RUAHNAK DANG

Kum ziangmawzat a liam zo mi ah Ireland khawsaklam ih Presbyterian Kawhhran upa pakhat  cu biasezet in anat ruangah Doctor ko ding cun mi afial hai, cutin Doctor cun t’haten a vun check up fel hnuah, “Kar hnih bak na dam nawn lo ding” tiah asim. Cumi hnu rei lo te ahcun Roman Catholic puithiam ako ter lala ih, cutin Catholic ah alet aw, cucu Pastor in atheih le veten zamrang zet cun a va pan hngal ti asi, “ziangruangah si,? Na damsung tikcu le caan hmuahhmuah deuh thaw in tthahnemngai zet in na rak hmang aw ttheu fawn ziang tin si thil um zia?,  “Doctor cun  kar hnih lawng na dam tlang ding in ti ruangah, Roman Catholic ih ka thih asilen pakhat in an kim lo dingih, asinan Presbyterian pakhat thih hnakin Catholic pakhat thih cu a uium lo sawn ka ti, curuangah ka let aw mai asi” tiin alet.

#NOTE : Mitampi cun, Pathian thawn pehzom awknak taktak nei si loin Kawhhran, apawl ti zawng hi kan ngai thupitter letuk ttheu. Kawhhran neitu Jesuh Khrih hi kan ngai poimawh sawn ih, ahmaisabikah kan ret lawng si loin, kan nun ih aneih ih kan neih ih, kan nunpit ding hi attul sawn mi cu arak si sawn.