A THU HI KAN NEHNAK ASI

Bawipa Jesu turforhnak tampi aton mi lak ihsin pakhat tein kan vun zoh duak hai pei uh. Cule ziang mi si pei kan nunnak thawn pehzom awknak aneih mi, atumtah mi?

 Bawipa JESU cu a nunnak ih tukforhnak arak thlen tikah ka tithei, ka tuah thei tiin Amah thiamnak, amah fimnak, athemthiamnak ah a hngat aw lo, asinan Bible thunung, bible caang hmangin Setan cu buai curco in a tuah, kan nih khal kan nunih turhforh nak arak thlen tikah kan mai theihnak men si maw, mah phur zawng, mah ngaidaan kan thlun, kan tuah ttheu nak pawl ruangah hlawhsam nak hawrkuam sung tiangin kan duh maw duhlo si maw, in hruailut ttheu, beidonnak tawpik tiangin, in thlenter ttheu. Bawipa thunung sawnin neh tum usih, Bible siar hi a va thupi em!! A thuah nehnak a um asi!! Bible khal siar men loin atheih ih theihfiang khal kan zuam a ttul. Cuti asilen Athu hmangin tukforhnak kan  neh thei ding, 

Setan khal a muallpho hrimhrim ding, kan tikcu caan pe ih Amailam zohih Athu kan siar le veten kan ralpa Setan umngaihnak thei loin atal hruthro  tihi thei ringring aw. Tuni tiang nanun nakah tukforhnak neh thei loin na nun, na hmang ringring lai pang maw? Setan ih thikthawp in A lo sersiamtu Bawipai thu siarnak ding hrangah na tikcu caan ziang tin na pek ve ttheu?? Athu siarnak caan khal nei man lo khawp in kan buaituk pang maw?? Cutikhawp ih buaitu kan si pang ahcun mi zaangfak umbik kan si ti hi kan theih attul. Pathian in na hrangah caan ka lo pek thei ve nawn lo, in titthutthi bangta sehla maw, ziangtin kan um ding?? Vansaang lamin kan ai rero lo bak ziang hman tithei kan nei zik lo.  Kan nunnak ding sum le pai hrangah kan buaituk pang maw?? Athu siartam awla lungawinak thuthup an sar bakah sual nehnak na cotu na si thei vivo ding--!!!! Bawipa sunglawi sinseh.....

THLARAU SUALPAWL NIH KAN THINLUNG AN RAK LUAH NING (BY WATCHMAN NEE)

1.THINLUNG SIAMTHAT- Mi nih athlarau pianthar hnuah  zongah athinlung cu siamtthat asi lo sual asi ahcun thlarausual pawl rinattuannak ah ramkaupi a cheuh hna tinak asi. Zumtu tampi nih an sual an i chir lio ah khan an thinlung cu an i thleng asi zongah an thinlung mit Setan nih an thlaraumit siseh, arak ttemtawnnak vialte hna cu voi leh khat ah a varthlu ve colh cuang lo, a khawimaw kilkawm te ahcun a muihnak te cu a rak um tthiamtthiam rih tawn. Hibantuk kilkawm muihnak te hi, thlarau sualpawl an raktomkhawnnak hmun an rak si, tu ahhin theihkhawh chung humhalh si ko hmnahsehlaw adihlak cun voilehkhat ah arak var thlu cawlh kho ve lo caah mit  i hmuhkhawh lomi thlarau sualpawl hrangah ttanhmun khuarnak hmunhnget asi tthiamtthiam kho rih ti hi akn theih a hau. 

