Ruat awla vun ruatbet sal hman aw..!!!

·        Pathain hrangah miṭangkai si dingah buai hmaisa sawn loin kan hrangih Pathian ṭangkaizia hi kan hlawkpi maw, kan ṭangkaipi maw tihi kan mah le kan mah kan zohfel awk hmaisat ding hi asi sawn.

·        Baan hmaisatih Pathian pantum hnakin amah apantupawl sirawk dingih ahruainak hi theihngah/suah apawimawh sawn.

·        Pianthar hi ziangkim caan thluhnak asi loih ziangkim caanngamnak nun, piantharnak cotupawl hi Pathian in akilkhawi lanta duhzet mi asi.

·        Zumtu ziintluan ahhin harsatnak tampi um ko hmansehla, harsatitu diktak theihthiam hnu hicun harsatnak timi hi ahlawhsam sawn ṭheu.

·        Kan duhnak hi kan ruahsanmi an rak si thluh lem lo, ruahsannak nung cu zumnak thawn ṭhenhran atheih lo.

·        Damduhzet lai cingih thihnak, ṭhenawknak hi leitlunah hin thidingih caan hmanthiam/ siar thiam apawimawh zet.

·        Pathianthu harsa zetzet pawl buaipi rero hnakin, aawlsamnak zawntete kan nunpit ih kan thlun cun aharsazetmi pawl khal cu athuneitu in aṭul atitikah in simsal leh mai ṭheu.

·        Pathianthu ih thusuhnak kan neih tamsawn mipawl hi kan nun tihal ruangah sisawn loin theihnak lamih kan tihal ruangah le kan tlaksam ruangah arak si tlangpi ṭheu.

·        Pathianthu theihtuk hi vanih lawman dawnnak khal asi cuang loih, kan theihsunte kan awihih kan nunpit hin asi sawn.

·        Sual nehtheidaan  awlsambik cu Pathian in tuah ding in timi le tuahlo ding in timi tuah lo thei mai hi asi.

Bawipa’n na siarmi parah athar in lo thlawsuah ko seh.....!!!