#Oliver Cromwell timi pa cu 1599 kum so hrawngah England rampiah avanglai(aṭhat cahvak lai) tak arak si, cui rampi sung ahcun tangka(silver) hmuh ding khal a um cuca nawn lo ruangah, tangka tuah ding an ṭultuk laifang arak si. An ram sungah an hmuhsuntete lakhawm dingin mipi hnenah afial. Arak vang nasa cu a si ding, hlawhsam beidongin an rak tlungsal. An hmuhmi umsun cu an biakinn tumzet Cathedral timi ih mithianghlim pawl zuk(statue) silver ṭhaciin an tuahmi lawng an va hmuh thu an va sim.
#Oiver Cromwell cun, “Mithianghlim zukpawl cu rawhti uhla, tangkai zetih hman dingah zemṭheh siseh” tiin thupek a suah. Mithianghlim pawl ih zukpawl cu an rawhti ṭheh hnuah ṭangkai zetin an rampi cun an hmang ti asi.
#Zumtu nun hi mithianghlim pawl ih (zuk) mawizet pawl thawn tahṭhiam theih kan si. Mawizet ih um ko nain, ṭhathnemnak, ṭangkainak nei lo, rawhti hnu lawngih midang hrang vivo khalah thlasuah, malsawmnak thlentu ropitak kan si ṭheu. Zumtu cun azum Pathian ruangah luangsuak ding kan si laiah, zumtunun luangsuak lo siarcawklo kan um!! Zumtu daikhepkhep, zumtu tongpaṭhat ih ṭhat aat hmuarhmi ih um, zumtu sinak ngaiṭhatpi men kan vatam nasa em!!!
#Note: Athupibikmi le aṭulbikmi pakhat cu: Zumtu kan nun hi aluangsuak ve maw tihi kan mah le nun cio zohsal hnik usih..!!!!
No comments:
Post a Comment