Voikhat cu saram pawl hi meeting an tuah, cuhmun i an baiceih mi cu, “kan lak ahhin aho dah a ropi cem hnga” timi an ceih. Pawpi hi ahrum awnh ning zong athang, cun acak zong acak, aral zong aṭha curuangah ramtang bawi si awk ah aitlak tiah an ti. Ngal hi aho ahriam fawn, acak zong acak fawn tiin arak vote tu zong cu an um ve, cuticun an theih mi aṭhawng le acak an timi phpoh cu an van chim duahmah cio hna.
Pawpi nihcun, “keimah hi ka fim cem, minung zong nih akan ṭih cem, saram lakah hin ka ral aṭhacem, thil ka tikhawh cem” tiah asarampi pawl lakah capo ngai khin an mah zoh pah cun avan chim, ahohmanh nih an let ngam lo.” Cubantuk i i uangthlar ngai le capo ngaiin a um lioah cun, hngalsang(mosquito) nihcun ava zuangi pawpi hmul karlakah thek tiah avai tenh i ava seh, athak celh lo ah heh tiah ai cheih len. Ngalsang cu a hmul karlakah ai tenh caah Pawpi nihcun a hmu kho fawn lo.
Cuti i Pawpi athak celhlo ai cheih len lioah, Ngalsang(mosquito) nihcun, “Ka fate ko nain nan ṭihbikmi Pawpi hmanh umawk hngal loin atuah khotu ka si, curuangah thil tikho cem le miropi cem timi cu kei mah hi ka si” tiin ramsa dihlak hmaiah capo nawn cun avan aukhuang ve. Cuti i capo ngaiin ai her len lio ahcun an meetingnak hmun kilkawm teah dai ziartein arak ṭhu ko mi Maimawmh(spider) nihcun, Ngalsang hi pakhatkhat cu chimhcawnpiak ahau,"Pawpi umawk thei loin na tuah ruangah khan na vai capo ngai si kaw. Ka bu ah rak ra law, na ropit lo zia kan hmuhsak lai," tiah ati. Capo nawn cun Ngalsang zong nihcun ka van ralai, zeidah ka tuah khawh timi cu kan theih lai cu, tiah aleh ve.
Ngalsang cu Maimawmh sinah kal ding cun ai thawh, ava phak tik ahcun, Maimawmhbaw (spider net)ah Ngalsang cu aitartahak diam ai! Hehtiah athazaang umek in acawlsek, achuak kho hlei lo, asi avang, Maimawmh sinah zeiruangah dah hitihin na ka tuah, van ka chuah zawk ca tiah ahei ti. Maimawmh nihcun, “Tikha cun na ropit lo zia, na nep zia nai theih cang lai mu. Tikhan na tang lai i na thi ko lai, cuhnu ah ka fanotete pawl nih na sa an i ei dih ko lai” tiah ati.
Ngalsang nihcun, “Thil tikhotukin ka rak i theih tawn, ka rak capotuk fawn, kai capo ruangah atu cu ka thi ko cang lai hi teh” tiah ati.
#Note: Cathiang nih, "Pathian nih milungpuam cu adoh hna i mitoidor cu a vel kha apek hna," ati. Cucaah cun aṭhawngmi Pathian kut toiah toidor tein khuasa u law amah nih acaan arem ati tikah an hlorh te hna lai.(1 Pet 5:5-6).
=Kan Bible nih achim bantukin, mi capo si hi ṭih anung taktak, mualpho ning zong afak, tlaknak zong asang, minchiat dang he zong ai lo fawn loh, thihnak zong asi fawn. Nabeltein Bawipa hmaiah tangdor tein Amithmai zohbutein kan nun asi ahcun, atikcu acaan teah Akan hlorh lai, kan cawisan hna lai tiah akan kamh. Pathian cawisan timi cu azeilei poh in nun hah adam....!!!
=Capo nun he pehtlai in Bible verses pawl: (Proverbs 15:25, Psalms 31:23, Proverbs 3:34, Isaiah 3:12, 2 Tim 3:2, 1 Pet 5:5-6, Etc...). Bawipa nih mah hi tuanbia tawite hmangin na nunah atharin biachim ṭhan ko seh...God bless you all..!!
No comments:
Post a Comment