Setan ralkap rualpawl nihcun thilthuh hi an i olhsamtuk. Cun Zumtu cu tisami asi chung cu amah ruahning le thinlung milzawng a phunphun si maw, aruahnak ah athlitein heh tiah an rak thunpiak khawh zungzal tawn tihi kan thieh tthan ding mi ah le kan i ralrin ding thil cu asi fawn. Hibantuk thinlung siamthar silo mi hi, an rianttuannak hmun tthabik asi zungzal tihi theiin thlarausual pawl nihcun zumtupawl cu mawlmang nawn in an umkhawh nak hnga le an thinlung an siamtharnak cang an thiam lonak dingah an fimnak, an theihnak, an thiamthil thawhkhawm in, zumtu nifatin tein hehtiah phialral nak a hawl zungzal. Cubantuk lamdang i ai hnawihhnamtu, sual hrangah lamkiantu hi zumtu lak ahhin kan tamtuk hringhran. 

2.THINLUNG MUMAL LO- Pathian fa nihcun athinlung ah sual aruah phawt asi thinlung si maw,  sual aruahnak a camter chung phawt cun si maw, athinlung cu Setan pawl hrangah ahmanter, ahlanter si maw, zumtu thinlung cu mumal lo le vak cupcap in ruahnak tthitha zong nei loin si maw, ruah bal lomi thilmak pipi nihcun cu minung thinlung ahcun thlarausual pawl nihcun rian hehtiah rian an ttuan pehzulh cuahmah tinak asi ko. Achan cu zeibantuk sual poh hi thlaruasual, chia rianttuannak in a chuam mi an si.

Setan pawl nihcun zumtu thinlungah ruahnak thianghlim lo, caponak, zaangfahnak tel lo, fel lonak phunphun athli tein kan nunnak avan thun zungzal tawn tihi kan theih a herh. Hivialte hi zumtu nihcun arak pomsual asi ahcun cu zumtu thinlung chungah cun Setan nih bu akhuar khawh colh tihi kan theih ding mi asi fawn. Cuticun kan ralpawl thlaruasual pawl nihcun a kan khamhtu Pathian dodal in, cawmpiaknak sual a phunphun in dehnak in, an thinlung ahcun THINLUNG MUMAL lo dingin tur(poison) phulh in kan nun hrawh hi ai timhcem mi cu asi.

3.PATHIAN BIATAK THEIHTHIAM LONAK- Zumtu tampi cu Jesuh Khrih he arual i thih timi umzia le A thawhtthannak umzia pawl siseh Thlarauthianghlim cawlcanghnak  le thildang tampi an theih lonak ruangah cun an thinlung chungah biatak cungcang zumhnak dik lo/hman lo zumtu thinlung chungah aneihter. Mah cu hmun zawnte ahcun remcannak la in, Pathian baktak an theihfian lo ruangah pom ning dik lo/hman lo an neih mi bantuk pawl cu, thlarau sual pawl nihcun an thinlungah avan chilhkhah chinchin hna. Zumtu theihthiam lonak he ai remzawngin an cawlcang zungzal tawn. Cubantuk zumtupawl nihcun an theihthiam lonak cu remcangah lain thlarau sual pawl nihcun an nun hmangin heh tiah an nun adehnak hna, aduhduh in a herhkawi hna ti theithiam loin Pathian lei in an hmuh mi an don mi ah lungsi ngaingai in an pom, an i ruahtawn.

4.RAWTNAK  HMAN LO- Zumtu thinlungah a bikin amah dinhmun le a van ralai dingmi hrangah khuaruah nak Setan  nihhin RAWT nak sual phunphun hi an thinlung chungah siseh an ruahnak chungah an thun tawn. Cubantuk zumtu sin ahcun a caan ralai dingmi thil ah siseh, zeibantuk mi dah an si lai tibantuk ah cucu kha kha, na si lai te lai heitibantuk hmailei thil rakchim chung, ahman mi thil chim le phuan chuah hi thlarausual pawl nih an huam zawng thil pawl an mission biapituk pawl lak i aitel mi cu an si. Curuangah cun zumtu nih cupawl cu an rak hnawl lemlo asiah si maw, direct i arak pomcolh le bang ahcun an thil RAWT mipawl tlinter dingah thlarausual pawl nihcun remcang an hmuh cang tiank asi.

