Malsawmnak Hrampi si ve Aw!!

• Pathian in Abram hnenah, “Na ram, na miphun le na pa ih inn taanta awla ka lo hmuh dingmi ramah feh aw. Tefa tampi ka lo pe dingih miphun tumpiah an cang ding. Ka lo thluasuah dingih na hmin ka thanter ding, cutin thluasuah mi na si ding.(Genesis 12:'1,2)

• A hmaisabikah tuah ding asim hmaisa, cuṭhehlen thu akam, culen, Abraham cun Pathian thukam aco theinak dingah tuah ding anei hmaisa, cumicu, Pathian in feh dingih atinak hmunah thuawih zetih feh asi. Ciithlahtu  ropitak si dingah thukam hmaisabik Isak ahngah sung caan arei zet, asinan, akamtu arinum ruangah thukam cu ruahsannak thawn athinlungah beidong loin akai hnget asi kha. Cunah mal ka lo sawm ding atimi ah Pathian thlawsuah acemmen lo, ziang si umlai ti silen, nang thluasuahnak hram si hram aw tiin athluncih. 

• Curuangah nang le  kei khal, Bawipa’n taksa le thlarau ah thluasuah in duh, cui thluasuah kan co theinak dingah thuawihnak tangah tuhlutawk dingih kawh kan si. Kan Pathian cun Athuawihtu pawl hmuahhmuah cu thluasuah pek inthiam, kan Pathian cu arinumih, athianghlim fawn, athuawihtu cun ziangruangah athutiam cu kan beisei lo ding!  Abraham khal cu thu aawihih, a ruahnak khal Ahnenih ahngat tikah athukam ahmuh bangtukin kan hmuh hlanlo beidong ding kan si hrimhrim lo, beidong menmen dingah  tukammi kan si lo. 

• Cuimalsawmnak thutiam ngahzotu pawl hrangah cun thupek aum sal lala, cuthupek cu ziangmi asitilen, midang hrang vivo khalih thluasuahnak hrampi si ding hi asi. Pathian in amah zumtu le thuawihtupawl hrangih Athukammi cu beidong men loih ruahsannak thawn thlaraumitin cuan aw! Cuithluasuahnak ruangah midang hrangih “THLUASUAHNAK HRAMPI RAK SI HRAM AW."