Pathian vehvaimi le akut thengtein asersiammi kan si

(A)Sersiamtu a um ti ruat dingin mitampi acawlcangh tertu cu zei dah asi ?

Aliamcia mi kum 3,000 hrawngah khan hlaphuahtu pakhat nihcun: “T’ihnungza le khuahruahhar ngai in sersiam mi kan si,” tiah arak phuah.(Sam 139:14).  Mitampi nihcun kan zumh mi le kan pom mi cu thilnung pawl an muihmel, an chuahkeh ning aphunphun kan zoh, kan hmuh tikah Sersiamtu ruangi avan chuak mi, avan um mi an si ti hi kan pom ning asi.(Sam 139:13-17; Hebru 3:4) kan rel ahcun fiang tein kan theih khawh, kan hmuh khawh.

Van a Sersiamtu le vawlei cungah minung khuasa kho dingin asertu nihcun nunnak zong aserchih fawn. (Sam 39:9) Pathian nihcun  minung pawl hi a kan chawnh tawn i, abia le hla akan vehvai tawn fawn ti cu fiang tein (Isaiah 45:18) ah kan hmuh khawh tthan. Curuangah a sersiam mi thilpawl nihhin aropitnak, asunlawinak an langhter hlei ah  thleidannak zeihmanh um lo tein adawtmi afale kan nunnak ah  kan lenglei theihnak men lawng si loin kan thinlung chung muril teah Athlarau thianghlim zilthlinemte nihcun akan vehvai zungzalnak i Amah cu sersiamtu asi ti kan theihfian khawh nak dingah akan canghvaih tertu cu Thlarau thianghlim lawng si loin mit i hmuh khawh mi a kutchuak, a sersiammi khuaruahhar thilnung pawl nihhin Sersiamtu a umtaktak, amah cu asi taktak, ti cu umawk thei loin kan thinlung i akan tuahtu cu an si. (Note: zeithil poh hi dawtnak mit in kan zoh ahcun an i dawhdih).

(B).Saram lakin sersiam mi kan si maw?

Kan taksa le saram pawl kan chuahkeh ning pungsan pawl ahhin i lawhnak zawntete arak um. Achan pakhat i alang ve mi cu, Pathian nih minung le saram pawl hi hi vawlei cungah khuasa ti dingin a sersiam mi kan rak si ruangah asi. Minung hmaisacem cu saram in sersiam mi si loin, vuidip lakin sersiam mi arak si ti (Genesis 1:24; 2:7) chungah fiangte in kan hmuh khawh.

Minung pawl cu saram lakah kan i thleidannak, kan danglamank cungcuang pahnih a um, cucu van tarlangh ka duh, zeidah asi tiah cun apakhatnak ahcun, “minung pawl nihcun theihkhawh nak, dawtnak thinlung, sersiamtu ttihzahnak ruahnak fimvarte kan nei.” A pahnihnak ahcun, “zungzal nung dingin sersiam mi an si lo caan ah kan nih minung hrangah cun zungtzal nung dingin sersiam mi kan si. Asinain, minung hmaisa cem nih Sersiamtu atthithruai ning, alamhruainak cu a pialtak diaimai  ruangah, a hnawl ruangah mi vialte nihcun thihnak cu kan in huah dih nak chan asi. (Genesis 1:27; 2:15-17) chung kan rel ahcun fiangte kan hmuh khawh. 

Bible nih fiangte in akan chimh mi cu ka caan anai cang ti hmelchunhnak atimi pawl lak i aitel ve mi cu cawnpiaktu maktara pipi, fimthiamnak, nal profet dangdang avan chuak te lai ati mi caan kan phan cuahmah cang. Sersiamtu Pathian i sersiammi kan sinak kawng hmanh tthittha in i cawnpiak huam loin, a olsam zawngin si maw, atanghmasial zawngin  si maw, kan i cawn piak ruangah hin, mitampi cu sersiamtu hi akan sersiamtu taktak asi tiin zumhngamhnak hmanh nei kho ti loin, lunghrinnak in akhat mi tor le cheng kan um cang. Curuangah cawnpiaktu lak hin kan i ralrin ngaingai a herh. Anih cu danglam le khuaruahhar maksak, sunglawi ngaiin a kan sersiamtu kan Pathian asi tihi lunghrinh nak pelte hmanh um loin Attangnemte ah dinh khawh ciao i zuam hna usih.