#Nun hi zir atheih nasa. Psychology lamih thuanthu pakhat an rakrel ve ttheumi ahcun India ramah nupinu pakhat cun nausen, pawhte fawk rero lai cu anu in ahlonih cuinaute cu Sihal in asarih, keuthat sianglo cun akua sungah aluhpi, Cui Sihal cu fanonei asi ruangah afale hnenah aretih ahnawiin a cawm. Nikhat cu ankuasung ihsin ahungsuak ih sihal aivek cekciin a aive.
#Nun hi zir arak theih. zohṭhim ding khal khatiih na vun hawiher men khalah na thinlung na ruahnak adikphot asi ahcun na hmuhcih thei (mei) ding. Natum aruh phot asi ahcun mingai, hngohsantlakah na suak thei. Hlanlaiih mirang thufim, “Ahramthok aṭhat ahcun ahrek ṭhehzo tluk asi” culen mirang thufim thotho, ‘Acemnak, kharnak aṭhat ahcun aṭha asi ko’ an tivekin athluncih.
#Curuangah nan caan liamzomi ah khawtlang, kawhhran, sungkua, rualpi lak khalih asezawng hlirih hmin lang ṭheu si khal awla, tuih na neihmi na caan nahman reromi ah aṭhatheibik ih nanun na hmanphot asi ahcun cuvek minung sawn cu kawhhran le khawtlang, innsangtin in kan ṭul leh kan mamawhmi cu asi sawn.
#Naute Sihal nundaan(life style) ih aletawk vekin, Sihal nundaan kha naute nun, nunmawizetah suah atheih ve thotho ti kha, hmailam na caan tanglaimiah thlacamnak thawn, tumruhnak thawn, na zuam asi phot ahcun, mitampi hrangah ṭhuamhnget rinsantlak le zohthimtlak kasi/nasi thei tihi zumtop mai aw! Tumruhnak thawn lawng cun hlawhtlin aharzet, asinan Bawipa rinsanin tumruhnak nei aw, Pathian thlawhsuah cu dongin mi zohso na si ding.
Note: Base on BCM Thalai Entu (Journal)
No comments:
Post a Comment