A hmaisa bikah a hmanthlak ka van tarmi hi amah (KHALIL) cu asi. Voikhat cu nelrawn ramcar ah Kan pathian Allah hrangah raldo dan le christian pawl hremdan ding kan zir. Cutii ramcar ih training kan neih laiah in hruaitu bik(lubik) cu kan training kan tluang le tluang lo in rak veh vai in kan hnenah zarhkhat lai a ra cam. Kei cu kan lak ah meithal siseh kut le ke lam khal ah thiambik le tlingbik ah in hril. Siper(one shot one kil) kah khal kei mah ka thiam bik. Amir cun Christian evenglish pakhat in Egtp ah muslim nau pakhat ka lo it pi kei paisa ka lo pe ding tiah a ti, cu mi thuthang cu kan hnenah in ra sim ih kan zaten kan thinheng tuk ih cu mi thu kan theih cun kan meithal kan kap ciamco. Cu mi thuthang in sim cun Christian pawl ka huatnak a luar sinsin. Kan zaten thukamnak kan tuah "christian hmuahhmuah kan hmuhnak ah kan that ding" ti ah thukam kan tuah.Kan hotubik Amir cun Christian pawl ih ram an lak cak dan thu in sim. Cuiruangah hriamhrei hmang loin dodan kan ngeih tuah ve ding ti ah in ti.
An Bible khi a dik lo a si tiah ca ngan aw, an Bible sualnak hawl aw tiah in fial. Asinan ka duh lo. Ziangahtile Bible siar pohpoh cu an mah christian ih cannak ti ah an sim ka thei dah. Curuangah Bible cu a tham le a zohhman ka duh lo. Amir ih hnenah midang fial aw kei cu ka ti thei lo ding ti ah ka el. Asinan Amir in nangmah na tlingbik Allah in hi mi tituk dingah a lo hril asi ti ah i ti. Curuangah Bible adik lozia cu ngan ding cun ka tim ka tuah. Azan ah Bible cu ka kau ih a siar ka thawk. Thlakhat sung ka siar ih a sualnak ka hmu lo. Curuangah Amir ih hnenah ka feh sal ih an Bible ih sualnak ka hmu lo tiah ka ti. Amir cun cabu 27 lai in pe ih himi vazoh awla Bible ih dik lozia cu na hmu meiding tiah in ti. Himi na tuah thei a sile thlakhat ah $ pongkhat kan lo pe ding tiah in ti.
Amir ih in pe mi cabu khal ka siar ih Bible ih sualnak ka hmu lo. Bible a sual ka ti ahcun kan Quran hi a sual tinak asi ding. Ziangahtile kan Quran le Bible hi a bangawknak a tampi. Asinan ka vun nganih page 200-300 lak a sah. Asinan bible sualnak ka hmu lo. Quran ahccun allah a rak sal ding tiah a um lo, asinan Bible suangah cun Jesu in ka rak sal ding mihmuahhmuah hrang thuthen dingin ka rak sal ding ti ah a um. " ka ngan mi cu Kan Quran hi rinsan atlak taktak maw?" ti hi asi. Asung ahcun Quran hnakin Bible rinsan a tlak sawn tin ka cem ter. Ziangruahah hiti vekin a cemnak ka tuah ti ka thei lo. Amir in ka canganmi cu razoh dingin a ra ih a siar tikah a thinhneng tukih i beng ciamco. ka Nu'n kan thawmvang thei in in ra then.
Cuizanah thla ka cam. Hitin thla ka cam" Muslim pathian allah maw? Christian pawl pathian Jesu ha na si? in sim hram aw " cutin thinlung thiangte thawn na rian ka tuan ding ti ah ka ti. Cuizan cu nidang ih ka itthat vek siloin ka it that a thaw tuk. cuizanah mipakhat ka hmu zoha na si tiah ka sut? Bible sungih na hmu mikha ka si tiah in ti. Na Bible kah lak sal aw la Bible a tikzia hi mi va sim aw ti ah in ti. Cuizan rori ah Jesu ka zum. kan nih muslim pawl cun Allah a zum lo tu cu mipa, nunau le nauhak khal siseh ziatsuah thluk ding tin Allah in zirh. Jesu cun a lo hmusuamtu hrangah thlacamsak aw tiah a um. Amir cun na cangan mi midang na siarter a sile keimah rori in ka lo that ding tiah in ti. Cuitlunah na rualpi pawlin an lo that ding tiah a ti. Asinan zianghman ka tih nawn lo ziang hmuah hmuah hnakih thasawn Jesu ka nei zo ti ah Khalil cun a ti.
Thubet: Sakuadang cu an pathian an thi tikah an thosal timi a um nawn lo.Asinan kan Lalpa Jesu cu thihnak nehin a thosal ih paivorhlam ah kumkhua in a nuang.
FROM ONLINE, POST BY ROBIN MANG. ( Theih t'hate asi caah ka van khum chih ve ).
No comments:
Post a Comment