"PENCIL LE KHEPHIAT KONGIN CAWN DINGMI"

PENCIL : Pencil nih cun Ka tisual, sorry tuk mu, zangfah tein  ka ngaithiam tiah KHEPHIAT sinah cun a hei ti---

KHEPHIAT : Khephiat nih cun tisual na nei hrimhrim lo. Zeiruangah dah ngaihthiam hna cu na ka hal?? tiah a leh.

PENCIL : Pencil nih cun Keimah ruangah hin na tuartawn ti ka theih dakhaw. Thiltihsual ka neih canpoh ah, cu ka thiltihsual mi cu nawh dingah na can na pek tawn ti ka theih. Ka thil tihsual pawl na ka nawh piak ruangah le thiangte in ka sualnak vialte na ka nawh piak tawnruangah, na taksa tiangin a tuar i, keimah ruangah nifa tein na fa chin lengmang ti hi ka theih dakhaw tiah KHEPHIAT sinah cun a hei ti.

KHEPHIAT : KHEPHIAT nih cun a hmantuk na chimmi cu tiah avan leh ve. Asinain kei nih cun poi ka tilo dakhaw,Na thilsual mi le na tuahsual mipawl thianter dingah pei kei siam le tuahmi ka si cu tiah awnem te cun a van leh than ve. Na tihsual can le naipal can i in bawm dingah zeitik can pohah na hrangah ka um zungzal lai tiah avan ti than. KHEPHIAT nih cun zeitik ni ah maw cun ka ral viarte lai i, Cu hnuah cun KHEPHIAT thar nih ka ai a van awh lai tizong hi ka theih ko e tipah khin zeitimaw te khin avan leh ve than. Asinain ka riant'uannak ah hin kai lawmtuk dakaw, kai lungsituk dakaw, i chirnak hrimhrim hi ka nei lo tiah hmaipanh te nipah cungte khin avan leh t'han. KHEPHIAT nih cun tuhnu ah cun mu, nai phuhrun nak mithmai kha ka hmuter tihlah mu, ka hmu duh lo tiah dawtnak te cun a van chimh t'han. Lunglawm tein na riant'uan ding, na hmabak tukha hlenchuah khawh i zuam law, hlawhlting ding hrimhrim tu khan i zuam deuh cang mu i phuhrun nak thinlung kha nei ti hlah mu tiah avan chapchiah fawn.

Kannu le kanpa pawl  hi KHEPHIAT bantuk hi an si. Kan nih an fale pawl hi PENCIL dinhmun khi kan va si hnga, Kannu le kanpa pawl hi kan hrangah zeitik can zongah kan hrangah an nunnak hi an thap zungzal tu an si. Kan thil tihsualnak le kan palhnak thianter le ngaithiam dingah kan hrangah hin OPEN sa in zeitik can zongah a um zungzal mi an si. Lamdik kan zulhkhawhnak asikhawh phawt ah cun, ningzah le minchiat zong el sing loin an thihni nazi tem tiang hmanh in na hrang le ka hrangah theih khawh chungin tan ala tu dakaw  an si.

Na tihsual mi le na palh mi vialte ruangah khan thinlung fak le ngaihchia lungzer ngaiin can an hmang tawn tikha thei law, Na ngaihchiar le na lungrawk nak ah nangmah nak in atuar deuhtu an si tizong kha philh hrimhrim hlah. Na lung retheih le vansan nak vialte nak khan aletin an tuarpiaktu an sikha phil siang hrimhrim hlah. An theihnak an thazaang vialte thawhkhawm in hawi na lawhkhawh nak le nai nuamh khawh nak an in hawl piak tihi thei zungzal fawn. Pathian sin i thlawchuah na don khawhnak dingah le na can na hman lai ding mi na hmailei can i lamdik na zawhkhawh nak ding hrangah  zantin tein na hrangah Pathian sinah an phak khawh tawkte in thla an cam  zungzal tihi thei zungzal law, Dawtnak le tangdornak thinlung tehe, an in zohkhenh tawn tihi phil hlah. ZUANGZAL nunnak na neihkhawh nak dingah KHEPHIAT(ERASER) dinhmun ah dir in, an nunnak dihlak ral viar zong pawi an tilo, SUNGHNO NANU LE NAPA NIH.