A caancaan ahcun kan ralpa Setan nihcun Zumtu taksa cungcangah abikin aderthawmnak le adamlonak cungcangah siseh ahlankan tein avanchimh ve        tawn hna (fore-told). Hibantuk hi chia le ttha theihnak cak lemlo zumtu nihcun a pom sual asi ahcun dam loin cahlonak ah zual chinchinnak zawngah a hman khawh fawn, Dam lo taktak ah amah le mah lungring a um tawn fawn. Vawilei fimnak hmangtu pawl nihcun cubantuk damlonak cu thinlung zawtnak ah an puh bik tawn, asinain thlaraulam theihnak a neitu pawl nihcun cubantuk zawtnak cu thlarausual pawl RAWT nak sual pom ruangah rak i sermi, rak corhchuak mi asi cu an theih khawh tawn.

Taksa zawtnak pangai bantuk i, ruah le thinlung zawtnak pangai bantuk i ruah mi lak ahhin, zeizattak hi hibantuk thlarausual rianttuan hi va um hnga?? Zumtu nih hibantuk ruahnak thlarausual pawl rianttuannak hi a hnawl sian lo sual asi ahcun an rianttuannak ah hmunremcang a pek hna, akianh hna tinak asi ko..!!

5.THINLUNG LAWNG CU(empty heart)- Pathian nih minung cu thinlung ruahnak hmanding nei dingin A kan tuah. Pathian nih Abia cu thinlung i theithiam dingin a kan duh lawng si loin, cuka hmun cun phurnak, duhnak le thlarau tiangin a fanchuak ding hi asi. Thinlung harfim cu thlarausual pawl rianttuan dodaltu an si. Thlarausual lungkhong pawl nih an i timhmi pakhat cu minung thinlung, alawng, aruak i umter khawh cu asi. Thinlung ruak cu ruahnak nei lo, zeihmanh aluahtu um lo cu asi.

Kan ralpa Setan thiltikhawhnak nihcun thinlung cu zeihmanh ruah loin alawng i umter i zuam in dehnak le hramhram in sualtuah duhnak thinlung nei dingin akan hnek tawn. Athinlung alawn pawt asi ahcun aruah kho lo, aruahnak aidin ti an rak theih ziar. Zumtu theihnak le thilruah huamnak pawl cu dinhter i, anmah thlaruasual pawl cawnpiaknak pawl cu zeihmanh thlachiat ruat loin an thinlung an ruahnak ahcun thunkhawh khawh cu an thazaang, an cahnak vialte sawrkhawmin an i zuam tawn.

Zumtu nihcun athinlung cu lungthotein vikvat tein a tuah zuangzal awk asi i, cubantuk tuahsernak cun thlarausual pawl rianttuannak an i timhnak pawl cu umthiam loin arak tuahtik hna tikah cun sualrianttuan nak pawl nihcun kan nunah an duhbantuk le an timhning bantuk in rian an rak ttuan kho tawn lo hi arak si. Kan thinlung, kan taksa zawng hi taksa thlarau lei he kan rak i sawizawi zungzal hi arak pawimawh tuk hringhran. Zumtu thinlung cu aum danding thipthlap tein a um hnu lawngah hibantuk sual thlaraupawl RAWT nak phunphun pawl le hi vawlei daan bantukin i larnak  thil phunphun i an isercawp  mipawl cu a theihthiam khawh lai i, cupawl an van chuahnak setset pawl cu hmuhhram a van thok ve lai. Thinlung lawng belte nihcun sualhrangah kutka a onhpiak tawn hna. Thinlung ruakin i larnak thil siseh ruahnak aphunphun a dawnmi vialte cu thlarausual lakin ara mi asi deuh tlangpi tawn. Zumtu nihcun zeitik caan zongah aruahnak thinlung ahman lo poh ahcun hibantuk thlarausual pawl nihhin athinlung cu an duhning poh i, herhkawi, hman an caktuk ning hi, atheihthiam khawh lai..!!!

