Hlanlaiah loneitupa in Uifimzet aneiih cutin a nupi le Ui hnenah Arte ka leiih himi arte pawl hi thaten kil auhla nan thihter lo pei. Culen an tumdingih arte tampi kan nei thei ding tiah asim hai. Voikhat cu zaanlam sim nawnah Rulpi cu an Ar retnak kiang teah a hungkual cucu a Uifim cun a hmu, rinlopiin apupa cu arak tlungih auicu ahngawngin akhit ih lolamah a hruai. Cutin athlamtungah a hrenta. Ui cun ahrennak hri cu a keucat ih innlamah zamrang theipatawpin atlan, asinan Rulpi cun Ar cu arakdolh ih arak tlan man, cutin nikhat hnu nikhat Rulpiin pakhat tete in adolh tikah...Loneitupa cun anupi hnenah ziangruangah ka theih loin Ar na thah? Anupi cun na thu loin ziangah maw ka thah ding..!! loneitupa cun asi lo le cu ka Ui asi tengteng ding tiin (THINHENG) letukin a Ui cu ahrennak hri thawn anamsuapi alakih, thah atum. Culaifangah a innhnenpa Jonah cun:
Jonah: Ziangruangah na Ui cu nathah tum men, khatluk fim?
Loneitupa: Ka Arte a deh thluh...!!
Jonah: Ui in Ar ahmul thawn an ei dah kel lo,
Loneitupa: Aw cuti maw.!! Arhmul le um ngai fawn lo... avun Ruattttt......Arualpa thawn an inn thlangih phul an vun kau ih, Rulpi rak kual cu an va hmu culeveten loneitupa cun ka Ui sisawn loin Rulpi si hi ka Arte hmuah dehthluhtu tiin anamsaupi cun Rulpi cu ahngawngah ahei sat tan cih.
RALRINDINGMI: Thinhenlai ahcun kan ruahnak afim thei lo t’heu, kan thilthlir daan khal afuh dah lo t’heu, curuangah kan thinhenlai ahhin thilt’halo kan tuahngah pang t’heu, ttongsia kan ttongngah pang ttheu, thinhen lai hi kan atbik laicaan asi. Thinhenlaiah thut’hennak tuahhlah, ttongsup aw..!!!
No comments:
Post a Comment