahnak pawlhi Bawipa kutah nitin tein kan ap hi arak herh tuk. Cu ti i kan nun Bawipa kutah kan ap zungzal khawh asi ah cun tukforhnak phunphun lak in kan luat kho lai.

Bawmtu Pathian le zangfahtu Bawipa nih cun hi abia tawite hmangin nanun ah thlaw in chuah ko seh.

DAWTNAK LE DUH SAKNAK HE

Amos Bawi Tin Chawn