-Thil theihfiang nakin zaidamnak athlenter thei
vekin, thinhennak khal khal a suahter thei ve.
-Ttihhrutnak ruangah si loin, tthatnak ruangah
zaidamnak cun arualpi le amah hrangah rah tthazet mi asuahter ttheu.
-Mi zaidam kiangih um cu anuam emem ih, harsatnak
aton tikah asialam hnakin atthalam zawngih khuaruahnak caang an thiam
ih,zaidamnak, cawlhhahdam nak athlen tteu.
-Nu zaidam leh pa zaidam cun an fate thil an tisual
pang caanah thinheng ih kawk hngal loin, thinhennak tel loin, felfai tein, an
sim sawn tteu, an ning azak pang ding ti phangin an thilsual tih pangmi tlunah
ttongkam mawi leh awnem tein an khuhsak hngal ttheu.
-Khat le khaat karlak ah harsatnak arak thlen tikah mi zaidam nun
cu a minung hawipi hrangah hahcawlhnak petu leh ttanpitu ttha asi ttheu.
-Mi zaidam pawl hin ttilva hrimhrim pawl hi, an
ngaina, culen an zuat lawng si loin tlangnel zetin an um thei cih mai
ttheu.Ttilva an zuat thei cuang ti asi.
-Zaidam lo cun kutthlaknak ding hmun atheituk,
asinan mizaidam cun kutthlak hi an neel lem lo, zahthlak ah an ruat, culawng si
hrih lo, ttilva tiang khal in an nunphung le an mitmeng khawsakdah ah an
theithei a ti asi.
-Mi zaidam lo hi atlangpiin cangsualnak (mualphonak) hmun an ngah cuang
zaidamnak cun hmunhim hawl in a leiin a leisawn ttheu.
-Zaidamnak hi taksa hrangah rawlttha asi ih, mi dang hrang khalah eitlak asi ringring
ttheu.
-Zaidamnak hi a hlan te ihsin rak kawlcia, rak
neicia lo hmansehla, zokhal thinlung
muril ih neih ngaingai duhtu cun ziangtik lai caan kawl atheih, neih atheih
ringring.
-Na taksa tlunih thuneitu cu nangmah na siih, na nun
ziin cu rem lohli thei zuam awla, thinhennak aw suak ding pawl cu hmunhlapi ah
hlon thei zuam aw, aw kamsuak zaidamnak aw tisuak thei dingin zuam ttento aw.
-Zaidam thei lo nak ruangih rah, thinhennak,
thintawinak pawl ruangah minung kan damsungzat, a hrek deuhthaw tluk in kan nun
in tawiter ti asi.
-Damrei nittha, sunglawi kan hmuhduh ringring
asilen, zaidamnak nun hi har fualfo khalsehla, kan zir ttento pei uh, Bawipa in
in zirh mi khal asi, zaidamnak in na damsung tawite ah na nuntam sawn cu hni
siamsi tein a lo tuah thei ti hi hngil hrimhrim hlah..!!!!
