Tulio cu West African ramah Ebola zawtnak nasa ngaiin alen cuahmah lio asi . Hi zawtnak ruangah hin mi 900 reng lo nih an nunnak an liam cang ti asi. Democratic Republic of Congco ram i EBOLA TIVA pawngin hi zawtnak hi avan i thawk mi asi tiah ruah mi asi.A tu kan hmuh mi hmanthlak khi Liberia rami Ebola zawtnak anei mi cu asi. Mah hi zawtnak i a zawmi pawl cu zawtnak dang he ai lawh lo caah zeitluk i dawt le i zangfah asi zongah i tongh le i tham khawh asilo achan cu hi zawtnak hi i chonh a oltuk mi zawtnak asi hlei ah azawtnak hi arak tuk mi asi caah zeitluk i i thlawp i bul piak duh zongah a ngah lo, mithli he hmai le hmai ah i zoh i chun ni liam asi tawn ko.
Hi zawtnak in an thih hnu zawngah A thih hnu zongah a hohmanh ngaihsak tu le an ruak fimtawl tu zong an um lo, zeituangah tiah cun i chonh a oltuk caah asi, khawlak ah (Hmanthlak i na hmuh ning bantuk khin) khi tikhin zeitluk i an dawtmi hna le an zangfah mi hna an chuahpi an unau an si hmanh i fim le i tol ngam hrim asi tilo.Zeitluk in dah an lung afah lai ti khi van ruat cio hmanh uh, hi lio te i ka thinlung i ruahnak pakhat avan lut mi cu zeidah asi tiah cun Bawipa nihi a naituk hringhren cang tihi ka ruahnak a kaluahkhat tukbik cu asi.Ebola zawtnak atuartu pawl hi an can achia in zang hi an faktuk hringhren. Kan van chin bantuk khan an thih hnu zongah an chuah sempi unau zongnih tuamhlawm ngam lo i an van um chap hi cu lungsai hi a hrem hrim kho loh, hibangtuk chan i um le khausa kan si fawn tung ti uh law.
Zangfak asituk ah hin an mithli cu rialti bangin a donh i donh cawk lo aluang ko. Cuti thih hnu zong i i tuamhlawm ngam asi lo ruangah hmundang lebangah cun an kut in tongh ngam an si lo ruangah hriin an khih hna i cuticun an rawthna hmunkhat ah cuticun an fimtawl hna tisi, atuartu inchungkhar um dan ding khi van ruat ve hmanh zeitluk in an ngaih achiat hnga. Hmanthlak i kan hmuh mi zong hi Ebola zawtnak i a zawmi asi i, a chungkhar pawl nih khawlai ah Volunteers pawl nih an tuan dingah lengah an va chiah khi asi...
An dawttuk mi chung lekhar sihna hmanhsehlaw, Ebola zawtnak kai an tihruangah mithli he sianglo butein i then avan hau fawn lungsia hi a rem kho hrim lo, An dawttuk mi hna an chung le ruak hmanh tuamhlawm kho loin khawlak ui le ar bantuk in i zoh liam a van hau fawn, aw hi vawlei hi cu aw duhtlin lonak ram, kan khualtlawn nak ram asi zia hi cu aw a fiangtuk ai hi bantuk dinhmun van ton hi cu.!!! Asinan in atu ah cun Bawipa dawtnak thawngin a damnak sii an hmuh ti asi cang caah thin hna angam deuh, asinan in hi zawtnak ruangah an dawtmi chungkhar a thentu hna hrangah donglo in thlacam piak hna usih.
No comments:
Post a Comment