6.THINLUNG  DIIN- Thinlung diin le thinlung lawng tihi an karlak ai hlattuk lemrua loh tiah ka ruah. Tihin van chim usih law, thinlung lawng ti umzia cu thinlung hman lo chimnak asi lio ah thinlung diin ti umzia cu lenglei in thinlung van hmangtu chimnak asi deuh bik. Dinn ti umzia cu fiang deuh lawlaw in kan mah ttuanchuah i timh lo, midang nih an ttuanchuah lawng hngah khi asi. Thinlung dinhnak nihcun minung cu (SEH) bantukah canter in, zeitikhmanhah a cawlhcanghter bal lo. Thinlung mui nihcun zeidah atuah ti le, khuazeilei dah a panh zong athei lo caah dehnak zong a oltuk caah, thinlung aidiin mi phei lebang nihcun theihnak zeihmanh aneih lo ruangah sualthlarau nihcun dohnuam an rak tit awn. A hopoh nih athinlung cu ruahnak, thilruahnak pawl le duhthimnak lakah dinhter asian i, a nunning le athilti ning pawl cu Bible he ai mil maw mil lo dah tiruahnak a dinhtak sual ahcun athinlung cu Setan ngamh ding le um dingin a sawm tinak asi bik. 

Pathian mi tampi nihcun Thlanrau Thianghlim hruainak lawng cu zulh an duh ruangah Pathian sin in arami asi tiin an theihmi an ruahnak phunphun pawl cu Bible he ai mil maw mil lo ti zohta cu herh an ti tawn ti lo hihi a pawituk mi asi. Anruahnak men cun thlarau lamhruainak i um cu mah lei i dinh hmak i, thinlung i vun langmi pohpoh cu hnawl lo i zulhthlu cu an i tim tawn, an i timhbik zong cu asi tawn. Abikin thlacam lioah a thinlung i a hung langmi pohpoh cu an zulh vem tawn, curuangah thlacam lio le ahnu tiangin an thinlung cu an dinhter hmak tawn. Pathian thinlung cu dongsong kho dingin anmah ah thinlung le ruahnak cu an dinhter thai tawn.

Mahinih a chuahter mi atheitlai cu thinlung khauh, luhlulnak, ruahnak hmang loin nunning danglam pipi lamzawh cu arak sitawn.

Pathian nih kan thinlung cu din loin thinlung ruahnak harhvang tein, lungtho tein Amah cu kan rianh khawh le A hnung kan zulh cu a kanduh. Mitampi nihcun Pathian thinlung nei dingah an thinlung cu dinhter an rak i tim tawn. Anmah thengte nih an thinlung cu hmang loin an chiah lioah Pathian zong nih a van hmangbik ve hlei lai lo ti cu an thei fawn ttung loh, Pathian nih Athinlung cu an thinlung chungah avan chia lai lo ti le athei ziar hoi fawn ttung loh.

Pathian nawl ahcun minung nih amah sinak pimpuluk cu amahduhnak hmangin a kilven lai i, cukaah cun (Pathian) cu alungrualpi awk asi ti hi asi. Pathian nihcun ai larnak cu minung nih (SEH) bantukin rak dongsong dingin zeitikhmanh ah a duh bal lo. Amah thinlung bantuk cu nei ve kho dingin akan duh. Asinain Setan belte nihcun cuciah cu aduhzawng ciah arak si ziar ve. Thinlung ai diin zungzal mi cu sual setan thlarau lawmtu kan si ti hi kan theih attha, thilung diin kan titik ah thlaraunun leiah hmasawnnak si maw, tthanchonak lei siseh aruah in ruah huam lonak phunphai etc--- a chan cu Pathian mipawl thinlung aidinh peng nak achan tampi lak i atlangpi pakhat cu kan mah ttanghmasialtuk nak lawnglawngin kan nun akhah caah le rianttuannak hmun remcang lawnglawngin kan nun kan hnawhkhah. Kan chilh caah hin arak si tlang pi tawn. Sual thlarua pawl nih a luahduh zawng, thinlung ruahnak ai diin mi le ruahnak athimmi kan si sual maw?? Kan nun cio hi van i zohtthan hna usih.

