ZEI TUAH PIAK DING DAH NA DUH??

Bible chang thim: (Mark 10:51-52)

“Jesuh nih cun, “ zeidah in tuah piak ning law na duh?” tiah a hal.  Mitcaw pa nih cun., “saya khua hmuh khawh t’han ka duh,” tiah a tiah a leh. Jesuh nih cun, “ Van kal kun,, na zumhnak nak nih an damter cang,” tiah ati. Chikkhatte ah khin khua cu a hun hmu i lam ah cun Jesuh cu a zulh.

Kan Bawipa Jesuh Khrih cu Judah peng le Galilee peng chungah Thawngt’habia chim le phuangin a um lio ah khuaruahhar  phunzakip atuah. Khawchia luhhnawh mi hna zong a damter hna. Mitcaw pawl khua a hmuhter hna i, kutke zeng pawl zawng adamter hna, mithi tiangin a thawhter. Cupawl dihlak cun ahlankan tein a rak i timh mi zong a si lem lo. A khualtlawn pah in a dinhmun i aherhning bantuk in a tuahmi hna khi an si. Mi bomh hau, mi rethei a bomh tik hna ah, mi theih ding le mah sunlawinak ah a hohmanh a bawm bal hna lo. A mah atuah le a t’uanning kel tein a tuah tawn ko.

Kan nitin nunnak chungah Bawipa zangfahnak kan co khawh nak hnga heh le chet tiah tiin le danglam ngai i va tuah len zong khi arak herh hlei lo. A Hlan kum thawnghnih lio  Jerecho lam lai arak kaltawn mi Jesuh cu tuchun nang le kei kan kalnak cuahmah nak zalam zongah hin kan ton khawh ve t’hiamt’hiam tihi kan theih t’han ding zongah ka duh.Kan mitnih a hmuh lo zongah kan pawngkam ah a thlarau thianghlim nih akan umpi zungzal tihi kan theih zungzal a herh. Khawika hmun kan va um hmanh ah kan thlacam nak in kan i peh zungzal kho tihi kan theih ding mi le kan nun i kan i nunpi ding mi thil ngaingai  ding zong asi. Kan mah nih kan theih le theih lo lawng asi i, kan nunnak he kan i peh zungzal khawh nak dingin akan tuah piak zungzal tihi kan theih at’ha.

Zei tuahpiak dah na duh ?? timi biahal nak he Bawipa Jesuh nih mitcaw Bartimai a hei panh bantuk in kan nih zong Bawipa Jesuh nih akan panh ve asi ti hi thei thei t’han hna u sih.

1). David fapa ka zangfah ko(Marka 10:47)

Mitcaw Bartimai nih khan Bawipa Jesuh kha misunglawi ngai pakhat ah a cohlan. Curuangah “David Fapa JESUH” tiah arak auh. Jesuh ratnak lam lei kha rak cuan in heh tiah a rau len ko ti kha kan hmuh Bible ah, Mi tampi nih cun hna na hnawk tiah daite in um ko ti zongah an rak  ti fawn. Asianin a daiduh bak loh  than chin lengmang in a au ti ka hmuh. Kan Bawipa Jesuh Khrih cu a mi le fapawl harsatnak le an aunak aw cu ngai in akan theih piak zungzaltu Bawipa asi. Khatluk miburpi tlak hmah i mipakhat au aw theih piaktu Bawipa nih cun thinlung mutil ngaingai i na aunak cu A hnung an chit siang hrimhrim lai lo ti hi ka theih dingah ka van duh ngai asi, asinain kan halning le asin i kan aunak au thawm hingaihtlak asi maw sio tihi kan theih herh tukmi asi.

