(Mah hi a tanglei bung le caang tete hin nanun nak nih na rak herh vetuk mi anrak si ve sual ah tiin duhsak nak he ka van in hlawm ve.)
-Na herh ttualmal, na duhtuk hringhran, na thinlung luahkhattu kha Bawipa Pathian sin in na hmuh khawh.(Sam 2:8).
-I tlaih ding siseh, i hngohchan ding, i rinhchanh ding nei lo bangin na um lio caan zong i, zeitik lio caan zongah an vengtu a um. (Sam: 3:5)
-Ttahnak horkuang chungah na lut i, zawtnak le lung retheihnak, ngaihchiatnak nih an tlakbuak, nangmah te lawng a ho hmanh i bochan ding um loin an tlau dih, vawlei nih hin a hnung an tunhhnawh bantuk tiangin nai theih, asinain mah cu hmun zong ahcun himhirhiar tein na um.(Sam 4:8)
-Nangmah an sersiamtu nih a za ati hlanah, nangmah nawl tein nangmah ruahnak in a za na rak i ti..!! Na si khawh ding mi siseh, A ruahman nak le an ruahpiak mipawl hi na hmuh thlu kho cang hna maw? Na dawn ding le na phak nak ding tiang siseh nangmah tampi ai hngat fawn. Hmailam panh in, kekar khawh i zuam. (Sam 21:6)
-A hramthok tein ttan vanlak zongah asi kho bal ti lai lo, titiangin thil tisual timi ah nai ruat, asinain duhsaknak dongtu na si. Cuka ahcun nunnak a um, Harsatnak an vuntuar khawh hnuah lunglawmhnak zong a van phan ve tawn. (Sa, 30:5)
-Na cung i avan phan tawn mi harsatnak pawl kha, na hrangah atthabik in herrem hi Bawipa Pathian a thiam tuk. (Sam 30:11)
-Fimnak hawlin thlacam zungzal. Na hrangah Bawipa biakam a si. Biakhiah nak tuah harsa na ti, nan nunnak lamtlun zeizong vialte hrangah fimnak na herh. (Sam 32:8)
-Umawk thei lo lung sivangin harsatnak na tong, asinain khamh na si lai. Pathian cu cawimawi tlak asi zia na theih lai. (Sam 50:15)
-Bawipa ah nai lawmh le lawmh lo hi na thinlung tahfung pakhat asi. Na thinlungput ning kha Bawipa na cawimawi le cawimawi lo kha zoh fiah zungzal. (Sam 64:10)
-Innchungkhar a kekkuai mi lakin adirchuak mi na sinak kha nangmah i zohniamnak ah hmang hlah. Na umhar in na lungrawk zungzal lai lo. (Sam 68:6)
-Mi nihsawh, ceihphai mi, tlangrel mi, hi pawl hi na cungah a phan, asinain a hmuh phak lomi Kulhbing hnget a um. Cuka ahcun lut. (Sam 71:7)
-Tlakcham in na um zungzal lai lo. Pathian na zumh i, A mah ah nai ngah asi ahcun na mualpho hrimhrim lai lo. (Sam 81:16)
-Na ralpawl ruangah thirin thinphang in na um, na zawtnak ruangah khan na van a sang. Sau dam ding zongin zuam khawhnak na nei kho hrim ti lo. A sinain damsau dingin, saupi dam dingin thlawchuah na si. (Sam 91 dihlak in le cang 16)
-Pathian nih na felnak theitlai, laksawng an pek lai.(Sam 92:12)
-Na chulh sual, na tlu sual maw. Sihmanhsehlaw camhtu kutcak tuk mi le domhtu thinlung ngilnei tein an hngah zungzal. (Sam 94:18.19)
-Pathian tihtu lam a ceu zungzal, thiltha nih a hngah tawn hna. An thinlungah lunglawmhnak an ruat tawn, thil hi a ceu zawngin a cuan thiam hi an i lawm tawn. (Sam 97:11)
-Rethei mipawl, zohliam in an um zungzal lai lo. Mahte in umhar in na um zungzal lai lo. Bawipa riantuan kutcak kha na thinlungin i tlaih zungzal. Na cung i thiltha lo a phan mipawl thil hlah. (Sam: 107:41, 43)
-Na thinlung an fahtertu pawl, an dotupawl an huatupawl hrangah thlacam in thlawchuah pe zungzal hna. Zumhnak in phuang chuah khawh i zuam. An mah ruang i an thinlung fah a dam tiangin. (Sam 109:4)
-A dong colh lai lo ti kha, zumhnak in phuan khawh i zuam, A thilti mipawl phaung chuak dingin Bawipa nih an duh. (Sam 118:17)
-Na rawl a ttam i, tlakcham nei in nai thei. Bawipa ahcun i hngat law, A mah cu hngak ko. (Sam 132:15).
No comments:
Post a Comment