Mupi cun khaamsaang taktak parah bu asep ih cunah fate anei ṭheu. Afate an hungtum deuh thlang azamthei thlang ding tiah athlaparah ret tahrat in, vanlamah asaang theipatawpin azam ih culeveten, afate cu athlak, afate cu thlabar le thinkhur, ikik phah rero cing cun zaap awphah in leilam ahcun an vungtla ruiro, asinan leilung an thlen hlanah apicun cak le mangkhengin azam ih avungruun sal ṭheu. Cutin anetnak ahcun anmahten an zamthei, aduhduhnakah zalen zetin rawlthawthaw an hawl thei asi.
ZIR DINGMI:
Kan nih khal Bawipa in Amah kan rinsan theitaktak nak dingah acaan ahcun, natnak simaw, tluan lonak simaw, thinbangnak simaw, tumtahvekin thil feh theilonak simaw, kan sianlobikmi caannak simaw, nun paih lo tiang ko ih beidonnak tivekpawl khal hi kan nun ih thlenter in siang khawp mai, kan mah teih nundaan kan thiamtheinak dingah, cui harsatnak hmun ih tangta ding cun insiangce lo. Harsat kan tonmi pawl hi vanduaibik ah ruatawk dingkan si hrimhrim lo, kan t'hatnakin khua in khansak t'heu. Kan Pathian hi arinumbik, acakbik. Kan ziangkim asi.
No comments:
Post a Comment