AREMCAAN NINGIN KA VAN LEH MI ASI...TLAMTLIN LONAK TAMPI UM LAI TI ZONG KA ZUMH, RELTU NAN DIHLAK CUNGAH NAN THEIHTHIAMNAK KAN HAL FAWN HNA.

PATHIAN HI HO DAH A SI???

A hodah Pathian cu asi tiin biahal nak van tuah si law, alehnak cu hihi ansi...!!! Sam chungah cun anih cu akan khaltu asi. Phungthlukbia le phungchimtu chungah cun anih cu kan fimnak asi. Solomon ttahhla chungah cun anih cu dawttu le moneitu asi. Isaiah chungah cun Anih cu remdaihnak Bawi asi. Jerimiah chungah cun kan thianhlimnak, kan felnak asi. 

New Testament lei kan vun zoh tthan asi ahcun thawngtthabia Mathai chungah cun A nih cu Mesiah asi. Thawngtthabia Mark chungah cun Anih cun thil ropi sunglawi tuahtu asi. Luke thawngttha chungah cun Anih cu Pathian Fapa asi. John thawngttha chungah cun Pathian Fapa asi. Lamkaltu cauk chungah cun Anih cu ThlarauThianghlim asi. Rome cakuat chungah cun Anih cu a kan dintertu asi. Cun Korin cakuat 1 nak le 2 nak chungah cun Anih cu Thlarauthianghlim laksawng asi. Galatian chungah cun Anih dan bawhchiatnak lak in a kan khamhtu asi. Ephisa chungah cun Anih cu hmuhkhawh lomi rumnak in akhatmi Pathian asi. Pilipi cakuat chungah cun kan zeizong kan herhmi vialte akan petu Pathian asi.

Kolasa chungah cun Anih cu Pathian cungnunbik asi. Thesolonika cakuat 1,2 chungah cun Anih cu arauh hlan i aralai dingmi kan  Siangpahrang cu asi. Timothi cakuat 1,2 nak chungah cun  Anih cu minung le Pathian karlak ah remnak akan serpiaktu asi. Titus cakuat chungah cun Anih cu zumh awk tlak kan Pastor asi. Filimon cakuat chungah cun Anih cu kan unau nak le hmanh in anai deuhmi kan hawikom tthabik asi. Tlawnpal a um rih a ho dah asi tthan tiah na zumh- vun zoh tthan u sih. Aho hidah kan biak PATHIAN hi asi hnga??? Hebru cakuat chungah cun anih Anih cu zungzal hrangah thisen he biakamthar a kan tuahpiaktu Pathian asi. 

James cakuat chungah cun Anih cu taksa leiah zumhnak he thlacamnak in dam lo pawl damtertu Pathian asi. Piter cakuat 1,2 nak ahcun zeitindah kan hmuh tiah cun Anih cu akan khaltu tthabik, sunlawinak suiluchin le ropit thangtthatnak he aralai ding mi cu asi. John cakuat 1,2,3 chungah cun Anih cu dawtnak asi. Jude chungah cun Anih cu A mithianghlim 10,000 pawl he aralai dingmi Pathian cu asi. Biathlam chungah cun Anih Pathian pawl Pathian, Bawi vialte lak i Bawibik cu asi. Our God is a awesome GOD.

