Jeremiah 17:11 chung van zohhna usih.
"Dinlonak in chawva anei luaimai mi cu Amh ti asi lomi ti abu chungiah atlumhmi vaking bantuk asi, A chan ttim hlanah achawva cu akaltak ko hna lai i, A donghnak ah cun mihrut asi kha amah nih alanghter ko lai."
Vaking nihhin amah ti silo mi zong hi atlumh ve tawn ko rua, Bible caa chungah kan hmuh khawh, a vankeuh i,amah fa ngaingai si loin vadang ti si maw, rulti zong arak si kho men ko, amah fataktak asi lo hmanh ah a rak tlumh lio ahcun dawtnak thinlung taktak in rak tlumh ko hmanhsehlaw, anvan tthan lian chin lengmang tikah cun an nunning umtuzia, an nunphung, an khuasakning an in lawhkhawh ti lo caah pakhat tete in anmah le nun phun, an lam cioah an zamtak diam ko. Hi Thangtthabia hi tulio kan chan, kan dinhmun he aipehtlai ngaiin ka hmuh, tthate in atharin ahopoh zong nih cawng tthan kho hna usihlaw, zeitluk khin dek ava tthat hringhran hnga dah??? Tu kan chan kan kiang le kap cio hi vanzoh hna hmanh usih, vawlei chaw le va duhhakkauhnak neih le chiah le rum ah hehtiah tlik kan i zuam hna!! kan hlawknak ding asiphawt ahhin cun, kan tangka hmuhnak ding asimi lam hi ahman maw?? adik mi lam asi maw?? Pathian duhzawng asi maw si lo, tizong aruatin kan ruat kho hrim ti lo, kan leitaksa diriamh hi kan i za!! Acubetah kan mah le kan mah kan vai hnemh kho rih, mahtham cu mizong nih an tuah cio hme asi ko cu tiin kan van chimkhawh rih, nangteh zumtu cubantuk Jesuh hnungzultu na si maw??
Kuttling lo i tangka lak ka van titikah (Pathian hmaiah adik lo zawngi tangka lakluh/hmuh/don..tbk).Kuttling loin tangka lakluh/ don/ hmuh ruangah nunnuam deuh siseh, mirum siseh, inn le lo tthattha neitu sihmanhhnasehlaw, an fale nunah mah le ti taktak asilo mi an tlumhnak pawl cu a van lawng tthan thotho, an dik lonak, an sualnak pawl vialte zong cu an nunchungah a valangh lo asihmanhah an fale nunchungah simaw, chanchungah si maw alang tthiamtthiam ko, Bawipa hmaiah zeihmanh hi thukhawhmi a um loh!!! Adonghnak ah kan van theihtthan dingi ka chimduhmi pakhat cu cubantuk in vaking nih a mah ti lo a tlumh ruangi akeuh mi ka fale pawl tiin anunnak bantukin a zoh mi hna nihcun lodiam an zamtak ko, cubantukin kan nih zumtu zong Bawipa hmaiah hin mah ti lo na tlumh sual maw??
Vaking bantukin Bawipa hmaiah hman tein na hmuh nak ding asimi thlawchuah,laksawng tangka lakin na ti asi lomi hakkauhnak ti na tlumhsual asi ahcun na chungchuak na thlawhchuah donmi na tefa pawlnih vaking bantukin an in ttiotak ni aphan ve te lai!!!! Zeitluk in dah na fale nih in ttiotak hnasehlaw zeitluk khin dah na lung afah hnga?? Lungfahtuk ruangah hruhtiang hmanhmaw kan hei hruh khaw fawn!!! Zeitluk hmanh in kuttling loin mirum va si ko hmanh usihlaw, chungkhar nuam cu zeitik hmanhah an nei kho lai lo. Maw zumtu nangmah ti lo na tlumh sual maw tihi kan nun van i zohtthan hna usih!! Kuttling loin mirum a va ttihnung hringhran dah!! Kuttling lova hausak a hlauhawm hle mai !!! Bawipa nih in thlawchuah ko hna seh...
No comments:
Post a Comment