Hi hmanthlak hi zoh ahlawh ngaimi hmanthlak asi. Kan theih cio t'heu lai dah tiah ka ruah, asinain a story taktak thei lotu kan um sualah tawite in van chim khawh van i zuam usih, mahhi tuanbia te hin thazaang tampi atharin kai lak t'han ve. Curuangah bulbak kan nunah kan i hlawkpi ve khawhsual ah tiah tawi tein van tarlang khawh ka van i zuam t'han hnik lai.
China ramah Hangzhou timi saram vulhnak chung i, rul rawl hrangah tiin nitin atlawmbik zu(mouse) pahnih hi an pek tawn ti asi. Hmanthlak i zuvar pahnih pek an timh minih khin apetu le mithring bakin a hmutu pawl thinlung khawihtuk in thil aphan mi a um, cucu zeidah asi ti ahcun, Rul nihhin zu pakhak aseh cuahmah lio ahcun ahawi zu pakhat nihcun zamtak men loin a thian chuan tlanchhiat san mai lovin,theihtawp chuah in le a nunnak thap in ahawipa chanh ding cun rul cu heh tiah beidong loin arak seh ve. A hawipa heh tiah atheihtawp chuah in, chanhkhawh ding tengteng heh tiah anun thap in rul cu athuat len ve.
Rul rawl petu Wen Shao timi pa nihcun, " Rul ei ding i zu kan van chiah bak hin arianran khawh chungin rul um lonak ah an tli, an zam ve colh tawn ti asi. Asinain, hi zu nihhin a hawipa rulnih aseh cuahmah lio ahhin zamtak men loin, chanhchuah kho dingin heh tiah ai zuam, atih lo abei adong hrimhrim lo. A ral at'hat hleiah, a hawipa hrangah anun thap ngam in bawmh dingin a cawlcangh ning kan hmuh tikah rul umnak hmun cun cu zu te kan lak chuak i, aduhnaknak ah khuasak ding zalen kan pek." tiin mak tinawn khin a van chim.
Theih dingmi:
Ramsa thilnung zong nihhin dawtnak, zumhawktlak sinak le annun thap ngam tiangin ralt'hatnak an langhter tawn.Kan mah minungtu hi kan nunphung hi van i zoh usihlaw, kan minung hawipi bawmh ahnekin kan zamtak hlei hna pinah ka hei hlawtbet zungzal hoi fawn hna, acan ahhin cun ramsa, rannung pawl hmanh hi ka tluk tawn hna lo. Pathian sersiam mi lak i cungnungbik dinhmun asimi kan nih minung pawl nihhin kan kan tang i a ummi le zeihmanh i kan ruah lemlo mipawl annun hin cawn dingmi thil, kan va ngah hringhran dah....!!!!
"Midang bawmhtu le chanhtu tluk i miralt'ha le pasalt'ha sinak dang a um hlei cuang lo e."
No comments:
Post a Comment