2).Zeituah piak ding dah na duh?(Marka 10:51)

Bawipa Jesuh cu midang nih sir i an hnawl mi le zei i an rel lo mi , an nehsawh mi mitcaw Bartimai sin i aduhmi le aherhtuk mi khua a hmuh nak ding i a va panh bantuk khan kan nih sin zongah kan damlonak, kan cahlo nak, kan harsat phunphun bomding in kan sinah arak ve ti hi thei t’han hna usih a thar in. Jesuh kan sinah arak ve ti kan chim bantuk in kan herhmi chim thiamtu siding hi a biapi tuk lawmmam. Jesuh nih, “ Ka min in mi panih siseh, pathum siseh, nan umnak kipah kei zong ka um ve” tiah ati.(Marka 18:20). Jesuh cu thihnak teiin athawht’han cang i nizan, tuchun zongah ai thleng lo i, zungzal in a hmun zungzal. (Heb 18:8). Zungzal i a nung mi asi i, aliamcia mi kum 2000 lawng i arak cangvai mi Pathian asi lo. Tuchun, tuni tiang zong i a cangvai cuahmah mi Pathian asi.

3). Khua hmuh khawh than ka duh.(Marka 10:51)

Mitcaw Bartimai nih cun aduh mi hal khawh nak aneih cang caah thil zeidang nak hmanh in amah hrang i a herh cem mi hmuh khawh t’hannak kha a hal. Zeiruangah dah a hal tizong ka theih cio t’heu lai dah, kum zeimawzet khua rak hmu kho tilo in rak um nana ti cu, Bawipa kutchuak thilnung phunphun siseh, zohnung phunphun, zodawh phunphun si hna seh, ahleice a chuahpi a unau le nu le pa hmuh hrim a duhtuk t’heu lai dah ka ti. Mitcaw asibantuk in mi i rinh chan i um le kal hrimhrim hi a nengtuk cang t;heu lai dah tiah ka ruah. A mit nih khan khua rak hmu kho sehlaw cu mi rinchan a hau hnga lo. Curuangah cun anih i a herh cem mi cu khua hmuh khawh kha asi ko.

Tuni, tucan, ah kan nih zong Bawipa Jesuh Khrih nih, “ Zei tuah piak dah na duh?” tiin van kan hal ve cio seh law zeidah na rak hal ve hnga?? Kan herh mi hi zei hla si ti teh kan thei hnga maw, a halnak cang teh hi a thiam hna kan thiam hnga maw?? Biathlam 3:17-18 chungah, “ka rum ko,kaa za ko, zeihmanh ka bau lo, na ti. Asinain zeitluk sifak le zaangfah tlak dah nan si kha nan hngal lo, na si afak puan aih awk hmanh na ngei lo i na mit a caw. Cucaah ruahnak kan cheuh duh mi cu, kei mah sin in sui thiangtaktak kha ka caw law na rum lai. Cun na thuamnak ding le taklawngin na umnak ningzahnak, khuhnak  ding caah, thirang i  cawk fawn. Cun na mit thuh awk ah sii zong i cawk law cuticun khau na hmu kho lai.” tiah a um.Thlarau “lam”  fiangte i hmuh khawh hi kan herh bik mi asi kho men. Bawipa hmaiah kan sinak taktak kan i hmuh khawh asiah cun kan nun a kan danglam ter ko lai.

“Bia donghnak”

“A ho kan si hmanh ah kan nun chungah kan duhmi  a van tlin tiah PAUL nih cun, “T’hawnnak aka petu Khrih thawngin thil zeipoh ka tuah khawh ko hna.”(Filipi 4:13), ati khawh bantuk in kan nih zong nih kan ti khawh ve lai. Cuticun Pathian Thawnt’habia phuan khawh nak ding hrangah thazaang t’hawnnak thar kan nei t’han lai i, teinak suilukhum cu ka co khawh lai. A liamcia mi kum 200 i Bawipa Jesuh Khrih mitcaw Bartimai khuahmuh tertu nih khan nang le kan herh mi zong a kan bomh khawh ve ti hi athar in thei t’han hna usih. Lung retheih vansan nak le ngaihchiat khawhnak ram i leng mi kan si rih ko nain,  A rian kan t’uan khawh nak dingah kan mah le kan sining cio in a kan duh, akan hman duh. Bawipa pek huham t’hawnnak rinhchan in thlarau tlau tampi  a kehram i hruai khawh hi zumtu kan rian biapibik asi ti hi fiangte in kan theih a herh. Tangdornak he kan herh mi thei in Bawipa riant’uantu kan si cio khawh nak dingah a tharin kan zate hrangah Bawipa nih thlaw kan chuah cio hram seh.