JESU KO LOHLI TTHEU AW

Jesu le aduhdawt zet leh alainat zetmi a dungthluntu pawl cu Galili tipi parah lawngin anfeh rero laifang te ahcun thlipi, thlisia nasazet in a hung hrang ciamco, cutik ah adungthluntu pawl cu mangbang, vansang,thinpit in an um, an ai, an rak ciamco. Voitampi Jesu in mangbangza a thiltuah mi, a hmudahtu khal an si ko nan, mangbangnak sumziingpi an tlun ih a hung thlen ngaingai tik ahcun an zam riai aw!!! Thih phannak in an nun a molh ttheh. Mah le mah runsuak aw dingin theih palingkhawh ih an neih thazaang hmuahhmuah an sawrkhawm hnu ah le an beidong neknek hnuah JESU an vun au ttento sal asi cu, culeveten Jesu cun an nun ih an ttulmi taktak hnangamnak cu a tuahsak hai asi.

Cuvek cekci kan si, kan nih khal kan nunah kan zum le ruah khal ka ruahban dah lomi harsatnak sumzingpi arak thlentik ah na cahnak ih sutkian, neh na tumpang sual asi ahcun, arei hlanah na bei adong cih mai ding, asilo len keimah timi thinlung kan neih mi hin alet in in tuarter ttheu ti kan theih attul, curuangah kan harsat hi kan mahte'n relfel tum ttheu hlah usih, Bawipa Jesu sawn hi ko lohlo nangcang thiamtu si hi zuam sawn u sih. A nih cu kan ttihnak hmunah raltthatnak nun in pe theitu le thin hnangamte, lungawi tein in ret theitu asi hlei ah kan hlawhsam nak hmun ih in hlawhtlinter saltu khal a mah tthiamtthiam a rak si. Curuangah Bawipa sawn hi pan lohli ttheu u sih. Bawipa in A thutawite hmangin lo thlawsuah hramseh.

HLAWHCHAMNAK HMUN IN HLAWHTLINNAK HLEIHLAK VAN KAI KHAWHNAK PA(7)

1. Na hlawhchamnak pawl cu hlawhtlinak hmanruaah Pathiannih a van canter khawh ti hi zumh khawh i zuam.

2. Cahnak tampi na neirih tizawngin nangmah le nangmah kha  i hmuh khawh i zuam zungzal. Na thil tikhawhnak cu airawk rihlo, thazaang na nei rih tikha thei zungzal.

3. A ttha zawng hlirin thil ruahkhawh(mind scope) neih khawh i zuam law, abikin a hnuaihnung cem dinhmun i na um lio caan ah, a ttha zawngin thlil cuanh ning thiamkhawh i zuam.Na hlawhcham hmun thengte ahkhan na hlawhtlinnak dingah thil pawimawh an si kho ti kha thei zungzal khawh i zuam.

4. Na cung i thil a phan mi le thil dangdang a phan mipawl nak khan nangmah kha na lian deuh ti kha nangmah le nangmah na thinlung patling takin, thazaang i pek khawh i zuam zungzaal tawn.

5. Ttihin zeitik hmanhah zam i tim hlah. Pathian ttanla ttiin na ttihnak vialte cu hmaichon khawh zungzal i zuam. Anih nihcun zumhnak an pek lai i, zumhnak cu ttihnak nak cun alian deuh,a tthawng deuh fawn.

6. Thil lianngan, thil sunglawi pipi hal thlacam zungzal tawn law, fekte in zumhkhawh zong i zuam, na ruahnak zong nih thil ropipi ruahkhawh i zuam ve seh.

7. Midang hrangah mi ttangkai, mi thlawchuak si khawh i zuam zungzal tawn, cuticun hawi na vanngah lai i, na hawi le zong nihcun na hlawhchamnak pawl cu hlawhtlinnak hleihlak ah cang dingin an van ttawiaem colh ko lai.

