Chawva le Innchungkhar karlak ah (Common sense hmanthiam attha)

Fimnak ngeih hi sui nakin a ṭha deuh, hngalh thiamnak ngeih hi ngun nakin thim deuh awk asi. (Proverbs 16:16)

Tangka kan titikah abikin innchungkhar karlakah alakluhnak lei hmanh in achuahnak lei, ahmannakah kan ruahnak fimvarte (common sense) kan hman thiam lawng si loin kan i (control, manage) thiam hi aherh bak mi asi tihi ahmaisaah chim ka van duh. Nu le pa zong nih fale sin ah phaisa kan pek hna ning le kan hmanter hna ning zong umzia nei tein(skilful) tein kan pekthiam hna zong hi aherhtuk fawn.

Mifim mithiam  tampi abikin (Management)cawngmi nih an caṭialmi cauk aphunphun zong tawr le cheng relcawk an um, chungkhar pakhat kan sinakin hibantuk chungkhar he ai pehtlaimi cauk relṭha tampi kan vai i chiah khawh lo hmanh zongah  pakhat tal hi cu i chiah kho ve u sihlaw zeitluk khin dah a hei ṭhat chinchin hnga! Ziahtiahcun, hibantuk lei innchungkhar kan khuasaknak harsatuk in kan nunnak achan tampi lakah aitel ve mi pakhat cu zeitluk hmanh in tangka lut nei tam ushlaw, ahman ning(manage) kan thiam ṭung lo ahcun zeitikhmanh ah mithlawhtling kan si kho bal lai lo. Curuangah hibantuk lei mifim pawl nih an ṭilmi capawl hi rel uar khawh i zuam aṭha.

Mifim relcawk lo nih cauk thawngtampi an ṭial an zuar ko hna, cuhnak hmanh cun alet thawng tampi in cawk ahlawh deuhmi, chungkhar hrangah (Financial) lei zong i tlamtling khitkhet tein akan cawnpiak khotu cauk cu kan Bible Thianghlim hi asi. Pathian bia hi vanram kan kai khawhnak ding hrang lawng asi lo i, hi vawlei cung kan nun chung zongah cawmpiaktu ṭhabik cauk Pathian bianung asi. Cu asi caah chungkhar tuangtimhnak ṭha nei kho ding le kan chawva ralring tein hmanthiam kan duh asi ahcun kan Bible hi rel uar usih, kan herhmi vialte atling cikcek dih.

Pathian nih a bia chungah akan kammi kan hmuhmi cu, “Thlaici tlawmte atuhmi nihcun tlawmte azuun lai, tampi atuhtu nihcun tampi a zuun tawn” (2 Kor  9:6). Adang pakhat ṭhan cu, “An in cawmpiak mi kha ṭhatein ruat law khuaawng na tong lai, Bawipa kha i bochan law na lung aa lawm lai” (Phungtlk 16:20). Na innchungkhar kan chawva hmannak leiah hma kan sawn khawhnak hnga asi loah kan nunah thildang kan beisei mi a um a va si zongah Abiathiang chungi alamhruainak le acawnpiaknak kan zulh i kan i nunpi taktak asi ahcun, tuni hrang lawng  si lo, thaizing hranglawng zong si fawn lo, nitin tein kan innchungkhar nun azalen in a nuam lai i, athlawchuah kan dong zungzal lai. Bawipa bia hi rumnak, nunnuamhnak asi lioah asi lo zawngin kan hman sual asi ahcun sifahnak tawpkhawk tiangi akan phaktertu asi fawn tihi adonghnak ah ka van chim duh. 

Note: Sadly, family problems and even financial problems are seldom the real problem, but often symptom of a weak or nonexistent value system. [Dave Ramsey]

And my God shall supply all your need according to His riches in glory by Christ Jesus.[Phi 4:19]