Nikhat cu an nupa in an thawh le cangka bakin biael in caa hmanhram an i thok colh ti si......
Pasal : Chunnitlak in Inn ah na um sawhsawh. Na rianttuan mi zeihmanh hmuh ding a um ttung lo.. Na thathutuk. Rian na van ttuan ve chunah hin na muangcang lawng si loin na taw arittuk. Caan alakka in na liamter viar.
Nupi : (Hmurseh bu cun) Thaizing thokin nangmah innah um law, keinih lo leiah rian ka ttuan ve thung la. Innchungkhar thilri cephnep pawl hi nangmah nih rak ttuan vair tiah an pa cu a hei ti.
Pasal : Aw aw aw..!!!situk situk va ttuan va ttuan..!! hmer nawn khin an nu cu a hei leh. An pa nihcun na rainttuan mi cu ka rak ttuan viar la tiah avan leh...
Nupi : Cawhnuk rak sur. Arrawl rak pe. Vokrawl rak pe. rawl rak chum fawn. Bung le bel zong rak khawlh viar. Inn zong rak phiak dih, ttuang zong rak taih dih. Kai khawlhnak ding ti zong rak ka lumpiak fawn....
Nikhat arauh hnuah...
An nu lo akal kar chungah cun cawhnuk cu arak sawr i, an cawpi nihcun a calah vanchiatah aperh kherkher ai.!!. Vokrawl pek hram a van i thok tthan aculak lai ahcun vokinn saknak thingbul hleifuang mi aichuih hoi. An inn tang ah Arrawl pe dingin ava kal i, a arrawl bik a philh diam hoi. Zial(ttuang) ataihnak ah a kawng aiherh sual. Rawl cu avan chumhchuan ve nacun, eitlak ah achuah hoi lo. A kawng aiherh sual ruangah an nu vantlun tik i aikhawlhnak ding ti zong alum kho ti lo. Atiawk theih lo tukah ihkhun ah a it top ti si. Zaanlei ahcun an nu cu lokalnak in a van tlung....
Pasal : Kan nu, Inn lei rian hi olai te arak si rua tiah ka rak ruah tawn le arak si ziar lo tihi atubakin ka theihfaing. Lo rianttuannak in anuamh deuhnak le a oldeuhnak a um hrimhrim lo. Na phaktawk te i inn lei rian na rak ttuan tawn mi le na rak zohkhenh mipawl hi ka rak hmu thiam tawn lo, tu ahcun ka theihthiam khawh cang. Na tha arakdituk tawn tihi tuhin cun kan theihthiam tuk cang. Tuhnu cun zeitik hmanhah kan sawisel ti hrimhrim lai lo tiah an pa nih an sinah cun a chim ti asi. Kan nu, na tel lo cun kan innchungkhar hi zeihmanh lo men kan rak si, tiin a mithlihalbu cungin an nucu hngetbur cun a vanpom i avan cawi ti asi...
* Na nupi/na pasal nih aphak tawkte i arainttuan mi siseh, atuahsermi kha sawisel piak siang loin lawmhpiak khawh peng tu kha i zuam law, cuticun nan nupa pehtlaihnak a hnget chinchin lai i, lunglawmhnak in nan khat chinchin lawng si loin nupa lungrual le zohtthimhtlak nupa, Bawipa thlawchuah mi nupa nan van si kho lai.Cuticun innchungkhar lungrual mi chungkhar, ttangrual mi chungkhar kan van si kho chin lengmang lai tinak asi*
(Midang na sawisel lengmang hna asi ahcun zaangfahnak caan le dawtnak caan na nei manh lai lo- Mother Teresa)
No comments:
Post a Comment