PATHIAN NAWLNGAIH HI AHRAMTHOK CU ASI

Miburpi nihcun Jesuh Khrih cu an zulh tikah, hi tikam zongah hin miburpi cu an tthu celcul len ko rua hna. Jesuh Khrih zong nihcun lawngcungin Pathian biathiang cu a cawnpiak len hna. Lawng neitupa Simon zong nih  hin Pathianbia ngaiin voi zetzat dek khi maw a rak ngai ve cang hnga ti khi si. Jesuh Khrih nih bia a chim hnu i, “Ti thuhnak leiah na sur kha hei chep,” tiah a van titik ahkhan Jesuh biachim mi kha elci ah a ruat lo a si lai dah, Pathianbia cu zumh ding asizia a theih caah, “ Na nawl in sur cu kan van chep tthan lai” ti ah a van ti. Abia or anawl angaih nak ruang ahcun hlawtlinnak ropituk mi cu an hmuh. Kan nih hi Khristian tiin kan i chal nain Pathianbia le, ngai or A nawl zulh le  kan i tim fawn ttung loh, mahnihhin, kan ram tiangnih a chiatphah hleiah kan nun tiangin kan tuarphah hial hi a rak si lo maw? Pathian nih nawl a kan pek cu kan theih cang, asinain kan ngaihsam tuk lawmmam deuh hi arak si lo maw? Peter nih hin cun, Pathianbia atheih tik ah a cu e, kha e  tiin zeihmanh chim lo tein, Abia angaih bantuk te hin, Pathian nih akan pek mi nawl siseh, bia akan taantamipawl hi, ngaiin, zul usih law, Pathian thlawchuah cu kan rak don ding khi arak si ziar ko, hihi a thar in thei tthan in Anawl zulh te hi, i zuam cio dingah Bawi Khrih min kan sawm tthan hna. Bawipa nih A biathiang hmangin  in thlawchuah tthan ko seh. AMEN.

VANLEI PROGRAME:

Jesuh sinah Lazaras damlo thawng an thanh, sihmanhsehlaw adam lo ti atheih buin nihnih a camchap Johan 11:6...

A MAKTUK AI!!  a dam lo ti atheihbu ko zongah nihnih a va cam chap rih ti kan hmuh. Mah hi zawnah afaingtuk mi pakhat cu zeidah asi ti ahcun dam lo damter lawng hi Jesuh Khrih nih aitinh mi asi lo ti hi asi.

Awle asi ahcun, na dam lo i thla na cam, asinain na thlacamnak aphi(result) le na hmu fawn lo, na buai ve tawn asi lo maw??? Bawipa nih aka daw lo le asi lai heitibantuk maw, ka zawn aka ruahpiak duh lo le asi lai heitibantuk maw, kan ruahnak akip le akawi ah arak vak len kho ko, asinain kan Bawipa nih khan Lazaras a dawttuk ko asinain adam lo thawng atheih bu in, nihnih ahlei in a umnak hmunah va panh loin a um ti kan hmuh, kan theih. Duhning kan nei cio tawn, asinain Bawipa Prpgrame a rak i dang diam tawn tihi kan theih a herh. Bawi Jesuh kha um sehlaw Lazaras damlo i um mi kha adam hrimhrim lai ti zumhnak nei in, Marthi le pawl kha rak buai len ko hmanhhnasehlaw, Bawipa Jesuh kutcak i langh dingin, van lei programe arak si ziar rih lo.

