INNSANG NUAM

Innsang nuam ti tikah ruah ding cu um men thei..a bik tak in nei hrih lo pawl hrangah phei cun siar nuam tla cu a si lo men thei..a thu lu zoh in siar paih lo tla kan um men thei...ziang a si khal le fam kim lo zet hman sehla thei tawkin ka ron lo share ve hai..

Inn sungsang pakhat hi nuntu khawsak dan thiam zet an si i, kum le tik cu a rei in fate malsawm tla an dawng hngehnge..Pa le hna tuan in leng a suak ve ring ring..Nu le naute a tet lai ah cun inn lamah um pi in pasal hna tuan tlun bang hman zoh man lo can a nei theu..cu ti cun an pa khal cun thei thiam in a um san men theu..

Nupa duh aw zet an si ih hmel lam ah khal le rel siat ding um lem lo hi an si..pasal lam khal le rualpi tha tampi a nei i Nupi lam khal in le tawk fang nawn cu a nei ve..Cuti cun kum le tik cu a rei i nu le pa khal le biak awk mumal lo cun thin lungah dang lamnak um si kei cu..pakhat le pakhat an thik aw ton thlang..Inn lamah cu tin buainak neuh neuh an nei ve ta..

Papi khal le hna tuan ban in inn lam pan lohli nawn lo in rualpi thawn thu nuam rel in zan tlun a tlai phah phah theu. vei hnih khat cu zuu ri in tla inn a ra thleng theu. Inn a ra thlen khat le nupi be mumal lo in a ih san men theu..a can ah cun a nupi in tuar aw lo in a sim a sile lung duhlo bang in le ziang sawn lo in a um men theu..an nu khal cun fala theih mi a nei tam si a ti i a lung phang zet..zuu a rit can ah phone a biak mi le nu nau lam deuh lawng khi a si..

Ni khat cu an pa khal th;la a cem i hlawh a dawng ve ta..a rualpi pawl in tui zan cu kan nuam kei cu an ti i el lo in a thlun ve mai..mipa ti fam cu zuu an in i a ri ve nawn thlang ..a rit hnu cun inn tlun a paih nawn lo..si nan a rualpi pawl cun innsang pa na si zo kha an ti i ri cing te cun inn an hei thlen ta..an inn a thlen in an nu cun rak tuam hlawn na khaw lungawi lam i hnek in a thin a heng sinsin. Nupi rawl i lak aw a ti i ri tuk ti fam cu rawl a hmuh veten a sit bung thluh..

Cu ti cun a nih khal ziang thei nawn lo in a to hmuh cun a it that cih..an nu le a fanu te cun theih tawk suah in an pom i ih khunah an ih ter.. an nu khal cun papi a luak le kaawrah kai thluh si a khua a dai pang ding ti phangah a kawr phelh tum na khaw an pa in a kut thawn a rak hai cing cing i phleh thei lo in a um..an nu cun phelh sak a tum tho tho i cu lai fangah an pa cun "nang nunau nu ziangah ka kawr cu phelhsak i tum i kei hi ziang mi ka si ti i thei lo maw si. nupi fanau nei zo ka si hi i hnai hnok hlah aw" tin a hun ti.

An nu a lungawi tuk nak ah a hmitthli rialti bang a for..kan pa hi hna tuan a bang zet i inn a ra tlun khal a si le rak ngaihsak man lo in ka um theu nan hi tluk in maw i rak duh, ziang ruangah saw ka rak ruah thiam dah lo ti phah cingte cun(a lungawinak) a mitthli cu a for thluahthlo. 

Papi khal cu zing khua a hung vangih (pentawng) lu na cingte cun a hung tho fuamfo. a mit cu a hun nuaiih a zoh fiang awk tikah a ih khun ke lamah cun a fanu te cu a hmu.."ka fa ziang na tuah" tiah a ti. a fanu te khal cun,"ka nu in na pa a thawh tik le a mangbang pang ding rak hngak rinring aw" in ti, tiah a sawn. a fanu te cu a hruai ih hmai a phiah thluh in cokaa lam pan cun an feh. coka an thleng ih thawhhlam ei ding cu cabuai parah rak ret cia in a hmu cu ti cun a mang bang ih a fanu hnenah,"mizan ziang ka cang saw?" tin a sut. a fanu te khal cun" Papa mizan zuu na ri tuk ih ka nu thawn rawl kan lo laksak nan ei lo in na sit bung thluh..cun ka nu in na luak thawi ciah aw mi na kawr kha a lo phelh sak tum i na duhlo" ti ah a sim bet.

An pafa hnihte cun thawhhlam cu ei tum in an to. lakphak khuat ih nen mi can cu a pa in a hmu ih a siar tikah,"Kan pa duhtak..tu hi pastor inn ah ka feh duak hokhaw..nan ei ding mi pawl ka ret thluh cia i rak ei sunguh..pastor ka rak sawm dingih tu ni cu innsang lungawi thu simnak kan nei ding" ti ih ngan mi ca cu a hmu.

Rei lo teah an nu khal pastor thawn an ra ih lungawi thusimnak tuah in rawl thaw ten an kil tlang pan lo maw..

note: thikawk tuknak cun buainak a suah ter ih..thlahthlam tuk awknak khalin thikawknak a suah ter. Mai' innsang, mai fala tlangval kan si khal le pakhat le pakhat theih thiam awknakin thatnak hlawm aw cio ding beiseinak thawn.....................

By Johnny Siam