Van lei programe si ttung lo ahhin, vanlei hawih in kan mah

ruahning in heh tiah kan rak i nawrsek tawn ttheu, mah hihi kan tuah lo ding i kan theih ding mi thil an si.  John 11:11 ah zeitin dah kan hmuh ti ahcun JESUH nih Lazaras aa hngilh, thawter dingin ka kal lai tiin a zultupawl sinah a chim hna. A damlo lio ah a umnak hmunah ai um i, athihhnu hnu lawngah Lazaras cu a va panh. Amah Jesuh nih cang 15 chungah cun, {cuka hmun i ka um lo cu kan lawmhpi hna, nan zumh khawhnak caah tiah a van chimh chin lehlam hna. Lazaras damlo nak hmun i a um lo kha Jesuh nih nuam arak ti deuh khi arak si deuh, Mary le Marthi nih Lazaras damlo ruangah Jesuh an auh khawh lo lio caan ah, damlo thihnak nak nihcun Jesuh a van auh khawh. Bawipa hika ahhin nang um law cu, kanu ttapa hi a thi hnga lo ding nain tiin Marthi cu a ttap, damlo damter dingah Jesuh cu a herh, a duh, Asinain Jesuh nihcun damlo thih caan kha a hngak hoi fawn.

Damlo damter nakin a thukdeuh mi  van lei programme cu an raktheithiam kho hrim lo, John 11:25 chung i kan zoh asi ahcun vanlei programme asi zia fiangtuk in kan theih khawh, kan hmuh khawh, “Kei hi thawhtthannak le nunnak cu ka si” tiin Jesuh nih a chim. Pathian sunlawinak lang ding cun damlo cu athih arak herh tinak asi. Damlo damnak pek aiin a sunglawi deuhmi thawhtthannak le nunnak hmang cun Marthi lepawl an ngaihchiatnak, an lungfahnak, an aihramnak pawl  cu damter an rak si diam ai. Marthi lepawl nihcun Lazaras damlo damnak dingah Jesuh an herh ti kan hmuh, adamter khawh tizong an zumh asinain a thi cangmi thawhtthannak belte an rak zum kho ziar lo, kan damlonak damter dingah Bawipa kan herh, kan harsatnak hmun le kan retheihnak hmunah thawhtthannak thiltikhawh zia hi kan rak zum in kan rak ruat ban kho hrim tawn loh. Kaazawn te ahhin thlacam nak he theihthiam khawh i zuam hna u sih.

Kan harsatnak le kan buainak bawmtu dingah Bawipa cu kan herh, kan auh tawn, asinain Lazaras a van thibak i, thawhtthannak hmangin a sunlawinak cu tarchuah i a van umbantuk te khan, kan nih zong hi kan nunah tuar khawh lo tiang ding i kan ruah mi, thil harsa kan timi, ngaihchiatnak, lungretheihnak, aphunphun zong asi ko hnga, asinain cu vialte an mualpho nak hmun ah Pathian hi a van i lar tawn, parchuah hram a van i thokka te hi a sitawn. Kan duhmi le Kan herhmi Asinah kan halmi vialte dong thlu ding le hmuh thlu dingin kan i tim, kan i ruah tawn hi cu, a va hruhthlaktuk hringhran, thihnak cu thawhtthan nih a teibantuk in Pathian sunparnak kan hmuh khawh nak ding ahcun kan mah kan nun i, kan Lazaras hi kher hi, arak thih hmaisat hi arak hau tawn.

Na damlo ti kha Jesuh nih a thei lo asi lo, harsat, lungretheih, na cungah aphan tikha a thei lo asi lo, an philh zong asi hlei lo, asinain kha vilate cung i, Bawipa sinah kan beiseinak thinlung kha, beiseinak dik lo asi ruangah, vanlei programe arak si ttheu tawn lo.Na thlacam nak kha Bawipa nih a thei lo asi lo, na nunnak te i, na theih lomi te kha pei, Bawipa nih ai timh tawn mi cu asi tihi thei tthan hna usih, culawng  si loin kan mah le kan mah, kan Lazaras hi a thihhmaisat zungzal i, thawhtthannak thiltikhawhnak cun na/ka thlacamnak cu leh akan timh zungzal tihi athar van thei tthan hna usih tihi, Bawi Khrih min kan sawm hna. Vanlam programe ahhin cun nungcung in thi timi hi arak si.

BAWIPA nan dihlak cungah atharin thlawchuahnak in pe ko hna seh.